Mega Dog Show: ਦੋ ਰੋਜ਼ਾ ਮੈਗਾ ਡੌਗ ਸ਼ੋਅ ਸਫਲਤਾਪੂਰਵਕ ਸਮਾਪਤ; 50 ਤੋਂ ਵੱਧ ਨਸਲਾਂ ਦੇ 300 ਕੁੱਤਿਆਂ ਨੇ ਲਿਆ ਭਾਗ
ਜਰਮਨ ਸ਼ੈਫਰਡ ਹਲਕ ਨੇ ਜਿੱਤਿਆ ਬੈਸਟ ਡੌਗ ਦਾ ਖਿਤਾਬ
Mega Dog Show: ਉੱਤਰੀ ਭਾਰਤ ਦਾ ਸੱਭ ਤੋਂ ਵੱਡਾ ਡੌਗ ਸ਼ੋਅ ਐਤਵਾਰ ਨੂੰ ਸੈਕਟਰ-3 ਦੇ ਮੈਦਾਨ ਵਿਚ ਸਮਾਪਤ ਹੋਇਆ। ਦੋ ਰੋਜ਼ਾ ਮੈਗਾ ਡੌਗ ਸ਼ੋਅ ਦੇ ਆਖਰੀ ਦਿਨ ਟਰਾਈਸਿਟੀ, ਪੰਜਾਬ ਅਤੇ ਹਰਿਆਣਾ ਤੋਂ ਸੈਂਕੜੇ ਲੋਕ ਅਪਣੇ ਕੁੱਤਿਆਂ ਨਾਲ ਪਹੁੰਚੇ। ਦੂਜੇ ਦਿਨ 50 ਤੋਂ ਵੱਧ ਕੁੱਤਿਆਂ ਦੀਆਂ ਨਸਲਾਂ ਦੇ 300 ਕੁੱਤਿਆਂ ਨੇ ਭਾਗ ਲਿਆ। ਇਸ ਦੌਰਾਨ ਗ੍ਰੇਟ ਡੇਨ ਅਤੇ ਬਾਈਕਨ ਫਰਾਈਜ਼ ਡੌਗ ਖਿੱਚ ਦਾ ਕੇਂਦਰ ਰਹੇ।
Mega dog show Panchkula
ਰਾਇਲ ਕੇਨਲ ਕਲੱਬ, ਪੰਚਕੂਲਾ ਦੁਆਰਾ ਪੈਟ ਐਨੀਮਲ ਹੈਲਥ ਸੋਸਾਇਟੀ, ਸੈਕਟਰ-3 ਅਤੇ ਪਸ਼ੂ ਪਾਲਣ ਵਿਭਾਗ, ਹਰਿਆਣਾ ਸਰਕਾਰ ਦੇ ਸਹਿਯੋਗ ਨਾਲ ਮੈਗਾ ਡੌਗ ਸ਼ੋਅ ਦਾ ਆਯੋਜਨ ਕੀਤਾ ਗਿਆ। ਡੌਗ ਸ਼ੋਅ ਦੇ ਸਮਾਪਤੀ ਵਾਲੇ ਦਿਨ ਇਨਾਮ ਵੰਡ ਸਮਾਰੋਹ ਵਿਚ ਬ੍ਰਿਟਿਸ਼ ਡਿਪਟੀ ਹਾਈ ਕਮਿਸ਼ਨਰ ਕੈਰੋਲਿਨ ਰੋਵੇਟ ਵਿਸ਼ੇਸ਼ ਮਹਿਮਾਨ ਸਨ। ਡੌਗ ਸ਼ੋਅ ਵਿਚ ਜਰਮਨ ਸ਼ੈਫਰਡ ਹਲਕ ਨੇ ਬੈਸਟ ਡੌਗ ਸ਼ੋਅ ਦਾ ਖਿਤਾਬ ਜਿੱਤਿਆ।
Mega dog show Panchkula
ਇਸ ਸ਼ੋਅ ਨੂੰ ਟ੍ਰਾਈਸਿਟੀ ਭਰ ਦੇ ਕੈਨਾਈਨ ਪ੍ਰੇਮੀਆਂ ਵਲੋਂ ਭਰਵਾਂ ਹੁੰਗਾਰਾ ਮਿਲਿਆ। ਇਸ ਸਾਲ ਰੋਟਵੀਲਰ ਅਤੇ ਲੈਬਰਾਡੋਰ ਕੁੱਤੇ ਵਰਗ ਦੇ ਮੁਕਾਬਲੇ ਵਿਚ ਦੇਸ਼ ਦੇ ਦੂਰ-ਦੁਰਾਡੇ ਦੇ ਸਥਾਨਾਂ ਤੋਂ ਭਾਰੀ ਭਾਗੀਦਾਰੀ ਦੇਖਣ ਨੂੰ ਮਿਲੀ। ਰਾਇਲ ਕੇਨਲ ਕਲੱਬ ਦੇ ਜਨਰਲ ਸਕੱਤਰ ਸਿਕੰਦਰ ਸਿੰਘ ਨੇ ਕਿਹਾ ਕਿ ਸਾਨੂੰ ਯਕੀਨ ਹੈ ਕਿ ਅਗਲੇ ਐਡੀਸ਼ਨ ਵਿਚ ਇਹ ਸ਼ੋਅ ਵੱਧ ਤੋਂ ਵੱਧ ਦਰਸ਼ਕਾਂ ਅਤੇ ਪਸ਼ੂ ਪ੍ਰੇਮੀਆਂ ਨੂੰ ਆਕਰਸ਼ਿਤ ਕਰੇਗਾ। ਪੰਚਕੂਲਾ ਦੇ ਪਸ਼ੂ ਪਾਲਣ ਵਿਭਾਗ ਦੇ ਡਿਪਟੀ ਡਾਇਰੈਕਟਰ ਡਾ. ਰਣਜੀਤ ਸਿੰਘ ਨੇ ਕਿਹਾ ਕਿ ਇਹ ਬਹੁਤ ਸਫਲ ਐਡੀਸ਼ਨ ਸੀ। ਸ਼ੋਅ ਦਾ ਉਦੇਸ਼ ਲੋਕਾਂ ਨੂੰ ਕੁੱਤਿਆਂ ਦੀਆਂ ਨਸਲਾਂ ਬਾਰੇ ਜਾਗਰੂਕਤਾ ਅਤੇ ਸਿਖਲਾਈ ਦੇਣਾ ਸੀ।
Mega dog show Panchkula
ਸ਼ੋਅ ਦੀ ਸਮਾਪਤੀ 'ਤੇ ਮੁਕਾਬਲੇ ਵਿਚ ਪੋਮੇਰੀਅਨ, ਪਗ, ਮਾਲਟੀਜ਼, ਚਿਹੁਆਹੁਆ, ਫ੍ਰੈਂਚ ਬੁੱਲਡੌਗ, ਲਹਾਸਾ, ਟੋਏ ਪੂਡਲ, ਅਪਸੋ, ਪੇਕਿੰਗਜ਼, ਮਾਸਟਿਫ, ਰੋਟਵੀਲਰ, ਗੱਦੀ, ਸੇਂਟ ਬਰਨਾਰਡ, ਡੋਗੋ ਅਰਜਨਟੀਨੋ, ਲੈਬਰਾਡੋਰ, ਜਰਮਨ ਸ਼ੈਫਰਡ, ਸਾਈਬੇਰੀਅਨ ਹਸਕੀ, ਚੋਅ, ਅਕੀਤਾ ਇਨੂ, ਬ੍ਰਿਟਿਸ਼ ਬੁੱਲਡੌਗ, ਸ਼ਿਹਤਜ਼ੂ, ਸਟੈਂਡਰਡ ਪੂਡਲ ਸਮੇਤ ਨਸਲਾਂ ਦੇ ਕੁੱਤਿਆਂ ਨੇ ਕਰਤੱਬ ਪੇਸ਼ ਕੀਤੇ। ਮੈਗਾ ਡੌਗ ਸ਼ੋਅ ਦੇ ਸਮਾਪਤੀ ਦਿਨ ਇਨਾਮ ਵੰਡ ਸਮਾਰੋਹ ਦੌਰਾਨ ਆਈਏਐਸ ਅੰਕੁਰ ਗੁਪਤਾ, ਵਧੀਕ ਮੁੱਖ ਸਕੱਤਰ, ਹਰਿਆਣਾ ਸਰਕਾਰ, ਪਸ਼ੂ ਪਾਲਣ ਅਤੇ ਡੇਅਰੀ ਵਿਭਾਗ, ਹਰਿਆਣਾ ਪਸ਼ੂ ਪਾਲਣ ਅਤੇ ਡਾ. ਬੀਰੇਂਦਰ ਸਿੰਘ ਲੌਰਾ, ਡਾਇਰੈਕਟਰ ਜਨਰਲ, ਹਰਿਆਣਾ ਪਸ਼ੂ ਪਾਲਣ ਵੀ ਮੌਜੂਦ ਸਨ।
(For more news apart from Mega dog show ends in Panchkula, stay tuned to Rozana Spokesman)