ਚਲਾਨ ਭਰਨ ਪਹੁੰਚਿਆ ਤਾਂ ਹੈਰਾਨ ਰਹਿ ਗਿਆ ਵਿਅਕਤੀ, 189 ਚਲਾਨ ਪਹਿਲਾਂ ਤੋਂ ਹੀ ਲੰਬਿਤ
ਨਵਾਂ ਮੋਟਰ ਵਹੀਕਲ ਐਕਟ ਲਾਗੂ ਹੋਣ ਤੋਂ ਬਾਅਦ ਹਰ ਚਾਲਕ ਹੁਣ ਇਹੀ ਸੋਚ ਰਿਹਾ ਹੈ ਕਿ ਕਿਤੇ ਉਸ ਦਾ ਚਲਾਨ ਨਾ ਕੱਟਿਆ ਜਾਵੇ।
ਚੰਡੀਗੜ੍ਹ: ਨਵਾਂ ਮੋਟਰ ਵਹੀਕਲ ਐਕਟ ਲਾਗੂ ਹੋਣ ਤੋਂ ਬਾਅਦ ਹਰ ਚਾਲਕ ਹੁਣ ਇਹੀ ਸੋਚ ਰਿਹਾ ਹੈ ਕਿ ਕਿਤੇ ਉਸ ਦਾ ਚਲਾਨ ਨਾ ਕੱਟਿਆ ਜਾਵੇ। ਇਸ ਦੌਰਾਨ ਹੀ ਚੰਡੀਗੜ੍ਹ ਵਿਚ ਇਕ ਬਹੁਤ ਹੀ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ। ਚੰਡੀਗੜ੍ਹ ਦੇ ਸੈਕਟਰ 39 ਦੇ ਰਹਿਣ ਵਾਲੇ 21 ਸਾਲਾ ਸੰਜੀਵ ਅਪਣਾ ਚਲਾਨ ਕਟਵਾਉਣ ਕੋਰਟ ਪਹੁੰਚੇ। ਬੀਤੀ 26 ਜੁਲਾਈ ਨੂੰ ਉਹਨਾਂ ਦਾ ਯੂ-ਟਰਨ ਦਾ ਚਲਾਨ ਕੱਟਿਆ ਸੀ। ਇਹ ਚਲਾਨ 300 ਰੁਪਏ ਦਾ ਸੀ।
ਇਸ ਨੂੰ ਭਰਨ ਜਦੋਂ ਉਹ ਜ਼ਿਲ੍ਹਾ ਅਦਾਲਤ ਗਏ ਤਾਂ ਕਰਮਚਾਰੀਆਂ ਤੋਂ ਪਤਾ ਚੱਲਿਆ ਕਿ ਰਿਕਾਰਡ ਮੁਤਾਬਕ ਉਹਨਾਂ ਦੇ ਪਹਿਲਾਂ ਤੋਂ ਹੀ 189 ਚਲਾਨ ਲੰਬਿਤ ਹਨ। ਇਹ ਸਾਰੇ ਚਵਾਨ ਸਾਲ 2017 ਤੋਂ ਲੈ ਕੇ ਜੁਲਾਈ 2019 ਤੱਕ ਦੇ ਹਨ। ਇਹ ਸਾਰੇ ਚਲਾਨ ਟ੍ਰੈਫਿਕ ਨਿਯਮਾਂ ਦੀ ਵੱਖ-ਵੱਖ ਤਰ੍ਹਾਂ ਦੀ ਕੀਤੀ ਗਈ ਉਲੰਘਣਾ ਲਈ ਸਨ। ਹਰੇਕ ਉਲੰਘਣਾ ਸੜਕਾਂ ‘ਤੇ ਲੱਗੇ ਸੀਸੀਟੀਵੀ ਵਿਚ ਕੈਦ ਹੋ ਗਈ ਅਤੇ ਟ੍ਰੈਫਿਕ ਵਾਇਓਲੇਸ਼ਨ ਇੰਨਫਾਰਮੇਸ਼ਨ ਸਲਿੱਪ (ਟੀਵੀਆਈਐਸ) ਦੇ ਜ਼ਰੀਏ ਇਹ ਚਲਾਨ ਕੱਟਦੇ ਰਹੇ। ਸੰਜੀਵ ਦਾ ਕਹਿਣਾ ਹੈ ਕਿ ਉਹ ਇਕ ਬੀਮਾ ਕੰਪਨੀ ਵਿਚ ਕੰਮ ਕਰਦੇ ਹਨ। ਨਵੇਂ ਨਿਯਮ ਲਾਗੂ ਹੋਣ ਤੋਂ ਬਾਅਦ ਉਹ ਬਹੁਤ ਧਿਆਨ ਨਾਲ ਮੋਟਰ ਸਾਇਕਲ ਚਲਾਉਂਦੇ ਹਨ, ਪਰ ਸਾਰੇ ਇਸ ਗੱਲ ਤੋਂ ਹੈਰਾਨ ਹਰ ਕਿ ਉਹਨਾਂ ਦੇ ਇੰਨੇ ਚਲਾਨ ਲੰਬਿਤ ਹਨ।
ਇਸ ਬਾਰੇ ਐਸਐਸਪੀ ਟ੍ਰੈਫਿਕ ਪੁਲਿਸ ਸ਼ਸ਼ਾਂਕ ਅਨੰਦ ਨੇ ਦੱਸਿਆ ਕਿ ਆਨ ਲਾਈਨ ਚਲਾਨ ਕੱਟਣ ਦੀ ਸਹੂਲਤ ਸਾਲ 2018 ਤੋਂ ਲਾਗੂ ਕੀਤੀ ਗਈ ਸੀ ਜਦਕਿ ਸੰਜੀਵ ਦੇ ਚਲਾਨ ਸਾਲ 2017 ਤੋਂ ਲੰਬਿਤ ਦੱਸੇ ਜਾ ਰਹੇ ਹਨ। ਇਹ ਤਕਨੀਕੀ ਖ਼ਰਾਬੀ ਕਾਰਨ ਹੋ ਰਿਹਾ ਹੈ। ਉਹਨਾਂ ਕਿਹਾ ਕਿ ਇਸ ਨੂੰ ਜਲਦ ਹੀ ਠੀਕ ਕਰ ਦਿੱਤਾ ਜਾਵੇਗਾ। ਟੀਵੀਆਈਐਸ ਦੇ ਜ਼ਰੀਏ ਚਲਾਨ ਕੱਟਦਾ ਹੈ ਤਾਂ ਉਸ ਦਾ ਮੈਸਜ ਰਜਿਸਟਰਡ ਮੋਬਾਈਲ ‘ਤੇ ਭੇਜ ਦਿੱਤਾ ਜਾਂਦਾ ਹੈ। ਜੇਕਰ ਫਿਰ ਵੀ ਉਸ ਵਿਅਕਤੀ ਨੂੰ ਪਤਾ ਨਹੀਂ ਚੱਲਦਾ ਤਾਂ ਉਸ ਨੂੰ ਨੋਟਿਸ ਭੇਜ ਦਿੱਤਾ ਜਾਂਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।