File Photo

ਲਖਨਉ :  ''ਦਿਲ ਹੋਣਾ ਚਾਹੀਦਾ ਏ ਜਵਾਨ, ਉਮਰਾਂ 'ਚ ਕੀ ਰੱਖਿਆ'' ਇਹ ਕਹਾਵਤ ਤਾਂ ਤੁਸੀ ਸੁਣੀ ਹੀ ਹੋਵੇਗੀ ਪਰ ਅੱਜ ਤੁਹਾਨੂੰ ਅਜਿਹੀ ਘਟਨਾ ਬਾਰੇ ਦੱਸਾਂਗੇ ਜਿਸ 'ਤੇ ਇਹ ਕਹਾਵਤ ਪੂਰੀ ਤਰ੍ਹਾਂ ਢੁੱਕਦੀ ਹੈ। ਦਰਅਸਲ ਆਗਰਾ ਵਿਚ ਇਕ 60 ਸਾਲਾਂ ਦੀ ਬਜ਼ੁਰਗ ਔਰਤ 22 ਸਾਲਾਂ ਦੇ ਲੜਕੇ ਨਾਲ ਭੱਜ ਗਈ।

ਮੀਡੀਆ ਰਿਪੋਰਟਾ ਅਨੁਸਾਰ ਘਟਨਾ ਅਤਮਾਦੋਲਾ ਦੇ ਪ੍ਰਕਾਸ਼ ਨਗਰ ਥਾਣੇ ਦੀ ਹੈ। ਜਿੱਥੇ ਇਕ 7 ਬੱਚਿਆਂ ਦੀ ਮਾਂ ਅਤੇ 5 ਬੱਚਿਆ ਦੀ ਦਾਦੀ ਇਕ 22 ਸਾਲਾਂ ਦੇ ਨੋਜਵਾਨ ਲੜਕੇ ਨਾਲ ਭੱਜ ਗਈ। ਇਸ ਘਟਨਾ ਵਿਚ ਦਿਲਚਸਪ ਮੋੜ ਉਦੋਂ ਵੇਖਣ ਨੂੰ ਮਿਲਿਆ ਜਦੋਂ (60 ਸਾਲ ਦੀ) ਮਹਿਲਾ ਦੇ ਪਤੀ ਲੜਕੇ ਦੇ ਵਿਰੁੱਧ ਸ਼ਿਕਾਇਤ ਦਰਜ ਕਰਵਾਉਣ ਲਈ ਥਾਣੇ ਪਹੁੰਚ ਗਏ ਅਤੇ ਦੂਜੇ ਪਾਸਿਓ ਲੜਕੇ ਦੇ ਪਰਿਵਾਰ ਵਾਲੇ ਵੀ ਪੁਲਿਸ ਸਟੇਸ਼ਨ ਆ ਗਏ। ਦੋਵਾਂ ਧੀਰਾਂ ਦੇ ਥਾਣੇ ਪਹੁੰਚਣ ਤੋਂ ਬਾਅਦ ਉੱਥੇ ਵਿਵਾਦ ਜਿਆਦਾ ਵੱਧ ਗਿਆ।

ਦੋਵਾਂ ਦੇ ਪਰਿਵਾਰ ਵਾਲਿਆਂ ਨੇ ਇਕ ਦੂਜੇ ਨੂੰ ਸਮਝਾਉਣ ਦੀ ਪੂਰੀ ਕੋਸ਼ਿਸ਼ ਕੀਤੀ ਕਿ ਸਮਾਜ ਇਸ ਰਿਸ਼ਤੇ ਨੂੰ ਸਵੀਕਾਰ ਨਹੀਂ ਕਰ ਸਕਦਾ ਪਰ ਹੈਰਾਨੀ ਵਾਲੀ ਗੱਲ ਇਹ ਸੀ ਕਿ ਦੋਵਾਂ 'ਚੋਂ ਕੋਈ ਮੰਨਣ ਲਈ ਤਿਆਰ ਨਹੀਂ ਸੀ ਬਲਕਿ ਮਹਿਲਾ ਅਤੇ ਲੜਕਾ ਇਕ ਦੂਜੇ ਨਾਲ ਵਿਆਹ ਕਰਨ ਦੀ ਗੱਲ ਕਹਿਣ ਲੱਗੇ। ਇਸ ਤੋਂ ਬਾਅਦ ਪੁਲਿਸ ਨੇ ਮੋਰਚਾ ਸੰਭਾਲਿਆ 

ਪੁਲਿਸ ਨੇ ਵੀ ਦੋਵਾਂ ਨੂੰ ਇਸ ਬੇਜੋੜ ਰਿਸ਼ਤੇ ਬਾਰੇ ਸਮਝਾਇਆ ਪਰ ਇਸ ਦੇ ਬਾਵਜੂਦ ਵੀ ਕੋਈ ਮੰਨਣ ਲਈ ਤਿਆਰ ਨਹੀਂ ਹੋਇਆ। ਇਸ ਤੋਂ ਬਾਅਦ ਪੁਲਿਸ ਵੀ ਆਪਣੇ ਅਸਲੀ ਰੂਪ ਵਿਚ ਆ ਗਈ ਅਤੇ ਲੜਕੇ ਤੇ ਸ਼ਾਂਤੀ ਭੰਗ ਕਰਨ ਦੀ ਐਫਆਈਆਰ ਦਰਜ ਕਰ ਦਿੱਤੀ।ਰਿਪੋਰਟਾ ਅਨੁਸਾਰ ਲੜਕਾ ਅਤੇ 60 ਸਾਲ ਦੀ ਮਹਿਲਾ ਪਹਿਲਾਂ ਵੀ ਭੱਜ ਚੁੱਕੇ ਹਨ ਪਰ ਇਸ ਵਾਰ ਘਰਵਾਲਿਆਂ ਦੇ ਕਾਫ਼ੀ ਸਮਝਾਉਣ ਦੇ ਬਾਅਦ ਉਹ ਥਾਣੇ ਆਏ ਸਨ।