ਫਿਰੋਜ਼ਪੁਰ (ਪੀਟੀਆਈ) : ਅਤਿਵਾਦੀ ਸੰਗਠਨ ਜੈਸ਼-ਏ-ਮੁਹੰਮਦ ਦੇ ਛੇ ਤੋਂ ਸੱਤ ਅਤਿਵਾਦੀਆਂ ਦੇ ਸੜਕ ਮਾਰਗ ਤੋਂ ਫਿਰੋਜ਼ਪੁਰ ਵਿਚ ਦਾਖਲ ਹੋਣ ਦਾ ਸ਼ੱਕ ਦੇ ਨਾਲ ਸੁਰੱਖਿਆ ਏਜੰਸੀਆਂ ਸ਼ੁਕਰਵਾਰ ਨੂੰ ਵੀ ਚੋਕਸ ਰਹੀ ਅਤੇ ਤਲਾਸ਼ੀ ਅਭਿਆਨ ਜਾਰੀ ਰੱਖਿਆ। ਸਰਹੱਦੀ ਪਿੰਡਾਂ ਅਤੇ ਕਸਬਿਆਂ ਦੇ ਲੋਕਾਂ ਤਕ ਅਤਿਵਾਦੀਆਂ ਵੀ ਵਾਇਰਲ ਹੋ ਰਹੀ ਤਸਵੀਰਾਂ ਨੂੰ ਸੁਰੱਖਿਆ ਬਲਾਂ ਨੇ ਵਾਟਸਅਪ ਦੇ ਮਾਧੀਅਮ ਨਾਲ ਪਹੁੰਚਾਇਆ ਹੈ। ਸੁਰੱਖਿਆ ਅਧਿਕਾਰੀਆਂ ਨੂੰ ਸ਼ੱਕ ਹੈ ਕਿ ਅਤਿਵਾਦੀ ਦਿੱਲੀ ਜਾਣ ਦੀ ਬਜਾਏ ਰਾਜਸਥਾਨ ਦੀ ਸਰਹੱਦ ਉਤੇ ਜਾ ਸਕਦੇ ਹਨ। ਕੁਂਕਿ ਉਥੇ ਵਿਧਾਨ ਸਭਾ ਚੋਣਾਂ ਹਨ।

ਅਤਿਵਾਦੀ ਕਿਸੇ ਰੈਲੀ ਜਾਂ ਸਭਾ ਵਿਚ ਵਾਰਦਾਤ ਕਰ ਸਕਦੇ ਹਨ। ਸੀਮਾ ਸੁਰੱਖਿਆ ਬਲ (ਬੀ.ਐਸ.ਐਫ਼) ਨੇ ਵੀ ਫਿਰੋਜਪੁਰ ਸਰਹੱਦ ਰੇਂਜ ਦੇ ਨਾਲ ਹੀ ਅਬੋਹਰ ਅਤੇ ਪੰਜਾਬ ਦੇ ਹੋਰ ਸਰਹੱਦੀ ਰੇਂਜਾਂ ਦੀ ਪੋਸਟਾਂ ਅਤੇ ਸਤਲੁਜ ਦਰਿਆ ਤੋਂ ਸਟੇ ਹਿੱਸੇ ਵਿਚ ਉਕਤ ਅਤਿਵਾਦੀਆਂ ਦੀ ਫੋਟੋ ਭੇਜ ਦਿਤੀ ਹੈ। ਡੀ.ਐਸ.ਪੀ ਜਸਪਾਲ ਸਿੰਘ ਨੇ ਦੱਸਿਆ ਕਿ ਪੁਲਿਸ ਪੂਰੀ ਚੌਕਸੀ ਨਾਲ ਵਾਹਨਾਂ ਦੀ ਚੈਕਿੰਗ ਕਰ ਰਹੀ ਹੈ। ਸੁਰੱਖਿਆ ਏਜੰਸੀਆਂ ਦੇ ਇਕ ਸੀਨੀਅਰ ਨੇ ਦੱਸਿਆ ਕਿ ਹੁਣ ਤਕ ਜਿਹੜੀ ਸੂਚਨਾ ਮਿਲ ਰਹੀ ਸੀ ਉਸ ਦੇ ਮੁਤਾਬਿਕ ਅਤਿਵਾਦੀਆਂ ਦੇ ਦਿੱਲੀ ਜਾਣ ਦੀ ਗੱਲ ਸਾਹਮਣੇ ਆ ਰਹੀ ਸੀ।

ਹੁਣ ਤਕ ਜਿਹੜੀ ਜਾਂਚ ਪੜਤਾਲ ਹੋਈ ਹੈ ਉਸ ਤੋਂ ਇਹ ਸਾਹਮਣੇ ਨਿਕਲ ਕੇ ਆਇਆ ਹੈ ਕਿ ਜੇਕਰ ਅਤਿਵਾਦੀਆਂ ਨੇ ਫਿਰੋਜਪੁਰ ਵੱਲ ਹਲਚਲ ਕੀਤੀ ਹੋਵੇਗੀ ਤਾਂ ਉਹਨਾਂ ਦਾ ਮਕਸਦ ਫਿਰੋਜਪੁਰ, ਫਾਜਿਲਕਾ ਹਾਈਵੇ ਦੇ ਰਾਸਤੇ ਤੋਂ ਰਾਜਸਥਾਨ ਦੇ ਸ਼੍ਰੀ ਗੰਗਾਨਗਰ ਜਿਲ੍ਹੇ ਵਿਚ ਹੋਣਾ ਹੋ ਸਕਦਾ ਹੈ। ਰਾਜਸਥਾਨ ਵਿਚ ਵਿਧਾਨ ਸਭਾ ਚੋਣ ਪ੍ਰਚਾਰ ਚਲ ਰਿਹਾ ਹੈ, ਅਜਿਹੇ ਵਿਚ ਅਤਿਵਾਦੀਆਂ ਦੀ ਸਾਜਿਸ ਹੋ ਸਕਦੀ ਹੈ ਕਿ ਉਥੇ ਗੜਬੜੀ ਕਰਨ ਧਮਾਕਾ ਕਰਨ ਹੋ ਸਕਦਾ ਹੈ। ਉਕਤ ਸ਼ੱਕ ਨੂੰ ਦੇਖਦੇ ਹੋਏ ਹਾਈਵੇ ਅਤੇ ਟੋਲ ਪਲਾਜ਼ਾ ਉਤੇ ਪੂਰੀ ਚੋਕਸੀ ਵਧਾ ਦਿਤੀ ਹੈ।

ਦੂਜੀ ਤਰ੍ਹਾਂ ਕਾਊਂਟਰ ਇੰਟੈਲੀਜੈਂਸ ਦੇ ਏਆਈਜੀ ਨਰਿੰਦਰ ਸਿੰਘ ਨੇ ਕਿਹਾ ਕਿ ਹੁਣ ਤਕ ਕਿਤੇ ਵੀ ਅਤਿਵਾਦੀ ਦੇ ਫਿਰੋਜਪੁਰ ਵਿਚ ਹੋਣ ਦਾ ਕੋਈ ਸੁਰਾਗ ਨਹੀਂ ਮਿਲਿਆ ਹੈ। ਫਿਰੋਜਪੁਰ ਜਿਲ੍ਹੇ ਦੀ 90 ਕਿਲੋਮੀਟਰ ਤੋਂ ਵੱਧ ਦੀ ਸੀਮਾ ਪਾਕਿਸਤਾਨ ਨਾਲ ਲਗਦੀ ਹੈ ਅਤੇ ਸਤਲੁਜ ਦਰਿਆ ਦੇ ਭਾਰਤ-ਪਾਕਿਸਤਾਨ ਦੇ ਮੱਧ ਸਥਿਤ ਅੰਤਰਰਾਸ਼ਟਰੀ ਸਰਹੱਦ ਨੂੰ ਕਈਂ ਵਾਰ ਕ੍ਰਾਸ ਹੋਣ ਨੂੰ ਦੇਖਦੇ ਹੋਏ ਸੁਰੱਖਿਆ ਬਲਾਂ ਨੂੰ ਪੂਰੀ ਸਾਵਧਾਨੀ ਵਤਰਣੀ ਪੈ ਰਹੀ ਹੈ। ਅਤਿਵਾਦੀ ਜਾਕਿਰ ਮੂਸਾ ਨੂੰ ਕੁਝ ਸਮਾਂ ਪਹਿਲਾਂ ਅੰਮ੍ਰਿਤਸਰ ‘ਚ ਮੌਜੂਦਾ ਹੋਣ ਦੀ ਸੂਚਨਾ ਤੋਂ ਬਾਅਦ ਸ਼ਹਿਰ ਨੂੰ ਪ੍ਰਸ਼ਾਨੀ ਕਿਲੇ ‘ਚ ਤਬਦੀਲ ਕਰ ਦਿਤਾ ਗਿਆ ਹੈ।

ਫਿਰੋਜ਼ਪੁਰ-ਤਰਨਤਾਰਨ ਅਤੇ ਗੁਰਦਾਸਪੁਰ-ਬਟਾਲਾ ਦੇ ਜ਼ਰੀਏ ਗੁਰੂ ਨਗਰੀ ਤਕ ਪਹੁੰਚਨ ਵਾਲੇ ਸਾਰੇ ਰਾਸਤੇ ‘ਤੇ ਨਾਕਾਬੰਦੀ ਕਰਕੇ ਅਰਧਸੈਨਿਕ ਬਲ ਤਾਇਨਾਤ ਕਰ ਦਿਤੇ ਗਏ ਹਨ। ਦੂਜੀ ਵੱਲ ਪਠਾਨਕੋਟ ਵਿਚ ਚਾਰ ਸ਼ੱਕੀ ਦੁਆਰਾ ਲੁੱਟੀ ਗਈ ਇਨੋਵਾ ਦੇ ਮਾਮਲੇ ਵਿਚ ਪੁਲਿਸ ਦੇ ਹੱਥ 72 ਘੰਟੇ ਬਾਅਦ ਵੀ ਖਾਲੀ ਹੈ।