ਬੰਗਲੁਰੂ : ਬੰਗਲੁਰੂ ਵਿਚ ਏਅਰੋ ਸ਼ੋਅ ਦੌਰਾਨ ਉਸ ਸਮੇਂ ਭਗਦੜ ਮਚ ਗਈ ਜਦੋਂ ਉਥੇ ਇਕ ਵੱਡਾ ਹਾਦਸਾ ਵਾਪਰ ਗਿਆ। ਦਰਅਸਲ ਪ੍ਰੋਗਰਾਮ ਸਥਾਨ ਨੇੜੇ ਕਾਰ ਪਾਰਕਿੰਗ ਖੇਤਰ ਵਿਚ ਭਿਆਨਕ ਅੱਗ ਲੱਗ ਗਈ। 80 ਤੋਂ 100 ਦੇ ਕਰੀਬ ਗੱਡੀਆਂ ਇਸ ਭਿਆਨਕ ਅੱਗ ਦੀ ਲਪੇਟ ਵਿਚ ਆ ਗਈਆਂ। 

ਜਾਣਕਾਰੀ ਮੁਤਾਬਕ ਏਅਰੋ ਸ਼ੋਅ ਦੌਰਾਨ ਡਿੱਗੀ ਕਿਸੇ ਚੰਗਿਆੜੀ ਕਾਰਨ ਘਾਹ ਨੂੰ ਅੱਗ ਲੱਗ ਗਈ ਸੀ ਜੋ ਪਾਰਕਿੰਗ ਨੰਬਰ ਪੰਜ ਤਕ ਫੈਲ ਗਈ ਅਤੇ ਕੁੱਝ ਹੀ ਸਮੇਂ ਵਿਚ ਉਸ ਨੇ ਪਾਰਕਿੰਗ ਵਿਚ ਖੜ੍ਹੀਆਂ ਗੱਡੀਆਂ ਨੂੰ ਅਪਣੀ ਲਪੇਟ ਵਿਚ ਲੈ ਲਿਆ। ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਵਲੋਂ ਇਸ ਭਿਆਨਕ ਅੱਗ 'ਤੇ ਕਾਬੂ ਪਾਉਣ ਦੇ ਯਤਨ ਕੀਤੇ ਜਾ ਰਹੇ ਹਨ।

ਦੱਸ ਦਈਏ ਕਿ ਏਅਰੋ ਇੰਡੀਆ ਸ਼ੋਅ ਤੋਂ ਇਕ ਦਿਨ ਪਹਿਲਾਂ ਰਿਹਰਸਲ ਦੌਰਾਨ ਵੀ ਵੱਡਾ ਹਾਦਸਾ ਵਾਪਰਿਆ ਸੀ। ਜਦੋਂ ਯੇਲਹਾਂਕਾ ਏਅਰਬੇਸ 'ਤੇ ਰਿਹਰਸਲ ਕਰਦੇ ਭਾਰਤੀ ਹਵਾਈ ਫ਼ੌਜ ਦੀ ਏਅਰੋਬੇਟਿਕਸ ਟੀਮ ਸੂਰੀਆ ਕਿਰਨ ਦੇ ਦੋ ਹਾਕਸ ਜਹਾਜ਼ ਹਵਾ ਵਿਚ ਟਕਰਾ ਗਏ ਸਨ ਅਤੇ ਇਕ ਪਾਇਲਟ ਦੀ ਮੌਤ ਹੋ ਗਈ ਸੀ ਜਦਕਿ ਦੋ ਪਾਇਲਟ ਪੈਰਾਸ਼ੂਟ ਦੇ ਸਹਾਰੇ ਬਚ ਗਏ ਸਨ।