PM Modi and Bhutan PM virtually launch RuPay Card phase-2 in Bhutan

ਨਵੀਂ ਦਿੱਲੀ: ਭਾਰਤ ਦੇ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਅਤੇ ਭੂਟਾਨ ਦੇ ਪ੍ਰਧਾਨ ਮੰਤਰੀ ਲੋਟੇ ਸ਼ੇਰਿੰਗ ਨੇ ਅੱਜ ਦੂਜੇ ਪੜਾਅ ਦਾ ਰੁਪੇ ਕਾਰਡ ਲਾਂਚ ਕੀਤਾ। ਇਸ ਦੇ ਜ਼ਰੀਏ ਭੂਟਾਨ ਦੇ ਨਾਗਰਿਕ ਭਾਰਤ ਵਿਚ ਰੁਪੇ ਨੈੱਟਵਰਕ ਦਾ ਲਾਭ ਲੈ ਸਕਣਗੇ। 

ਸ਼ੁੱਕਰਵਾਰ ਨੂੰ ਪੀਐਮ ਮੋਦੀ ਅਤੇ ਲੋਟੇ ਸ਼ੇਰਿੰਗ ਨੇ ਵੀਡੀਓ ਕਾਨਫਰੰਸ ਜ਼ਰੀਏ ਇਸ ਕਾਰਡ ਦੀ ਸ਼ੁਰੂਆਤ ਕੀਤੀ। ਇਸ ਮੌਕੇ ਭੂਟਾਨ ਦੇ ਪ੍ਰਧਾਨ ਮੰਤਰੀ ਨੇ ਪੀਐਮ ਮੋਦੀ ਦਾ ਧੰਨਵਾਦ ਕੀਤਾ। ਉਹਨਾਂ ਕਿਹਾ ਕਿ ਭੂਟਾਨ ਵਿਚ ਵੈਕਸੀਨ ਉਪਲਬਧ ਕਰਵਾਉਣ ਲਈ ਭੂਟਾਨ ਭਾਰਤ ਸਰਕਾਰ ਦਾ ਸ਼ੁਕਰਗੁਜ਼ਾਰ ਹੈ।  

ਇਸ ਸਮਾਰੋਹ ਵਿਚ ਪੀਐਮ ਮੋਦੀ ਨੇ ਕਿਹਾ, 'ਸਾਰੇ ਭਾਰਤੀਆਂ ਦੀ ਤਰ੍ਹਾਂ ਮੇਰੇ ਮਨ ਵਿਚ ਵੀ ਭੂਟਾਨ ਲਈ ਵਿਸ਼ੇਸ਼ ਪਿਆਰ ਅਤੇ ਦੋਸਤੀ ਹੈ। ਭਾਰਤ ਅਤੇ ਭੂਟਾਨ ਦੇ ਖ਼ਾਸ ਸਬੰਧ ਨਾ ਸਿਰਫ਼ ਦੋਵੇਂ ਦੇਸ਼ਾਂ ਲਈ ਅਹਿਮ ਹਨ ਬਲਕਿ ਵਿਸ਼ਵ ਲਈ ਬੇਹਤਰੀਨ ਉਦਾਹਰਣ ਹਨ'।

ਪੀਐਮ ਮੋਦੀ ਨੇ ਕਿਹਾ, 'ਮੈਨੂੰ ਜਾਣ ਕੇ ਖੁਸ਼ੀ ਹੈ ਕਿ ਭੂਟਾਨ ਵਿਚ ਹੁਣ ਤੱਕ 11000 ਸਫਲ ਰੁਪਏ ਟ੍ਰਾਂਜ਼ੈਕਸ਼ਨ ਹੋ ਚੁੱਕੇ ਹਨ। ਜੇਕਰ ਕੋਰੋਨਾ ਮਹਾਂਮਾਰੀ ਨਹੀਂ ਹੁੰਦੀ ਤਾਂ ਇਹ ਅੰਕੜਾ ਇਸ ਤੋਂ ਵੀ ਜ਼ਿਆਦਾ ਹੁੰਦਾ।' 

ਉਹਨਾਂ ਨੇ ਅੱਗੇ ਕਿਹਾ, 'ਅੱਜ ਤੋਂ ਬਾਅਦ ਭੂਟਾਨ ਨੈਸ਼ਨਲ ਬੈਕ ਵੱਲੋਂ ਜਾਰੀ ਕੀਤੇ ਗਏ ਰੁਪੇ ਕਾਰਡ ਦੇ ਧਾਰਕ ਭਾਰਤ ਵਿਚ ਇਕ ਲੱਖ ਰੁਪਏ ਤੋਂ ਜ਼ਿਆਦਾ ਏਟੀਐਮ ਅਤੇ 20 ਲੱਖ ਰੁਪਏ ਤੋਂ ਜ਼ਿਆਦਾ ਪੁਆਇੰਟ-ਆਫ-ਸੇਲ ਟਰਮੀਨਲ ਦੀ ਸਹੂਲਤ ਦੀ ਵਰਤੋਂ ਕਰ ਸਕਣਗੇ'।