ਨਵੀਂ ਦਿੱਲੀ: 22 ਸਾਲ ਦੀ ਤਸਮਿਦਾ ਇਕ ਰੋਹਿੰਗਿਆ ਮੁਸਲਮਾਨ ਹੈ। ਤਸਿਮਦਾ ਦਾ ਪਰਵਾਰ ਇਕ ਵਾਰ ਮਿਆਂਮਾਰ ਤੋਂ ਅਤੇ ਦੂਜੀ ਵਾਰ ਬੰਗਲਾਦੇਸ਼ ਤੋਂ ਵਿਸਥਿਤ ਹੋ ਚੁੱਕਿਆ ਹੈ। ਉਹਨਾਂ ਦਾ ਪਰਵਾਰ 2005 ਵਿਚ ਮਿਆਂਮਾਰ ਤੋਂ ਬੰਗਲਾਦੇਸ਼ ਆਇਆ ਸੀ। ਉਸ ਸਮੇਂ ਉਹ ਕੇਵਲ 6 ਸਾਲ ਦੀ ਸੀ। ਥੋੜੇ ਸਮੇਂ ਬਾਅਦ ਉਸ ਨੂੰ ਬੰਗਲਾਦੇਸ਼ ਦੇ ਸਕੂਲ ਵਿਚ ਦਾਖ਼ਲ ਕਰਵਾਇਆ ਗਿਆ। 2012 ਤੱਕ ਮਿਆਂਮਾਰ ਵਿਚ ਰੋਹਿੰਗਿਆ ਮੁਸਲਮਾਨਾਂ ਲਈ ਹਾਲਾਤ ਮਾੜੇ ਹੋਣ ਲੱਗੇ।
ਇਸ ਤੋਂ ਬਾਅਦ ਬਹੁਤ ਸਾਰੇ ਰੋਹਿੰਗਿਆ ਮੁਸਲਮਾਨ ਬੰਗਲਾਦੇਸ਼ ਵਿਚ ਆ ਗਏ। ਇਹਨਾਂ ਦੀ ਗਿਣਤੀ ਬਹੁਤ ਹੋ ਚੁੱਕੀ ਸੀ ਜਿਸ ਕਾਰਨ ਬੰਗਲਾਦੇਸ਼ ਨੇ ਗੈਰ ਕਾਨੂੰਨੀ ਰੂਪ ਨਾਲ ਰਹਿਣ ਵਾਲੇ ਲੋਕਾਂ ਵਿਰੁਧ ਕਾਰਵਾਈ ਕੀਤੀ। ਇਸ ਵਜ੍ਹਾ ਕਰਕੇ ਤਸਮਿਦਾ ਦੇ ਪਰਵਾਰ ਨੂੰ ਇਕ ਵਾਰ ਫਿਰ ਉੱਥੋਂ ਕਿਤੇ ਹੋਰ ਜਾਣ ਲਈ ਮਜਬੂਰ ਕੀਤਾ ਗਿਆ। ਉੱਥੋਂ ਉਹਨਾਂ ਦਾ ਪਰਵਾਰ ਭਾਰਤ ਵਿਚ ਆ ਗਿਆ। ਬੰਗਲਾਦੇਸ਼ ਵਿਚੋਂ ਬਹੁਤ ਸਾਰੇ ਮੁਸਲਮਾਨ ਭਾਰਤ ਆ ਗਏ ਸਨ।
ਇੱਥੇ ਉਹਨਾਂ ਦੀ ਗਿਣਤੀ ਲਗਭਗ 40000 ਹੋ ਗਈ ਸੀ। ਤਸਮਿਦ ਨੇ ਭਾਰਤ ਦੇ ਕਾਲਜ ਵਿਚ ਪੜ੍ਹਾਈ ਸ਼ੁਰੂ ਕੀਤੀ। ਇੱਥੇ ਉਸ ਨੇ United Nations High Commissioner for Refugees (ਯੂਐਨਐਚਸੀਆਰ) ਅਤੇ ਅਪਣੇ ਭਰਾ ਦੀ ਮਦਦ ਨਾਲ ਤਸਮਿਦਾ ਨੇ ਕੰਪਿਊਟਰ ਅਤੇ ਹਿੰਦੀ ਜਮਾਤ ਵਿਚ ਦਾਖ਼ਲਾ ਲਿਆ। ਉਸ ਨੇ 10ਵੀਂ ਦੀ ਪੜ੍ਹਾਈ ਓਪਨ ਸਕੂਲ ਅਤੇ 11ਵੀਂ ਅਤੇ 12ਵੀਂ ਦੀ ਪੜ੍ਹਾਈ ਨਿਜੀ ਸਕੂਲ ਵਿਚ ਕੀਤੀ।
ਇਕ ਰੋਹਿੰਗਿਆ ਮੁਸਲਮਾਨ ਲੜਕੀ ਲਈ ਇਕ ਦੇਸ਼ ਵਿਚ ਵਿਦਿਆਰਥੀ ਦੇ ਰੂਪ ਵਿਚ ਰਹਿੰਦੇ ਹੋਏ ਕਾਲਜ ਵਿਚ ਦਾਖ਼ਲਾ ਲੈਣਾ ਆਸਾਨ ਨਹੀਂ ਸੀ। ਕਾਲਜ ਵਿਚ ਰੋਹਿੰਗਿਆ ਮੁਸਲਮਾਨਾਂ ਵਿਚ ਤਸਮਿਦਾ ਪਹਿਲੀ ਵਿਦਿਆਰਥਣ ਹੈ ਜਿਸ ਨੂੰ ਕਾਲਜ ਵਿਚ ਦਾਖ਼ਲਾ ਮਿਲਿਆ ਹੈ। ਤਸਮਿਦਾ ਦਾ ਸੁਪਨਾ ਡਾਕਟਰ ਬਣਨ ਦਾ ਸੀ ਪਰ ਬਾਅਦ ਵਿਚ ਉਸ ਨੇ ਅਪਣਾ ਵਿਚਾਰ ਬਦਲ ਦਿੱਤਾ। ਹੁਣ ਉਹ ਰਾਜਨੀਤੀ ਦੀ ਪੜ੍ਹਾਈ ਕਰਨਾ ਚਾਹੁੰਦੀ ਹੈ ਤਾਂ ਜੋ ਉਹ ਅੱਗੇ ਚਲ ਕੇ ਸਮਾਜ ਸੇਵਕ ਬਣ ਸਕੇ।
ਉਸ ਦੀ ਇਸ ਪਹਿਲ ਨਾਲ ਰੋਹਿੰਗਿਆ ਮੁਸਲਮਾਨਾਂ ਦੀਆਂ ਹੋਰਨਾਂ ਨੂੰ ਵੀ ਅੱਗੇ ਆਉਣ ਦੀ ਪ੍ਰੇਰਨਾ ਮਿਲਦੀ ਹੈ। ਪੜ੍ਹਾਈ ਸਮੇਂ ਉਸ ਨੂੰ ਕਈ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ ਹੈ। ਕਾਲਜ ਵਿਚ ਦਾਖ਼ਲੇ ਲਈ ਪਰਵਾਰ ਕੋਲ ਪੈਸੇ ਨਹੀਂ ਹਨ। ਫ਼ਿਲਹਾਲ ਉਹਨਾਂ ਲੋਕਾਂ ਨੇ ਤਸਮਿਦਾ ਦੀ ਪੜ੍ਹਾਈ ਲਈ ਆਨਲਾਈਨ ਪੈਸੇ ਇਕੱਠੇ ਕਰਨ ਦੀ ਮੁਹਿੰਮ ਸ਼ੁਰੂ ਕੀਤੀ ਹੈ।