ਪਤਨੀ ਵੱਲੋਂ ਪਤੀ 'ਤੇ ਪ੍ਰੈਸ਼ਰ ਕੁਕਰ ਨਾਲ ਹਮਲਾ, ਕੋਰਟ ਨੇ ਦਿੱਤੀ ਚੇਤਾਵਨੀ
ਪਤਨੀਆਂ ਦੁਆਰਾ ਆਪਣੇ ਪਤੀਆਂ ਉੱਤੇ ਘਰੇਲੂ ਹਿੰਸੇ ਦੇ ਇਲਜ਼ਾਮ ਲਗਾਉਣ ਬਾਰੇ ਤੁਸੀਂ ਅਕਸੇਰ ਸੁਣਿਆ ਹੋਵੇਗਾ ਪਰ ਪੂਨੇ ਵਿਚ ਇਸਤੋਂ ਉਲਟ ਇੱਕ ਮਾਮਲਾ ...
ਪੂਨੇ- ਪਤਨੀਆਂ ਦੁਆਰਾ ਆਪਣੇ ਪਤੀਆਂ ਉੱਤੇ ਘਰੇਲੂ ਹਿੰਸੇ ਦੇ ਇਲਜ਼ਾਮ ਲਗਾਉਣ ਬਾਰੇ ਤੁਸੀਂ ਅਕਸਰ ਸੁਣਿਆ ਹੋਵੇਗਾ ਪਰ ਪੂਨੇ ਵਿਚ ਇਸਤੋਂ ਉਲਟ ਇੱਕ ਮਾਮਲਾ ਸਾਹਮਣੇ ਆਇਆ ਹੈ। 42 ਸਾਲ ਦੇ ਇੱਕ ਮਕੈਨੀਕਲ ਇੰਜੀਨੀਅਰ ਪਤੀ ਨੇ ਆਪਣੀ ਪਤਨੀ ਦੇ ਖਿਲਾਫ਼ ਫੈਮਿਲੀ ਕੋਰਟ ਵਿਚ ਘਰੇਲੂ ਹਿੰਸੇ ਦਾ ਮਾਮਲਾ ਦਰਜ ਕਰਾਉਂਦੇ ਹੋਏ ਇਲਜ਼ਾਮ ਲਗਾਇਆ ਹੈ ਕਿ ਪਤਨੀ ਨੇ ਪਤੀ ਉੱਤੇ ਪ੍ਰੈਸ਼ਰ ਕੁਕਰ ਨਾਲ ਹਮਲਾ ਕੀਤਾ। ਜਿਸ ਨਾਲ ਉਨ੍ਹਾਂ ਦੇ ਹੱਥ ਵਿਚ ਫਰੈਕਚਰ ਹੋ ਗਿਆ।
ਅਦਾਲਤ ਵਿਚ ਤਕਰਾਰ ਦੇ ਦੌਰਾਨ ਪੀਡ਼ਤ ਪਤੀ ਨੇ ਇਹ ਵੀ ਇਲਜ਼ਾਮ ਲਗਾਇਆ ਕਿ ਪਤਨੀ ਪਿਛਲੇ ਕਈ ਸਾਲਾਂ ਤੋਂ ਬਿਨਾਂ ਕਿਸੇ ਕਾਰਨ ਉਨ੍ਹਾਂ ਦਾ ਮਾਨਸਿਕ ਸ਼ੋਸ਼ਣ ਕਰ ਰਹੀ ਹੈ। ਮਾਮਲੇ ਦੀ ਗੰਭੀਰਤਾ ਨੂੰ ਵੇਖਦੇ ਹੋਏ ਕੋਰਟ ਨੇ ਅਪਰਾਧੀ ਪਤਨੀ ਨੂੰ ਦੁਬਾਰਾ ਅਜਿਹੀ ਹਰਕਤ ਨਾ ਕਰਨ ਲਈ ਵਰਜਿਆ। ਇੱਕ ਪ੍ਰਾਈਵੇਟ ਕੰਪਨੀ ਵਿਚ ਕੰਮ ਕਰਨ ਵਾਲੇ ਸ਼ਿਕਾਇਤ ਕਰਤਾ ਨੇ ਜਲਦ ਹੀ ਆਪਣੀ ਪਤਨੀ ਦੇ ਖਿਲਾਫ਼ ਕਾਨੂੰਨੀ ਕਾਰਵਾਈ ਕਰਨ ਦੀ ਮੰਗ ਕੀਤੀ ਹੈ। ਪਤੀ-ਪਤਨੀ ਇੱਕ-ਦੂਜੇ ਨੂੰ ਬਚਪਨ ਤੋਂ ਜਾਣਦੇ ਸਨ ਅਤੇ ਪੂਨੇ ਦੇ ਕਟਰਾਜ ਇਲਾਕੇ ਵਿਚ ਰਹਿੰਦੇ ਸਨ।
ਅਗਸਤ 1998 ਵਿਚ ਉਨਹਾਂ ਨੇ ਵਿਆਹ ਕਰ ਲਿਆ ਸੀ। ਪਤੀ ਦਾ ਇਲਜ਼ਾਮ ਹੈ ਕਿ ਸ਼ੁਰੂਆਤ ਵਿਚ ਸਭ ਕੁੱਝ ਠੀਕ ਚਲ ਰਿਹਾ ਸੀ ਪਰ ਕੁੱਝ ਮਹੀਨਿਆਂ ਬਾਅਦ ਪਤਨੀ ਛੋਟੀ-ਛੋਟੀ ਗੱਲ ਉੱਤੇ ਲੜਾਈ ਕਰਨ ਲੱਗੀ। ਪਤੀ ਨੇ ਪਤਨੀ ਦੁਆਰਾ ਜਾਨੋ ਮਾਰਨ ਦੀ ਧਮਕੀ ਦਿੱਤੇ ਜਾਣ ਦਾ ਵੀ ਇਲਜ਼ਾਮ ਲਗਾਇਆ ਹੈ। ਇਸਦੇ ਇਲਾਵਾ ਉਹ ਉਨ੍ਹਾਂ ਦੇ ਨਾਲ ਗਾਲੀਗਲੋਚ ਵੀ ਕਰਦੀ ਹੈ। ਪਤੀ ਦੇ ਮੁਤਾਬਕ, ਉਨਹਾਂ ਨੂੰ ਪਰੇਸ਼ਾਨ ਕਰਨ ਲਈ ਪਤਨੀ ਅਕਸਰ ਘਰ ਛੱਡਕੇ ਚਲੀ ਜਾਂਦੀ ਸੀ।
2016 ਵਿਚ ਪਤਨੀ ਨੇ ਉਨ੍ਹਾਂ ਦੇ ਅਤੇ ਸੱਸ-ਸਹੁਰੇ ਦੇ ਖਿਲਾਫ਼ ਆਈਪੀਸੀ ਦੀ ਧਾਰਾ 498 ਦੇ ਤਹਿਤ ਪੁਲਿਸ ਨੂੰ ਝੂਠੀ ਸ਼ਿਕਾਇਤ ਕੀਤੀ। ਉਸੇ ਸਾਲ ਪਤਨੀ ਨੇ ਕੋਰਟ ਵਿਚ ਘਰੇਲੂ ਹਿੰਸੇ ਦਾ ਮਾਮਲਾ ਵੀ ਦਰਜ ਕਰਵਾਇਆ। ਪਤੀ ਨੇ ਪਤਨੀ ਦੇ ਸਾਰੇ ਅਰੋਪਾਂ ਨੂੰ ਗਲਤ ਦੱਸਿਆ ਹੈ। ਉਨ੍ਹਾਂ ਦਾ ਕਹਿਣਾ ਹੈ ਕਿ ਪਤਨੀ ਨੇ ਕੋਰਟ ਵਿਚ ਗੁਜਾਰੇ ਭਤਤੇ ਲਈ ਵੀ ਮੰਗ ਲਗਾਈ ਹੈ। ਪਰ ਹੁਣ ਅਸੀਂ ਇਕੱਠੇ ਹੀ ਰਹਿ ਰਹੇ ਹਾਂ। ਉਹ ਬੱਚਿਆਂ ਦੀ ਦੇਖਭਾਲ ਵੀ ਠੀਕ ਤਰਾਂ ਨਾਲ ਨਹੀਂ ਕਰਦੀ ਅਤੇ ਉਨ੍ਹਾਂ ਦੇ ਮਨ ਵਿਚ ਮੇਰੇ ਪ੍ਰਤੀ ਨਫ਼ਰਤ ਵੀ ਭਰਦੀ ਹੈ।
ਉਹ ਮੈਨੂੰ ਬੱਚਿਆਂ ਦੀ ਪੜਾਈ ਵਿਚ ਦਖ਼ਲਅੰਦਾਜੀ ਕਰਨ ਤੋਂ ਵੀ ਮਨਾ ਕਰਦੀ ਹੈ। ਹਰ ਰੋਜ਼ ਉਹ ਕੋਈ ਨਾ ਕੋਈ ਮੁੱਦਾ ਚੁੱਕ ਕੇ ਲੜਾਈ ਕਰਦੀ ਹੈ। ਪਿਛਲੀ 21 ਜਨਵਰੀ ਨੂੰ ਉਸਨੇ ਮੇਰੇ ਉੱਤੇ ਪ੍ਰੈਸ਼ਰ ਕੁਕਰ ਨਾਲ ਵਾਰ ਕਰ ਦਿੱਤਾ ਜਿਸਦੇ ਨਾਲ ਮੇਰਾ ਹੱਥ ਫਰੈਕਚਰ ਹੋ ਗਿਆ। ਪਤਨੀ ਦੇ ਇਸ ਵਿਹਾਰ ਨਾਲ ਮੇਰੇ ਬੱਚਿਆਂ ਦਾ ਬਚਪਨ ਵੀ ਖ਼ਰਾਬ ਹੋ ਰਿਹਾ ਹੈ। ਪੀਡ਼ਿਤ ਦੇ ਵਕੀਲ ਵਿਜੈ ਥਾਂਬਾਰੇ ਦੱਸਦੇ ਹਨ, ਮੇਰੇ ਕਲਾਇੰਟ ਦੀ ਪਤਨੀ ਉਨਹਾਂ ਨੂੰ ਬਿਨਾਂ ਕਿਸੇ ਵਜ੍ਹਾਂ ਦੇ ਲਗਾਤਾਰ ਪਰੇਸ਼ਾਨ ਕਰ ਰਹੀ ਹੈ।
ਕੁੱਝ ਸਾਲ ਪਹਿਲਾਂ ਉਨਹਾਂ ਨੇ ਆਪਣੇ ਪਤੀ ਅਤੇ ਉਨ੍ਹਾਂ ਦੇ ਮਾਤਾ-ਪਿਤਾ ਦੇ ਖਿਲਾਫ਼ ਝੂਠਾ ਕੇਸ ਦਰਜ ਕਰਾਇਆ ਸੀ। ਪਰ ਬੇਰਹਿਮੀ ਦਾ ਕੋਈ ਸਬੂਤ ਨਹੀਂ ਪੇਸ਼ ਕਰ ਪਾਈ ਸੀ। ਪਤਨੀ ਨੇ ਗੁਜ਼ਾਰਾ ਭੱਤੇ ਦੀ ਵੀ ਮੰਗ ਕੀਤੀ ਹੈ ਅਸੀਂ ਕੋਰਟ ਵਿਚ ਇਸ ਮੰਗ ਨੂੰ ਰੱਦ ਕੀਤੇ ਜਾਣ ਸਬੰਧੀ ਪ੍ਰਸਤਾਵ ਰੱਖਦੇ ਹਾਂ। ਕਿਉਂਕਿ ਪਤਨੀ ਪਤੀ ਦੇ ਨਾਲ ਹੀ ਰਹਿ ਰਹੀ ਹੈ। ਜਦੋਂ (ਪਤਨੀ ਨੂੰ)ਇਸ ਬਾਰੇ ਵਿਚ ਪਤਾ ਚਲਿਆ ਤਾਂ ਉਨਹਾਂ ਨੇ ਮੇਰੇ ਕਲਾਇੰਟ ਨੂੰ ਪਰੇਸ਼ਾਨ ਕਰਨਾ ਸ਼ੁਰੂ ਕਰ ਦਿੱਤਾ। ਪਤਨੀ ਬੱਚਿਆਂ ਦੇ ਸਾਹਮਣੇ ਆਪਣੇ ਪਤੀ ਨੂੰ ਗੰਦੀਆ ਗਾਲਾਂ ਵੀ ਕੱਢਦੀ ਹੈ ਅਤੇ ਘਰੇਲੂ ਸਾਮਾਨ ਸੁੱਟਕੇ ਹਮਲਾ ਵੀ ਕਰਦੀ ਹੈ।