Diphtheria kills 12 children

ਨਵੀਂ ਦਿੱਲੀ : ਦਿੱਲੀ ਵਿਚ ਪਿਛਲੇ 4 ਦਿਨਾਂ 'ਚ ਡਿਪਥੀਰੀਆ ਬੀਮਾਰੀ ਨਾਲ 12 ਬੱਚੀਆਂ ਦੀ ਮੌਤ ਹੋ ਗਈ ਹੈ। ਡਾਕਟਰਾਂ ਦਾ ਕਹਿਣਾ ਹੈ ਕਿ ਉਹ ਅਜਿਹੇ ਬੱਚੇ ਸਨ, ਜਿਨ੍ਹਾਂ ਨੂੰ ਐਂਟੀ ਡਿਪਥੀਰੀਆ ਵੈਕਸੀਨ ਨਹੀਂ ਦਿਤੀ ਗਈ ਸੀ। ਡਾਕਟਰਾਂ ਨੇ ਦੱਸਿਆ ਕਿ ਇਸ ਸਾਲ ਹੁਣ ਤੱਕ 250 ਤੋਂ ਜ਼ਿਆਦਾ ਡਿਪਥੀਰੀਆ ਦੇ ਮਰੀਜ਼ ਹਸਪਤਾਲਾਂ ਵਿਚ ਭਰਤੀ ਹੋ ਚੁਕੇ ਹੈ। ਡਿਪਥੀਰੀਆ ਦਾ ਬੈਕਟੀਰੀਆ ਹਰ ਸਾਲ ਸਤੰਬਰ ਮਹੀਨੇ ਵਿਚ ਐਕਟਿਵ ਹੋ ਜਾਂਦਾ ਹੈ ਅਤੇ ਭਰਤੀ ਹੋਣ ਵਾਲੇ 15 ਤੋਂ 20 ਫ਼ੀ ਸਦੀ ਮਰੀਜ਼ਾਂ ਦੀ ਮੌਤ ਹੋ ਜਾਂਦੀ ਹੈ। ਡਾਕਟਰਾਂ ਦੀਆਂ ਮੰਨੀਏ ਤਾਂ ਇਹ ਕੋਈ ਨਵਾਂ ਟ੍ਰੈਂਡ ਨਹੀਂ ਹੈ ਅਤੇ ਹਰ ਸਾਲ ਲਗਭੱਗ ਅਜਿਹਾ ਹੁੰਦਾ ਹੈ।

ਅਕਤੂਬਰ ਮਹੀਨੇ ਤੋਂ ਬਾਅਦ ਇਸ ਵਿਚ ਕਮੀ ਆਉਣੀ ਸ਼ੁਰੂ ਹੋ ਜਾਂਦੀ ਹੈ। ਅਜਿਹੇ ਵਿਚ ਅਸੀਂ ਤੁਹਾਨੂੰ ਦੱਸ ਰਹੇ ਹਾਂ ਕਿ ਅਖੀਰ ਕੀ ਹੈ ਡਿਪਥੀਰੀਆ ਅਤੇ ਇਸ ਤੋਂ ਕਿਵੇਂ ਤੁਸੀਂ ਅਪਣੇ ਬੱਚਿਆਂ ਨੂੰ ਬਚਾ ਸਕਦੇ ਹੋ। ਡਿਪਥੀਰੀਆ ਇਕ ਤ੍ਰ੍ਹਾਂ ਦੇ ਇਨਫੈਕਸ਼ਨ ਤੋਂ ਫੈਲਣ ਵਾਲੀ ਬੀਮਾਰੀ ਹੈ। ਇਸ ਨੂੰ ਆਮ ਭਾਸ਼ਾ ਵਿਚ ਗਲਾਘੋਂਟੂ ਵੀ ਕਿਹਾ ਜਾਂਦਾ ਹੈ। ਇਹ ਕਾਰੀਨੇਬੈਕਟੇਰਿਅਮ ਬੈਕਟੀਰੀਆ ਦੇ ਇਨਫੈਕਸ਼ਨ ਨਾਲ ਹੁੰਦਾ ਹੈ। ਚਪੇਟ ਵਿਚ ਜ਼ਿਆਦਾਤਰ ਬੱਚੇ ਆਉਂਦੇ ਹਨ। ਹਾਲਾਂਕਿ ਬੀਮਾਰੀ ਵੱਡਿਆਂ ਵਿਚ ਵੀ ਹੋ ਸਕਦੀ ਹੈ। ਬੈਕਟੀਰੀਆ ਸੱਭ ਤੋਂ ਪਹਿਲਾਂ ਗਲੇ ਵਿਚ ਇਨਫੈਕਸ਼ਨ ਕਰਦਾ ਹੈ।

ਇਸ ਤੋਂ ਸਾਹ ਨਲੀ ਤੱਕ ਇਨਫੈਕਸ਼ਨ ਫੈਲ ਜਾਂਦਾ ਹੈ।  ਇਨਫੈਕਸ਼ਨ ਕਾਰਨ ਇਕ ਝਿੱਲੀ ਬਣ ਜਾਂਦੀ ਹੈ, ਜਿਸ ਦੀ ਵਜ੍ਹਾ ਨਾਲ ਮਰੀਜ ਨੂੰ ਸਾਹ ਲੈਣ ਵਿਚ ਮੁਸ਼ਕਿਲ ਹੋਣ ਲਗਦੀ ਹੈ। ਇਕ ਹਾਲਤ ਤੋਂ ਬਾਅਦ ਇਸ ਤੋਂ ਜ਼ਹਿਰ ਨਿਕਲਣ ਲਗਦਾ ਹੈ ਜੋ ਖੂਨ ਦੇ ਜ਼ਰੀਏ ਬਰੇਨ ਅਤੇ ਹਾਰਟ ਤੱਕ ਪਹੁੰਚ ਜਾਂਦਾ ਹੈ ਅਤੇ ਉਸ ਨੂੰ ਡੈਮੇਜ ਕਰਨ ਲਗਦਾ ਹੈ। ਇਸ ਹਾਲਤ ਵਿਚ ਪਹੁੰਚਣ ਤੋਂ ਬਾਅਦ ਮਰੀਜ ਦੀ ਮੌਤ ਦਾ ਖ਼ਤਰਾ ਵੱਧ ਜਾਂਦਾ ਹੈ। ਡਿਪਥੀਰੀਆ ਕੰਮਿਊਨਿਕੇਬਲ ਡਿਸੀਜ਼ ਹੈ ਯਾਨੀ ਇਹ ਬਹੁਤ ਅਸਾਨੀ ਨਾਲ ਇਕ ਵਿਅਕਤੀ ਤੋਂ ਦੂਜੇ ਵਿਚ ਫੈਲਦਾ ਹੈ। ਵੈਕਸੀਨੇਸ਼ਨ ਨਾਲ ਬੱਚੇ ਨੂੰ ਡਿਪਥੀਰੀਆ ਬੀਮਾਰੀ ਤੋਂ ਬਚਾਇਆ ਜਾ ਸਕਦਾ ਹੈ।

ਨੇਮੀ ਟੀਕਾਕਰਣ ਵਿਚ ਡੀਪੀਟੀ (ਡਿਪਥੀਰੀਆ, ਪਰਟੂਸਸ ਕਾਲੀ ਖੰਘ ਅਤੇ ਟਿਟਨੈਸ) ਦਾ ਟੀਕਾ ਲਗਾਇਆ ਜਾਂਦਾ ਹੈ। 1 ਸਾਲ ਦੇ ਬੱਚੇ ਨੂੰ ਡੀਪੀਟੀ ਦੇ 3 ਟੀਕੇ ਲਗਦੇ ਹਨ। ਇਸ ਤੋਂ ਬਾਅਦ ਡੇਢ ਸਾਲ 'ਤੇ ਚੌਥਾ ਟੀਕਾ ਅਤੇ 4 ਸਾਲ ਦੀ ਉਮਰ ਉਤੇ ਪੰਜਵਾਂ ਟੀਕਾ ਲਗਦਾ ਹੈ। ਟੀਕਾਕਰਣ ਤੋਂ ਬਾਅਦ ਡਿਪਥੀਰੀਆ ਹੋਣ ਦੀ ਸੰਭਾਵਨਾ ਨਹੀਂ ਰਹਿੰਦੀ ਹੈ।  ਬੱਚੀਆਂ ਨੂੰ ਡਿਪਥੀਰੀਆ ਦਾ ਜੋ ਟੀਕਾ ਲਗਾਇਆ ਜਾਂਦਾ ਹੈ ਉਹ 10 ਤੋਂ ਜ਼ਿਆਦਾ ਸਮੇਂ ਤੱਕ ਅਸਰਦਾਰ ਨਹੀਂ ਰਹਿੰਦਾ। ਲਿਹਾਜਾ ਬੱਚਿਆਂ ਨੂੰ 12 ਸਾਲ ਦੀ ਉਮਰ ਵਿਚ ਦੁਬਾਰਾ ਡਿਪਥੀਰੀਆ ਦਾ ਟੀਕਾ ਲਗਵਾਉਣਾ ਚਾਹੀਦਾ ਹੈ।