Rape with 3 year old girl

ਦੇਹਰਾਦੂਨ: ਇਕ 3 ਸਾਲ ਦੀ ਬੱਚੀ ਨਾਲ ਬਲਾਤਕਾਰ ਦਾ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਹੈਰਾਨੀ ਦੀ ਗੱਲ ਇਹ ਹੈ ਕਿ ਬਲਾਤਕਾਰ ਦਾ ਮੁਲਜ਼ਮ ਸਿਰਫ਼ 11 ਸਾਲ ਦਾ ਹੈ ਅਤੇ ਪੀੜਤ ਲੜਕੀ ਦਾ ਗੁਆਂਢੀ ਹੈ। ਇਹ ਘਟਨਾ ਦਲਾਨਵਾਲਾ ਖੇਤਰ ਦੀ ਹੈ। ਇਸ ਘਟਨਾ ਦੀ ਜਾਣਕਾਰੀ ਪੁਲਿਸ ਨੇ ਸ਼ੁੱਕਰਵਾਰ ਨੂੰ ਦਿੱਤੀ ਸੀ। ਅਧਿਕਾਰੀ ਮੁਤਾਬਕ ਇਹ ਘਟਨਾ ਉਸ ਸਮੇਂ ਵਾਪਰੀ ਜਦੋਂ ਬੁੱਧਵਾਰ ਨੂੰ ਬੱਚੀ ਦੇ ਮਾਤਾ-ਪਿਤਾ ਬਾਹਰ ਗਏ ਹੋਏ ਸਨ ਅਤੇ ਘਰ ‘ਤੇ ਬੱਚੀ ਦੇ ਦੋ ਭਰਾ-ਭੈਣ ਮੌਜੂਦ ਸਨ।

ਪੁਲਿਸ ਅਧਿਕਾਰੀ ਸ਼ਵੈਤਾ ਚੌਬੇ ਮੁਤਾਬਕ ਬੱਚੀ ਦੇ ਮਾਤਾ-ਪਿਤਾ ਵੱਲੋਂ ਵੀਰਵਾਰ ਨੂੰ ਦਰਜ ਕਰਵਾਈ ਗਈ ਸ਼ਿਕਾਇਤ ਅਨੁਸਾਰ ਮੁਲਜ਼ਮ ਬੱਚੀ ਨੂੰ ਅਪਣੇ ਘਰ ਲੈ ਗਿਆ ਅਤੇ ਉਸ ਤੋਂ ਬਾਅਦ ਉਸ ਨੇ ਲੜਕੀ ਨਾਲ ਬਲਾਤਕਾਰ ਕੀਤਾ। ਪੁਲਿਸ ਅਧਿਕਾਰੀ ਚੌਬੇ ਨੇ ਕਿਹਾ ਕਿ ਮੁਲਜ਼ਮ ਲੜਕੇ ਵਿਰੁੱਧ ਪੋਕਸੋ (Protection of Children from Sexual Offences) ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ ਅਤੇ ਉਸ ਨੂੰ ਬਾਲ ਸੁਧਾਰ ਘਰ ਭੇਜ ਦਿੱਤਾ ਗਿਆ ਹੈ।