ਨਵੀਂ ਦਿੱਲੀ : ਫ਼ਿਲਮ ਟਰੇਡ ਅਨਾਲਿਸਟ ਤਰਨ ਆਦਰਸ਼ ਨੇ ਸਨਮਾਨ ਖ਼ਾਨ, ਸੋਨਾਕਸ਼ੀ ਸਿਨਹਾ ਅਤੇ ਸਾਈ ਮਾਂਜਰੇਕਰ ਸਟਾਰਰ ਫ਼ਿਲਮ ਦਬੰਗ 3  ਦੀ ਕਮਾਈ ਦੇ ਅੰਕੜੇ ਪੇਸ਼ ਕਰ ਦਿੱਤੇ ਹਨ। ਜਾਰੀ ਕੀਤੇ ਅੰਕੜਿਆਂ ਮੁਤਾਬਕ ਨਾਗਰਿਕਤਾ ਸੋਧ ਕਾਨੂੰਨ ਦੀ ਰੇੜਕੇ ਕਾਰਨ ਫ਼ਿਲਮ ਦੀ ਕਮਾਈ 'ਤੇ ਵੱਡਾ ਅਸਰ ਪਿਆ ਹ। ਅੰਕੜਿਆਂ ਮੁਤਾਬਕ ਫ਼ਿਲਮ 7.5 ਕਰੋੜ ਤੋਂ 9 ਕਰੋੜ ਦਾ ਨੁਕਸਾਨ ਹੋ ਚੁਕਾ ਹੈ।

ਫ਼ਿਲਮ ਨੇ ਪਹਿਲੇ ਦਿਨ 24.50 ਕਰੋੜ ਦਾ ਕਾਰੋਬਾਰ ਕੀਤਾ । ਜਦਕਿ ਦੂਜੇ ਦਿਨ ਫ਼ਿਲਮ ਨੇ ਸਿਨੇਮਾਘਰਾਂ 'ਚ ਮਾਮੂਲੀ ਵਾਧੇ ਨਾਲ 24.75 ਕਰੋੜ ਦਾ ਕਾਰੋਬਾਰ ਕੀਤਾ ਹੈ।

ਦੱਸ ਦਈਏ ਕਿ ਦਬੰਗ 3 ਇਸ ਸਾਲ ਰਿਲੀਜ਼ ਹੋਈਆਂ ਫ਼ਿਲਮਾਂ ਦੇ ਪਹਿਲੇ ਦਿਨ ਦੀ ਕਮਾਈ ਦੇ ਮਾਮਲੇ ਵਿਚ ਚੌਥੇ ਨੰਬਰ 'ਤੇ ਹੈ। ਪਹਿਲੇ ਨੰਬਰ 'ਤੇ ਵਾਰ, ਦੂਜੇ 'ਤੇ ਭਾਰਤ ਤੇ ਤੀਜੇ ਨੰਬਰ 'ਤੇ 'ਮਿਸ਼ਨ ਮੰਗਲ' ਹੈ।