Delhi elections aap released bhojpuri song on twitter

ਨਵੀਂ ਦਿੱਲੀ: ਦਿੱਲੀ ਚੋਣਾਂ ਵਿਚ ਸਾਰੀਆਂ ਪਾਰਟੀਆਂ ਅਪਣੇ-ਅਪਣੇ ਤਰੀਕੇ ਨਾਲ ਰਿਝਾਉਣ ਦੀ ਕੋਸ਼ਿਸ਼ ਕਰ ਰਹੀਆਂ ਹਨ। ਹੁਣ ਆਮ ਆਦਮੀ ਪਾਰਟੀ ਨੇ ਦਿੱਲੀ ਚੋਣਾਂ ਲਈ ਇਕ ਗਾਣਾ ਰਿਲੀਜ਼ ਕੀਤਾ ਹੈ। ਇਹ ਗੀਤ ਭੋਜਪੁਰੀ ਭਾਸ਼ਾ ਵਿਚ ਹੈ। ਮੰਨਿਆ ਜਾ ਰਿਹਾ ਹੈ ਕਿ ਦਿੱਲੀ ਭਾਜਪਾ ਪ੍ਰਧਾਨ ਮਨੋਜ ਤਿਵਾਰੀ ਦਾ ਮਜ਼ਾਕ ਉਡਾਉਣ ਤੋਂ ਬਾਅਦ ਵੋਟਰਾਂ ਨੂੰ ਰਿਝਾਉਣ ਲਈ ਇਹ ਗੀਤ ਰਿਲੀਜ਼ ਕੀਤਾ ਹੈ।

ਇਸ ਗੀਤ ਦਾ ਟਾਈਟਲ ਹੈ, ਝਾਂਸੇ ਵਿਚ ਨਹੀਂ ਆਵਾਂਗੇ, ਝਾੜੂ ਤੇ ਬਟਨ ਦਬਾਵਾਂਗੇ, 8 ਫਰਵਰੀ ਨੂੰ ਠੀਕ ਹੈ। ਇਹ ਗਾਣਾ ਹੁਣ ਸੋਸ਼ਲ ਮੀਡੀਆ ਤੇ ਜਮ ਕੇ ਵਾਇਰਲ ਹੋ ਰਿਹਾ ਹੈ। ਭੋਜਪੁਰੀ ਭਾਸ਼ਾ ਦਾ ਇਹ ਗਾਣਾ ਭੋਜਪੁਰੀ ਗਾਇਕਾ ਅੰਤਰਾ ਸਿੰਘ ਪ੍ਰਿਅੰਕਾ ਨੇ ਗਾਇਆ ਹੈ। ਆਮ ਆਦਮੀ ਪਾਰਟੀ ਦੇ ਸੰਸਦ ਮੈਂਬਰ ਸੰਜੈ ਸਿੰਘ ਨੇ ਖੁਦ ਟਵਿਟਰ ਤੇ ਇਸ ਗੀਤ ਨੂੰ ਸਾਂਝਾ ਕੀਤਾ ਹੈ।

ਅਜਿਹਾ ਕਿਹਾ ਜਾ ਰਿਹਾ ਹੈ ਕਿ ਆਮ ਆਦਮੀ ਪਾਰਟੀ ਨੇ ਡੈਮੇਜ ਕੰਟਰੋਲ ਕਰਨ ਲਈ ਭੋਜਪੁਰੀ ਦਾ ਇਹ ਗੀਤ ਚੋਣਾਂ ਵਿਚ ਲਾਂਚ ਕੀਤਾ ਹੈ ਕਿਉਂ ਕਿ ਕੁੱਝ ਦਿਨ ਪਹਿਲਾਂ ਆਮ ਆਦਮੀ ਪਾਰਟੀ ਨੇ ਮਨੋਜ ਤਿਵਾਰੀ ਦੇ ਗਾਣਿਆਂ ਦੇ ਸੀਨ ਚੁੱਕ ਕੇ ਇਕ ਵੀਡੀਉ ਬਣਾ ਕੇ ਮਜ਼ਾਕ ਉਡਾਇਆ ਸੀ।

APP ਦੀ ਇਸ ਵੀਡੀਉ ਤੋਂ ਬਾਅਦ ਭਾਜਪਾ ਨੇ ਭੋਜਪੁਰੀ ਭਾਸ਼ਾ ਵਿਚ ਵੀਡੀਉ ਬਣਾ ਕੇ ਮਨੋਜ ਤਿਵਾਰੀ ਦਾ ਨਿਰਾਦਰ ਅਤੇ ਲੋਕਾਂ ਤੇ ਭੋਜਪੁਰੀ ਭਾਸ਼ਾ ਦਾ ਨਿਰਾਦਰ ਦਸਿਆ ਸੀ। ਦਿੱਲੀ ਵਿਧਾਨ ਸਭਾ ਚੋਣਾਂ ਵਿਚ ਪੂਰਵੰਚਲ ਦੇ ਨਿਵਾਸੀਆਂ ਦੀ ਭੂਮਿਕਾ ਅਹਿਮ ਹੈ। 

ਇੱਥੇ ਲਗਭਗ 32 ਪ੍ਰਤੀਸ਼ਤ ਵੋਟਰ ਅਸਲ ਵਿੱਚ ਪੂਰਵਾਂਚਲ ਦੇ ਹਨ ਅਤੇ ਉਹ 70 ਵਿੱਚੋਂ 30 ਸੀਟਾਂ 'ਤੇ ਪ੍ਰਭਾਵਸ਼ਾਲੀ ਹਨ। 15 ਸੀਟਾਂ ਤੇ ਪੂਰਵੰਚਲ ਦੇ ਵੋਟਰ ਫੈਸਲਾਕੁੰਡ ਭੂਮਿਕਾ ਨਿਭਾਉਂਦੇ ਹਨ। ਆਮ ਆਦਮੀ ਪਾਰਟੀ ਨੇ ਦਿੱਲੀ ਦੀਆਂ 70 ਵਿਚੋਂ 15 ਸੀਟਾਂ ਤੇ ਪੂਰਵੰਚਲ ਤੋਂ ਆਉਣ ਵਾਲੇ ਉਮੀਦਵਾਰਾਂ ਨੂੰ ਉਤਾਰਿਆ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow  ਕਰੋ।