Academy trial of Rameshwar Gurjar

ਮੱਧ ਪ੍ਰਦੇਸ਼ : ਬੀਤੇ ਦਿਨੀ ਮੱਧ ਪ੍ਰਦੇਸ਼ ਦੇ ਰਾਮੇਸ਼ਵਰ ਗੁੱਜਰ ਨਾਮ ਦੇ ਦੌੜਾਕ ਦੀ ਇੱਕ ਵੀਡੀਓ ਵਾਇਰਲ ਹੋਈ ਸੀ। ਜਿਸ ਵਿਚ ਉਹ 100 ਮੀਟਰ ਦੀ ਰੇਸ ਮਹਿਜ਼ 11 ਸੈਕਿੰਡ ਵਿਚ ਹੀ ਪੂਰੀ ਕਰ ਗਿਆ ਸੀ ਅਤੇ ਲੋਕਾਂ ਨੇ ਉਸਦਾ ਨਾਮ ਵਿਸ਼ਵ ਪ੍ਰਸਿੱਧ ਦੌੜਾਕ ਉਸੈਨ ਬੋਲਟ ਰੱਖ ਦਿੱਤਾ ਸੀ ਅਤੇ ਬੋਲਟ ਦੇ ਰਿਕਾਰਡ ਤੋੜਨ ਦਾ ਦਾਅਵਾ ਵੀ ਕੀਤਾ ਗਿਆ ਸੀ ਪਰ ਜਦੋਂ ਭੋਪਾਲ ਦੇ ਟੀਟੀ ਨਗਰ 'ਚ ਰਮੇਸ਼ਵਰ ਆਪਣਾ ਟ੍ਰਾਇਲ ਦੇਣ ਉਤਰੇ ਤਾਂ ਉਨ੍ਹਾਂ ਨੇ ਬਿਲਕੁਲ ਕਿਰਕਿਰੀ ਹੀ ਕਰਵਾ ਦਿੱਤੀ।

ਕਿਉਂਕਿ ਟ੍ਰਾਇਲ ਦੌਰਾਨ ਭੱਜੇ 7 ਦੌੜਾਕਾਂ ਵਿਚੋਂ ਰਮੇਸ਼ਵਰ ਪਹਿਲੇ ਦੂਜੇ ਤੀਜੇ ਤੇ ਨਹੀਂ ਬਲਕਿ ਸਤਵੇਂ ਯਾਨੀ ਅਖੀਰਲੇ ਸਥਾਨ ਤੇ ਰਹੇ। ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਮਸ਼ਹੂਰ ਹੋਣ ਤੋਂ ਬਾਅਦ ਰਾਮੇਸ਼ਵਰ ਦੀ ਮੱਧ ਪ੍ਰਦੇਸ਼ ਦੇ ਸਾਬਕਾ ਮੁੱਖ ਮੰਤਰੀ ਸ਼ਿਵਰਾਜ ਸਿੰਘ ਚੌਹਾਨ ਨੇ ਤਾਰੀਫ਼ ਕਰਦਿਆਂ ਉਸ ਦੇ ਵੀਡੀਓ ਨੂੰ ਸ਼ੇਅਰ ਵੀ ਕੀਤਾ ਸੀ। ਨਾਲ ਹੀ ਉਨ੍ਹਾਂ ਦੇਸ਼ ਦੇ ਖੇਡ ਮੰਤਰੀ ਕਿਰਨ ਰਿਜਿਜੂ ਨੂੰ ਅਪੀਲ ਕੀਤੀ ਸੀ ਕਿ ਉਹ ਰਮੇਸ਼ਵਰ ਦੀ ਮਦਦ ਕਰਨ।

 

 

ਦੱਸ ਦਈਏ ਕਿ ਗੁੱਜਰ ਦੀ ਇਸ ਨਿਰਾਸ਼ਾਜਨਕ ਪਰਫਾਰਮੈਂਸ ਤੋਂ ਬਾਅਦ ਖੇਡ ਮੰਤਰੀ ਕਿਰਨ ਰਿਜਿਜੂ ਨੇ ਟਵੀਟ ਕਰ ਆਖਿਆ ਹੈ ਕਿ ਸੋਸ਼ਲ ਮੀਡੀਆ ਤੇ ਪਹਿਲਾਂ ਹੀ ਐਨਾ ਮਸ਼ਹੂਰ ਹੋਣ ਤੋਂ ਬਾਅਦ ਰਾਮੇਸ਼ਵਰ ਤੇ ਕਾਫੀ ਦਬਾਅ ਸੀ। ਜਿਸ ਕਾਰਨ ਇਹ ਦੌੜ ਵਿਚ ਉਹ ਆਪਣਾ 100 % ਨਹੀਂ ਦੇ ਸਕੇ ਪਰ ਜੋ ਵੀ ਹੋਵੇ ਕਈ ਲੋਕਾਂ ਵਲੋਂ ਕੁਮੈਂਟਾਂ ਵਿਚ ਚੀਤੇ ਤੋਂ ਤੇਜ਼ ਦੌੜਨ ਵਾਲੇ ਰਾਮੇਸ਼ਵਰ ਦੀ ਖਿੱਲੀ ਵੀ ਉਡਾਈ ਜਾ ਰਹੀ ਹੈ।