ਫੰਡ ਨਾ ਮਿਲਣ ਕਾਰਨ ਦੱਖਣ ਰੇਲਵੇ ਨੇ 86 ਟਰੇਨਾਂ 'ਚ ਹਾਊਸ ਕੀਪਿੰਗ ਸੇਵਾ ਬੰਦ ਕੀਤੀ

ਸਪੋਕਸਮੈਨ ਸਮਾਚਾਰ ਸੇਵਾ

ਖ਼ਬਰਾਂ, ਰਾਸ਼ਟਰੀ

ਠੇਕੇਦਾਰ ਨੂੰ 62 ਕਰੋੜ ਰੁਪਏ ਦਾ ਨਹੀਂ ਕੀਤਾ ਭੁਗਤਾਨ

Cash starved Southern Railway to suspend housekeeping services

ਨਵੀਂ ਦਿੱਲੀ : ਰੇਵਲੇ ਮੰਤਰਾਲਾ ਵੱਲੋਂ ਮਦਦ ਦੇ ਕੋਈ ਸੰਕੇਤ ਨਾ ਮਿਲਣ ਤੋਂ ਬਾਅਦ ਦੱਖਣ ਰੇਲਵੇ ਨੇ ਲੰਮੀ ਦੂਰੀ ਦੀਆਂ 86 ਟਰੇਨਾਂ 'ਚ ਆਨ ਬੋਰਡ ਹਾਊਸ ਕੀਪਿੰਗ ਸਰਵਿਸ (ਓਬੀਐਚਐਸ) ਰੱਦ ਕਰਨ ਦਾ ਫ਼ੈਸਲਾ ਕੀਤਾ ਹੈ। ਜਾਣਕਾਰੀ ਮੁਤਾਬਕ ਕੇਰਲ ਅਤੇ ਤਾਮਿਲਨਾਡੂ ਤੋਂ ਚੱਲਣ ਵਾਲੀਆਂ ਇਨ੍ਹਾਂ ਟਰੇਨਾਂ 'ਚ ਸੇਵਾਵਾਂ 1 ਸਤੰਬਰ ਤੋਂ ਬੰਦ ਰਹਿਣਗੀਆਂ।

ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਵੱਲੋਂ ਸਵੱਛ ਭਾਰਤ ਮੁਹਿੰਮ ਜਿਹੀ ਯੋਜਨਾਵਾਂ ਤੋਂ ਬਾਅਦ ਵੀ ਦੱਖਣ ਰੇਲਵੇ ਕੋਲ ਓਬੀਐਚਐਸ ਠੇਕੇਦਰ ਦਾ ਬਕਾਇਆ ਚੁਕਾਉਣ ਲਈ ਫੰਡ ਦੀ ਭਾਰੀ ਕਮੀ ਹੋ ਗਈ ਹੈ। ਰੇਲਵੇ ਨੇ ਇਨ੍ਹਾਂ ਟਰੇਨਾਂ 'ਤੇ ਲਿਨੇਨ ਦੀ ਸਪਲਾਈ, ਪੈਸਟ ਕੰਟਰੋਲ ਅਤੇ ਬਾਈਓ ਟਾਇਲਟ ਦੇ ਰੱਖਰਖਾਅ ਦੇ ਠੇਕੇ ਵਾਪਸ ਲੈਣ ਦਾ ਫ਼ੈਸਲਾ ਕੀਤਾ ਹੈ। 

ਪ੍ਰਿੰਸੀਪਲ ਚੀਫ਼ ਮੈਕੇਨਿਕਲ ਇੰਜੀਨੀਅਰ ਸੁਭਰਾਂਸ਼ੂ ਨੇ ਚੇਨਈ, ਮਦੁਰਈ, ਪਾਲਘਾਟ, ਤਿਰੁਵਨੰਤਪੁਰਮ, ਤਿਰੂਚੀ ਅਤੇ ਸਾਲੇਮ ਇਕਾਈਆਂ ਦੇ ਸੀਨੀਅਰ ਅਧਿਕਾਰੀਆਂ ਤੋਂ ਓਬੀਐਚਐਸ ਦੇ ਠੇਕੇ ਰੱਦ ਕਰਨ ਲਈ ਨੋਟਿਸ ਜਾਰੀ ਕਰਨ ਲਈ ਚਿੱਠੀ ਲਿਖੀ ਹੈ। ਲੰਮੀ ਦੂਰੀ ਦੀਆਂ 110 ਟਰੇਨਾਂ 'ਚੋਂ 24 'ਚ ਓਬੀਐਚਐਸ ਸੇਵਾਵਾਂ ਜਾਰੀ ਰਹਿਣਗੀਆਂ। ਇਨ੍ਹਾਂ 'ਚ ਤਾਮਿਲਨਾਡੂ ਐਕਸਪ੍ਰੈਸ, ਗਰੈਂਡ ਟਰੰਕ ਐਕਸਪ੍ਰੈਸ, ਕੇਰਲਾ ਐਕਸਪ੍ਰੈਸ, ਨਵਜੀਵਨ ਐਕਸਪ੍ਰੈਸ ਸ਼ਾਮਲ ਹਨ। 

ਪਹਿਲਾਂ ਦੇ ਬਕਾਏ ਅਤੇ ਵਧਦੇ ਬਿਲ ਤੋਂ ਬਾਅਦ ਦੱਖਣ ਰੇਲਵੇ ਨੇ ਰੇਲ ਮੰਤਰਾਲੇ ਨੂੰ ਐਸਓਐਸ ਭੇਜ ਕੇ ਫੰਡ ਜਾਰੀ ਕਰਨ ਦੀ ਮੰਗ ਕੀਤੀ ਸੀ। 5 ਜੁਲਾਈ ਨੂੰ ਰੇਲਵੇ ਨੇ ਫੰਡ ਦੀ ਕਮੀ ਬਾਰੇ ਦੱਸਦਿਆਂ ਕਿਹਾ ਕਿ ਲੰਮੀ ਦੂਰੀ ਦੀਆਂ 110 ਟਰੇਨਾਂ 'ਚ ਓਬੀਐਚਐਸ ਸੇਵਾਵਾਂ ਜਾਰੀ ਰੱਖਣ ਲਈ ਤੁਰੰਤ ਫੰਡ ਦੀ ਲੋੜ ਹੈ। ਇਹ ਵੀ ਕਿਹਾ ਕਿ ਰੇਲਵੇ ਬੋਰਡ ਨੇ ਨਿਯਮ ਮੁਤਾਬਕ 37 ਹੋਰ ਟਰੇਨਾਂ 'ਚ ਇਨ੍ਹਾਂ ਸੇਵਾਵਾਂ ਦੀ ਸ਼ੁਰੂਆਤ ਹੋਣੀ ਚਾਹੀਦੀ ਹੈ। ਇਸ ਦੇ ਇਕ ਮਹੀਨੇ ਬਾਅਦ ਜਨਰਲ ਮੈਨੇਜਰ ਰਾਹੁਲ ਜੈਨ ਨੇ ਮੰਗਾਂ ਨੂੰ ਦੁਹਰਾਉਂਦਿਆਂ ਮੁਸਾਫ਼ਰਾਂ ਲਈ ਮੂਲਭੂਤ ਸੇਵਾਵਾਂ ਜਾਰੀ ਰੱਖਣ ਲਈ ਐਸਓਐਸ ਭੇਜਿਆ। ਉਨ੍ਹਾਂ ਕਿਹਾ ਕਿ ਠੇਕੇਦਾਰਾਂ ਦਾ 22 ਕਰੋੜ ਰੁਪਏ ਬਕਾਇਆ ਹੈ, ਜਦਕਿ ਮੌਜੂਦਾ ਬਿਲ ਦਾ 40 ਕਰੋੜ ਰੁਪਏ ਵੀ ਬਕਾਇਆ ਹੈ।

"ਠੇਕੇਦਾਰਾਂ ਨੂੰ ਬਕਾਇਆ ਭੁਗਤਾਨ ਨਾ ਹੋਣ ਕਾਰਨ ਉਹ ਸਟਾਫ਼ ਨੂੰ ਤਨਖਾਹ ਆਦਿ ਨਹੀਂ ਦੇ ਪਾ ਰਹੇ ਹਨ। ਇਸ ਗੱਲ ਦੀ ਕਾਫ਼ੀ ਸੰਭਾਵਨਾ ਹੈ ਕਿ ਕੰਮ ਕਰਨਾ ਪਵੇ... ਅਜਿਹੇ 'ਚ ਅਪੀਲ ਕੀਤੀ ਜਾਂਦੀ ਹੈ ਕਿ ਬਕਾਇਆ ਭੁਗਤਾਨ ਲਈ ਤੁਰੰਤ ਕਦਮ ਚੁੱਕੇ ਜਾਣ।"

ਇਕ ਸੀਨੀਅਰ ਅਧਿਕਾਰੀ ਨੇ ਦੱਸਿਆ ਕਿ "ਰੇਲਵੇ ਬੋਰਡ ਵੱਲੋਂ ਫੰਡ ਬਾਰੇ ਕੋਈ ਜਾਣਕਾਰੀ ਨਹੀਂ ਦਿਤੀ ਗਈ ਹੈ। ਅਜਿਹੇ 'ਚ ਸਾਡੇ ਕੋਲ ਟਰੇਨਾਂ ਨੂੰ ਬਗੈਰ ਹਾਊਸ ਕੀਪਿੰਗ ਸੇਵਾਵਾਂ ਚਲਾਉਣ ਤੋਂ ਇਲਾਵਾ ਕੋਈ ਦੂਜਾ ਆਪਸ਼ਨ ਨਹੀਂ ਹੈ।"