lockdown

ਨਵੀਂ ਦਿੱਲੀ : ਕਰੋਨਾ ਵਾਇਰਸ ਕਰਕੇ ਲਗਾਏ ਗਏ ਲੌਕਡਾਊਨ ਵਿਚ ਜਿੱਥੇ ਵੱਖ-ਵੱਖ ਜੱਥੇਬੰਦੀਆਂ ਅਤੇ ਵੱਡੇ-ਵੱਡੇ ਫਿਲਮੀ ਸਟਾਰ ਜਰੂਰਤਮੰਦ ਲੋਕਾਂ ਦੀ ਮਦਦ ਲਈ ਅੱਗੇ ਆ ਰਹੇ ਹਨ। ਇਸ ਕੜੀ ਵਿਚ ਹੁਣ ਭਾਰਤ ਦੀ ਸਟਾਰ ਰੈਸਲਰ ਬਬੀਤਾ ਫੋਗਾਟ ਵੀ ਜਰੂਰਤਮੰਦਾ ਦੀ ਮਦਦ ਲਈ ਖਾਣਾ ਬਣਾਉਂਣ ਵਿਚ ਮਦਦ ਕਰ ਰਹੀ ਹੈ। ਬਬੀਤਾ ਦਿੱਲੀ ਦੇ ਨਜੱਫਰਗੜ ਸਥਿਤ ਥਾਣੇ ਵਿਚ ਪਹੁੰਚ ਅਤੇ ਉਥੇ ਡਿਊਟੀ ਤੇ ਮੌਜੂਦ ਪੁਲਿਸ ਕਰਮੀਆਂ ਨਾਲ ਮਿਲ ਕੇ ਜਰੂਰਤਵੰਦਾ ਲਈ ਪੂਰੀਆਂ ਬਣਾਉਂਣ ਲੱਗੀ।

ਇਸ ਨਾਲ ਸਬੰਧਿਤ ਬਬੀਤਾ ਨੇ ਆਪਣਾ ਇਕ ਵੀਡੀਓ ਇੰਸਟਾਗ੍ਰਾਮ ਅਕਾਊਂਟ ਤੇ ਸ਼ੇਅਰ ਕੀਤਾ ਜਿਸ ਵਿਚ ਉਹ ਲਿਖਦੀ ਹੈ ਕਿ ਅੱਜ ਪੁਲਿਸ ਥਾਣੇ ਵਿਚ ਮਹਿਲਾ ਪੁਲਿਸ ਵਾਲੀਆਂ ਭੈਣਾਂ ਨਾਲ ਮਿਲ ਕੇ ਖਾਣਾ ਬਣਾਉਂਣ ਅਤੇ ਫਿਰ ਜਰੂਰਤਵੰਦਾਂ ਵਿਚ ਵੰਡਣ ਵਿਚ ਉਨ੍ਹਾਂ ਦਾ ਸਹਿਯੋਗ ਕੀਤਾ ਹੈ। ਇਸ ਦੇ ਨਾਲ ਹੀ ਬਬੀਤਾ ਫੋਗਾਟ ਨੇ ਕਿਹਾ ਕਿ ਇੰਨੀ ਗਰਮੀ ਵਿਚ ਵੀ ਮੇਰੀਆਂ ਇਹ ਭੈਣਾ ਇੰਨੇ ਉਤਸ਼ਾਹ ਦੇ ਨਾਲ ਲੋੜਵੰਦਾਂ ਦੀ ਸੇਵਾ ਦੇ ਲਈ ਲੱਗੀਆਂ ਹੋਈਆ ਹਨ ਇਸ ਲਈ ਮੇਰੇ ਕੋਲ ਤਾਂ ਇਨ੍ਹਾਂ ਦਾ ਧੰਨਵਾਦ ਕਰਨ ਲਈ ਵੀ ਸ਼ਬਦ ਨਹੀਂ ਹਨ ਅਤੇ ਮੈਂ ਇਨ੍ਹਾਂ ਭੈਣਾਂ ਨੂੰ ਸਲਿਊਟ ਕਰਦੀ ਹਾਂ।

ਦੱਸ ਦੱਈਏ ਕਿ ਬਬੀਤਾ ਨੇ ਨਜਫਗੜ ਥਾਣੇ ਵਿਚ ਮਹਿਲਾਂ ਪੁਲਿਸਕਰਮੀਆਂ ਨਾਲ ਮੁਲਾਕਾਤ ਕੀਤੀ ਜਿਹੜੀਆਂ ਇਸ ਮੁਸ਼ਕਿਲ ਸਮੇਂ ਵਿਚ ਆਪਣੀ ਜਾਨ ਦੀ ਪ੍ਰਵਾਹ ਕੀਤੇ ਬਿਨਾ ਮਾਸਕ ਤਿਆਰ ਕਰ ਰਹੀਆ ਸਨ। ਥਾਣੇ ਦੀਆਂ ਇਹ ਪੁਲਿਸ ਮੁਲਾਜ਼ਮਾਂ ਜਰੂਰਤਵੰਦਾਂ ਲਈ ਖਾਣਾ ਅਤੇ ਮਾਸਕ ਤਿਆਰ ਕਰ ਰਹੀਆਂ ਹਨ।

ਇਨ੍ਹਾਂ ਦੇ ਇਸ ਕੰਮ ਵਿਚ ਬਬੀਤਾ ਫੋਗਾਟ ਨੇ ਵੀ ਸਹਿਯੋਗ ਕੀਤਾ । ਉਧਰ ਵੈਸਟ ਜ਼ੋਨ ਦੇ ਜੁਆਇੰਟ ਕਮਿਸ਼ਨਰ ਸ਼ਾਲਿਨੀ ਸਿੰਘ ਨੇ ਕਿਹਾ ਕਿ ਬਬੀਤਾ ਨੇ ਸਟੇਸ਼ਨ ਦਾ ਦੌਰਾ ਕੀਤਾ ਅਤੇ ਇਥੇ ਉਹ ਲੰਮੇ ਸਮੇਂ ਤੱਕ ਰਹੀ। ਬਬੀਤਾ ਦੇ ਇਸ ਦੌਰੇ ਨਾਲ ਉਨ੍ਹਾਂ ਲੋਕਾਂ ਦੀ ਜਰੂਰ ਹਿੰਮਤ ਵਧੀ ਹੋਵੇਗੀ ਜਿਹੜੇ ਕਰੋਨਾ ਵਾਇਰਸ ਵਰਗੀ ਮਹਾਂਮਾਰੀ ਨਾਲ ਲੜ ਰਹੇ ਹਨ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।