Pitroda Gives Clarification on Balakot Statement

ਨਵੀਂ ਦਿੱਲੀ: ਸੈਮ ਪਿਤਰੋਦਾ ਨੇ ਬਾਲਾਕੋਟ ਏਅਰ ਸਟ੍ਰਾਇਕ 'ਤੇ ਦਿੱਤੇ ਗਏ ਅਪਣੇ ਬਿਆਨਿ 'ਤੇ ਸਫਾਈ ਦਿੰਦੇ ਹੋਏ ਕਿਹਾ ਕਿ, "ਮੈਂ ਇਹ ਗੱਲ ਇਕ ਨਾਗਰਿਕ ਦੇ ਤੌਰ 'ਤੇ ਕਹੀ ਹੈ। ਮੈਂ ਜਾਣਨ ਦਾ ਅਧਿਕਾਰ ਰੱਖਦਾ ਹਾਂ ਕਿ ਕੀ ਹੋਇਆ ਸੀ।" ਉਹਨਾਂ ਕਿਹਾ ਕਿ, "ਮੈਂ ਇਹ ਬਿਆਨ ਪਾਰਟੀ ਵੱਲੋਂ ਨਹੀਂ ਦਿੱਤਾ। ਮੈਂ ਇਸ ਦੇ ਬਾਰੇ ਜਾਣਨ ਦਾ ਅਧਿਕਾਰ ਰੱਖਦਾ ਹਾਂ। ਆਖਰ ਇਸ ਵਿਚ ਗ਼ਲਤ ਕੀ ਹੈ।" ਦੱਸ ਦਈਏ ਕਿ ਸੀਨੀਅਰ ਕਾਂਗਰਸ ਨੇਤਾ ਅਤੇ ਰਾਹੁਲ ਗਾਂਧੀ ਦੇ ਕਰੀਬੀ ਸੈਮ ਪਿਤਰੋਦਾ ਨੇ ਪੁਲਵਾਮਾ ਹਮਲੇ 'ਤੇ ਬਿਆਨ ਦਿੱਤਾ ਕਿ ਜਿਸ ਨਾਲ ਪੂਰਾ ਮਾਮਲਾ ਗਰਮਾ ਗਿਆ।

 

 

 

ਸੂਤਰਾਂ ਮੁਤਾਬਕ ਪੁਲਵਾਮਾ ਵਿਚ ਸੀਆਰਪੀਐਫ ਕਾਫਿਲੇ ਤੇ ਹੋਏ ਅਤਿਵਾਦੀ ਹਮਲੇ 'ਤੇ ਪਿਤਰੋਦਾ ਨੇ ਕਿਹਾ ਕਿ, "ਅਜਿਹੇ ਹਮਲੇ ਹੁੰਦੇ ਰਹਿੰਦੇ ਹਨ। ਪਿਤਰੋਦਾ ਨੇ ਕਿਹਾ ਕਿ ਕੁਝ ਅਤਿਵਾਦੀਆਂ ਨੇ ਹਮਲਾ ਕੀਤਾ ਫਿਰ ਪੂਰੇ ਪਾਕਿਸਤਾਨ ਨੂੰ ਇਸ ਦੀ ਸਜ਼ਾ ਕਿਉਂ ਦਿੱਤੀ ਜਾ ਰਹੀ ਹੈ?" ਪਿਤਰੋਦਾ ਨੇ ਬਾਲਾਕੋਟ ਏਅਰ ਸਟ੍ਰਾਇਕ 'ਤੇ ਵੀ ਸਵਾਲ ਉਠਾਇਆ ਹੈ। ਪਿਤਰੋਦਾ ਨੇ ਇਹ ਕਹਿੰਦੇ ਹੋਏ ਏਅਰ ਸਟ੍ਰਾਇਕ ਦੇ ਸਬੂਤ ਮੰਗੇ ਹਨ। ਪਿਤਰੋਦਾ ਦੇ ਇਸ ਬਿਆਨ ਨੇ ਚੁਣਾਵੀ ਮਾਹੌਲ ਵਿਚ ਕਾਂਗਰਸ ਨੂੰ ਘੇਰਨ ਦਾ ਬੀਜੇਪੀ ਨੂੰ ਇਕ ਹੋਰ ਮੌਕਾ ਦੇ ਦਿੱਤਾ ਹੈ।

 

 

 

ਮਿਲੀ ਜਾਣਕਾਰੀ ਅਨੁਸਾਰ ਪਿਤਰੋਦਾ ਨੇ ਕਿਹਾ ਕਿ, "ਮੈਨੂੰ ਸਮਝ ਨਹੀਂ ਆ ਰਿਹਾ ਕਿ ਇਸ ਵਿਵਾਦ ਵਿਚ ਕੀ ਹੈ। ਇਸ 'ਤੇ ਹੋ ਰਹੀਆਂ ਪ੍ਰਤੀਕਿਰਿਆਵਾਂ ਤੋਂ ਮੈਂ ਹੈਰਾਨ ਹਾਂ। ਇਹ ਸਾਫ ਨਜ਼ਰ ਆ ਰਿਹਾ ਹੈ ਕਿ ਕਿਵੇਂ ਭਾਰਤ ਵਿਚ ਲੋਕ ਛੋਟੇ ਛੋਟੇ ਮਾਮਲਿਆਂ ਤੇ ਪ੍ਰਕਿਰਿਆ ਵਿਖਾਉਂਦੇ ਹਨ। ਇਹ ਇਕ ਆਮ ਜਿਹਾ ਮਾਮਲਾ ਹੈ।" ਸੈਮ ਪਿਤਰੋਦਾ ਦੀ ਇਸ ਟਿੱਪਣੀ ਦੀ ਪੀਐਮ ਮੋਦੀ ਨੇ ਨਿੰਦਾ ਕੀਤੀ ਹੈ।

ਉਹਨਾਂ ਲਿਖਿਆ ਹੈ ਕਿ ਕਾਂਗਰਸ ਦੇ ਸਭ ਤੋਂ ਵਿਸ਼ਵਾਸਯੋਗ ਸਲਾਹਕਾਰ ਨੇ ਭਾਰਤ ਦੇ ਸੁਰੱਖਿਆ ਬਲਾਂ ਦੇ ਗੋਰਵ ਨੂੰ ਘੱਟ ਦੱਸ ਕੇ ਕਾਂਗਰਸ ਵੱਲੋਂ ਨੈਸ਼ਨਲ ਡੇ ਸੈਲੀਬ੍ਰੇਸ਼ਨ ਦੀ ਸ਼ੁਰੂਆਤ ਕੀਤੀ ਹੈ। ਕਾਂਗਰਸ ਦੇ ਸ਼ਾਹੀ ਖਾਨਦਾਨ ਦੇ ਵਫਾਦਾਰ ਦਰਬਾਰੀ ਨੇ ਅੱਜ ਇਸ ਗੱਲ ਨੂੰ ਸਵੀਕਾਰ ਕਰ ਲਿਆ ਹੈ ਕਿ ਕਾਂਗਰਸ ਅਤਿਵਾਦੀ ਤਾਕਤਾਂ ਦੇ ਖਿਲਾਫ ਕਾਰਵਾਈ ਨਹੀਂ ਕਰਨਾ ਚਾਹੁੰਦੀ ਸੀ। ਇਹ ਨਵਾਂ ਭਾਰਤ ਹੈ- ਅਸੀਂ ਅਤਿਵਾਦੀਆਂ ਨੂੰ ਉਸ ਭਾਸ਼ਾ ਵਿਚ ਜਵਾਬ ਦੇਵਾਂਗੇ ਜਿਸ ਭਾਸ਼ਾ ਨੂੰ ਉਹ ਸਮਝਦੇ ਹਨ।