Neem

ਕੋਰੋਨਾ ਦੇ ਦਵਾਈ ਲੱਭਣ ਲਈ ਡਾਕਟਰਾਂ ਅਤੇ ਖੋਜਕਰਤਾਵਾਂ ਦੀਆਂ ਟੀਮਾਂ ਦਿਨ ਰਾਤ ਕੰਮ ਕਰ ਰਹੀਆਂ ਹਨ। ਇਸ ਪ੍ਰਕਿਰਿਆ ਵਿਚ ਆਯੁਰਵੈਦ ਵੀ ਨਿਰੰਤਰ ਪ੍ਰਯੋਗ ਕਰ ਰਿਹਾ ਹੈ। ਆਲ ਇੰਡੀਆ ਇੰਸਟੀਚਿਊਟ ਆਫ ਆਯੁਰਵੈਦ (AIIA) ਨੇ ਨਿਸਰਗ ਹਰਬਜ਼ ਨਾਮਕ ਇਕ ਕੰਪਨੀ ਨਾਲ ਸਮਝੌਤਾ ਕੀਤਾ ਹੈ।

ਇਹ ਦੋਵੇਂ ਸੰਸਥਾਵਾਂ ਇਹ ਪਰਖਣਗੀਆਂ ਕਿ ਨਿੰਮ ਕੋਰੋਨਾ ਨਾਲ ਲੜਨ ਵਿਚ ਕਿੰਨਾ ਪ੍ਰਭਾਵਸ਼ਾਲੀ ਹੈ। ਇਹ ਟੈਸਟ ਫਰੀਦਾਬਾਦ ਦੇ ESIC ਹਸਪਤਾਲ ਵਿਚ ਕੀਤਾ ਜਾਵੇਗਾ। AIIA ਦੇ ਡਾਇਰੈਕਟਰ ਡਾ. ਤਨੁਜਾ ਨੇਸਾਰੀ ਇਸ ਖੋਜ ਦੇ ਪ੍ਰਮੁੱਖ ਪ੍ਰੀਖਣਕਰਤਾ ਹੋਣਗੇ।

ਉਨ੍ਹਾਂ ਨਾਲ ESIC ਹਸਪਤਾਲ ਦੇ ਡੀਨ ਡਾ. ਅਸੀਮ ਸੇਨ ਵੀ ਹੋਣਗੇ। ਇਸ ਟੀਮ ਵਿਚ AIIA ਅਤੇ ESIC ਦੇ 6 ਹੋਰ ਡਾਕਟਰ ਸ਼ਾਮਲ ਹੋਣਗੇ। ਇਹ ਟੀਮ 250 ਲੋਕਾਂ ‘ਤੇ ਇਸ ਗੱਲ ਦਾ ਪ੍ਰੀਖਣ ਕਰੇਗੀ ਕਿ ਨਿੰਮ ਦੇ ਤੱਤ ਕੋਰੋਨਾ ਵਾਇਰਸ ਦੇ ਸੰਕਰਮਣ ਨੂੰ ਰੋਕਣ ਵਿਚ ਕਿੰਨਾ ਪ੍ਰਭਾਵਸ਼ਾਲੀ ਹੈ।

ਇਸ ਖੋਜ ਵਿਚ ਮੁੱਖ ਤੌਰ ‘ਤੇ ਇਹ ਜਾਣਿਆ ਜਾਵੇਗਾ ਕਿ ਨਿੰਮ ਦੇ ਕੈਪਸੂਲ ਕੋਰੋਨਾ ਮਰੀਜ਼ਾਂ ਦੇ ਸੰਪਰਕ ਵਿਚ ਆਉਣ ਵਾਲੇ ਲੋਕਾਂ ਨੂੰ ਇਸ ਬਿਮਾਰੀ ਤੋਂ ਦੂਰ ਰੱਖਣ ਵਿਚ ਕਿੰਨਾ ਪ੍ਰਭਾਵਸ਼ਾਲੀ ਹੈ। ਇਸ ਪ੍ਰੀਖਣ ਦੇ ਲਈ ਜਿਨ੍ਹਾਂ ਲੋਕਾਂ ‘ਤੇ ਕੈਪਸੂਲ ਦਾ ਪ੍ਰੀਖਣ ਕੀਤਾ ਜਾਵੇਗਾ ਉਨ੍ਹਾਂ ਦਾ ਤੋਣ ਸ਼ੁਰੂ ਹੋ ਚੁੱਕਿਆ ਹੈ।

ਇਸ ਪ੍ਰਕਿਰਿਆ ਵਿਚ 125 ਲੋਕਾਂ ਨੂੰ ਨਿੰਮ ਦੇ ਕੈਪਸੂਲ ਦਿੱਤੇ ਜਾਣਗੇ, ਜਦੋਂ ਕਿ 125 ਲੋਕਾਂ ਨੂੰ ਖਾਣ ਲਈ ਖਾਲੀ ਕੈਪਸੂਲ ਦਿੱਤੇ ਜਾਣਗੇ। ਇਹ ਪ੍ਰਕਿਰਿਆ 28 ਦਿਨਾਂ ਤੱਕ ਚੱਲੇਗੀ। ਇਸ ਤੋਂ ਬਾਅਦ, ਮਰੀਜ਼ਾਂ ਦਾ 28 ਦਿਨਾਂ ਲਈ ਨਿਰੀਖਣ ਕੀਤਾ ਜਾਵੇਗਾ ਅਤੇ ਦਵਾਈਆਂ ਦੇ ਪ੍ਰਭਾਵ ਨੂੰ ਸਮਝਿਆ ਜਾਵੇਗਾ।

ਨਿਸਰਗ ਬਾਇਓਟੈਕ ਦੇ ਸੰਸਥਾਪਕ ਅਤੇ ਸੀਈਓ, ਗਿਰੀਸ਼ ਸੋਮਨ ਨੇ ਕਿਹਾ ਕਿ ਉਨ੍ਹਾਂ ਨੂੰ ਪੂਰਾ ਵਿਸ਼ਵਾਸ ਹੈ ਕਿ ਉਨ੍ਹਾਂ ਦੀ ਦਵਾਈ ਕੋਰੋਨਾ ਦੀ ਰੋਕਥਾਮ ਵਿਚ ਇਕ ਪ੍ਰਭਾਵਸ਼ਾਲੀ ਐਂਟੀ-ਵਾਇਰਲ ਦਵਾਈ ਸਾਬਤ ਹੋਏਗੀ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।