ਜੰਮੂ-ਕਸ਼ਮੀਰ,  ( ਭਾਸ਼ਾ ) : ਜੰਮੂ-ਕਸ਼ਮੀਰ ਦੇ ਅੰਨਤਨਾਗ ਵਿਖੇ ਅਤਿਵਾਦੀਆਂ ਨੇ ਹੁਰੀਅਤ ਨੇਤਾ ਦਾ ਗੋਲੀ ਮਾਰ ਕੇ ਕਤਲ ਕਰ ਦਿਤਾ। ਦੱਖਣੀ ਕਸ਼ਮੀਰ ਦੇ ਅਚਬਲ ਇਲਾਕੇ ਵਿਖੇ ਰਹਿਣ ਵਾਲੇ ਹਫੀਜ਼ ਉਲਾਹ ਮੀਰ ਨੂੰ ਅਤਿਵਾਦੀਆਂ ਨੇ ਨਿਸ਼ਾਨਾ ਬਣਾਇਆ। ਮੀਰ ਨੂੰ ਗੋਲੀ ਲਗਣ ਤੋਂ ਬਾਅਦ ਹਸਪਤਾਲ ਵਿਖੇ ਭਰਤੀ ਕਰਵਾਇਆ ਗਿਆ, ਜਿਥੇ ਇਲਾਜ ਦੌਰਾਨ ਉਨ੍ਹਾਂ ਦੀ ਮੌਤ ਹੋ ਗਈ। ਦੱਸਿਆ ਜਾ ਰਿਹਾ ਹੈ ਕਿ ਕੁਝ ਬੰਧੂਕਧਾਰੀ ਕਾਰ ਵਿਚ ਆਏ ਅਤੇ ਹੁਰੀਅਤ ਨੇਤਾ ਨੂੰ ਘਰ ਤੋਂ ਬਾਹਰ ਲੈ ਗਏ। ਕੁਝ ਦੂਰ ਖਾਲੀ ਜਗ੍ਹਾ ਤੇ ਲਿਜਾ ਕੇ ਉਨ੍ਹਾਂ  ਨੂੰ ਗੋਲੀ ਮਾਰ ਦਿਤੀ।

ਫਿਰ ਉਹ ਮੌਕੇ ਤੋਂ ਫਰਾਰ ਹੋ ਗਏ। ਉਥੇ ਹੀ ਕਸ਼ਮੀਰ ਵਿਖੇ ਅੱਜ ਸਵੇਰ ਤੋਂ ਹੀ ਅਤਿਵਾਦੀਆਂ ਅਤੇ ਸੁਰੱਖਆਬਲਾਂ ਵਿਚਕਾਰ ਮੁਠਭੇੜ ਜਾਰੀ ਹੈ। ਖੁਫੀਆ ਏਜੰਸੀਆਂ ਨੂੰ ਨੰਦੀਗਾਮਾ ਵਿਖੇ ਅਤਿਵਾਦੀਆਂ ਦੇ ਲੁਕੇ ਹੋਣ ਦੀ ਜਾਣਕਾਰੀ ਮਿਲੀ। ਸੁਰੱਖਿਆ ਬਲਾਂ ਨੇ ਦੇਰ ਰਾਤ ਤੋਂ ਹੀ ਅਤਿਵਾਦੀਆਂ ਨੂੰ ਘੇਰੇ ਰੱਖਿਆ ਸੀ। ਦੋਹਾਂ ਪਾਸਿਓੰ ਲਗਾਤਾਰ ਗੋਲੀਆਂ ਚਲਾਈਆਂ ਜਾ ਰਹੀਆਂ ਸਨ।

ਖੁਫੀਆ ਏਜੰਸੀਆਂ ਦੀ ਸੂਚਨਾ ਤੇ ਜੰਮੂ-ਕਸ਼ਮੀਰ ਪੁਲਿਸ ਅਤੇ ਸੁਰੱਖਆਬਲਾਂ ਨੇ ਰਾਤ ਨੂੰ ਹੀ ਇਲਾਕੇ ਨੂੰ ਘੇਰ ਲਿਆ। ਅਤਿਵਾਦੀਆਂ ਨੂੰ ਖ਼ੁਦ ਨੂੰ ਸੁਰੱਖਿਅਬਲਾਂ ਨਾਲ ਘਿਰਿਆ ਦੇਖ ਕੇ ਗੋਲੀਆਂ ਚਲਾਈਆਂ। ਇਸ ਮੁਠਭੇੜ ਵਿਚ 4 ਅਤਿਵਦੀਆਂ ਨੂੰ ਮਾਰ ਦਿਤਾ ਗਿਆ ਹੈ। ਜਦਕਿ ਇਕ ਪੈਰਾ ਕਮਾਂਡਰ ਸ਼ਹੀਦ ਹੋ ਗਿਆ ਹੈ।