ਲਖਨਊ: ਉੱਤਰ ਪ੍ਰਦੇਸ਼ ਵਿਚ ਲਖਨਊ ਦੇ ਨਗਰਾਮ ਖੇਤਰ ਵਿਚ ਵੀਰਵਾਰ ਸਵੇਰੇ ਬਾਰਾਤੀਆਂ ਨਾਲ ਭਰੀ ਪਿਕਅੱਪ ਨਹਿਰ ਵਿਚ ਡਿੱਗ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਇਸ ਪਿਕਅੱਪ ਵਿਚ 29 ਬਾਰਾਤੀ ਸਵਾਰ ਸਨ। ਹਾਦਸਾ ਵੀਰਵਾਰ ਸਵੇਰੇ ਹੋਇਆ, ਜਦੋਂ ਬਾਰਾਤੀ ਵਿਆਹ ਤੋਂ ਵਾਪਿਸ ਆ ਰਹੇ ਸਨ। ਘਟਨਾ ਦੀ ਸੂਚਨਾ ‘ਤੇ ਪਹੁੰਚੀ ਪੁਲਿਸ ਨੇ ਰਾਹਤ ਕੰਮ ਸ਼ੁਰੂ ਕਰ ਦਿੱਤਾ ਹੈ। ਦੱਸਿਆ ਜਾ ਰਿਹਾ ਹੈ ਕਿ 7 ਬੱਚੇ ਹਾਲੇ ਵੀ ਲਾਪਤਾ ਹਨ।

ਪੁਲਿਸ ਨੇ ਦੱਸਿਆ ਕਿ ਬੁੱਧਵਾਰ ਦੇਰ ਰਾਤ (ਲਗਪਗ ਢਾਈ ਵਜੇ) ਇਹ ਲੋਕ ਵਾਪਿਸ ਆ ਰਹੇ ਸਨ। ਸੱਜੇ ਪਾਸੇ ਮੋੜ ਸੀ ਪਰ ਡਰਾਇਵਰ ਨੇ ਗੱਡੀ ਖੱਬੇ ਪਾਸੇ ਮੋੜ ਦਿੱਤੀ, ਜਿਸ ਨਾਲ ਗੱਡੀ ਸਿੱਧੇ ਨਹਿਰ ਵਿਚ ਜਾ ਡਿੱਗੀ। ਬੱਸ ‘ਚ ਔਰਤਾਂ ਅਤੇ ਬੱਚਿਆਂ ਸਮੇਤ 29 ਲੋਕ ਸਵਾਰ ਸਨ। 22 ਲੋਕਾਂ ਨੂੰ ਬਚਾ ਲਿਆ ਗਿਆ, ਹਾਲੇ ਵੀ 7 ਬੱਚੇ ਲਾਪਤਾ ਹਨ। ਹਾਦਸਾ ਨਗਰਾਮ ਕੋਲ ਇੰਦਰਾ ਨਹਿਰ ‘ਤੇ ਹੋਇਆ। ਬਾਰਾਤੀਆਂ ਨਾਲ ਭਰੀ ਪਿਕਅੱਪ ਵਾਹਨ ਨੇ ਕੰਟਰੋਲ ਗਵਾ ਦਿੱਤਾ ਅਤੇ ਸਿੱਧੇ ਨਹਿਰ ਵਿਚ ਜਾ ਡਿੱਗੀ।

ਬਾਰਾਤੀਆਂ ਦੀ ਚੀਕ ਸੁਣ ਕੇ ਨੇੜੇ-ਤੇੜੇ ਦੇ ਲੋਕ ਮੌਕੇ ‘ਤੇ ਪੁੱਜੇ ਅਤੇ ਰਾਹਤ ਕੰਮ ਸ਼ੁਰੂ ਕੀਤਾ। ਪੁਲਿਸ ਨੂੰ ਸੂਚਨਾ ਦਿੱਤੀ ਗਈ। ਪੁਲਿਸ ਅਤੇ ਐਨਡੀਆਰਐਫ਼ ਦੀ ਟੀਮ ਨਹਿਰ ਵਿਚ ਉੱਤਰ ਕੇ ਬਾਰਾਤੀਆਂ ਨੂੰ ਲੱਭਣ ਵਿਚ ਜੁਟੀ ਹੈ। ਇਸ ਘਟਨਾ ਨੂੰ ਮੁੱਖ ਮੰਤਰੀ ਯੋਗੀ ਆਦਿਤਿਯਨਾਥ ਨੇ ਨੋਟਿਸ ਵਿਚ ਲਿਆ ਹੈ। ਉਨ੍ਹਾਂ ਨੇ ਅਧਿਕਾਰੀਆਂ ਨੂੰ ਤੁਰੰਤ ਮੌਕੇ ‘ਤੇ ਪਹੁੰਚ ਕੇ ਰਾਹਤ ਕਰਵਾਉਣ ਅਤੇ ਬਾਰਾਤੀਆਂ ਨੂੰ ਰੈਸਕਿਊ ਕਰਵਾਉਣ ਦਾ ਨਿਰਦੇਸ਼ ਦਿੱਤਾ ਹੈ।