Home Alone girl assaulted by Neighbors: Suicide

ਨਵੀ ਦਿੱਲੀ (ਭਾਸ਼ਾ): ਨਵੀ ਦਿੱਲੀ ਦੇ ਇਗਨੂ ਤੋਂ ਐਮ.ਏ ਦੀ ਪੜ੍ਹਾਈ ਕਰ ਰਹੀ ਇਕ ਵਿਦਿਆਰਥਣ ਨੇ ਸੋਮਵਾਰ ਸਵੇਰੇ ਫਾਹਾ ਲਗਾ ਕੇ ਖੁਦਖੁਸ਼ੀ ਕਰ ਲਈ।ਦੋਸ਼ ਹੈ ਕਿ ਐਤਵਾਰ ਦੀ ਸ਼ਾਮ ਨੂੰ ਗੁਆਂਢ ਦੇ ਮੁੰਡਿਆਂ ਨੇ ਘਰ ਵਿਚ ਦਾਖਲ ਹੋ ਕੇ ਉਸ ਨਾਲ ਕੁਟਮਾਰ ਕੀਤੀ ਤੇ ਨਾਲ ਹੀ ਬਲੇਡ ਨਾਲ ਉਸ ਤੇ ਹਮਲਾ ਕਰ ਦਿੱਤਾ। ਨਾਲ ਹੀ ਪਰਿਵਾਰਕ ਮੈਂਬਰਾ ਨੇ ਦੋਸ਼ ਲਗਾਇਆ ਹੈ ਕਿ ਪੁਲਿਸ ਨੇ ਮੁਲਜ਼ਮਾ 'ਤੇ ਕੋਈ ਕਾਰਵਾਈ ਨਹੀਂ ਕੀਤੀ। ਦੱਸ ਦਈਏ ਕਿ ਮ੍ਰਿਤਕਾ ਦੀ ਪਛਾਣ ਸ਼ਿਲਪਾ ਉਮਰ 21 ਦੇ ਰੂਪ ਵਿਚ ਹੋਈ ਹੈ ਤੇ ਪੁਲਿਸ ਨੂੰ ਜਾਂਚ ਦੌਰਾਨ ਕੋਈ ਸੂਸਾਈਡ ਨੋਟ ਨਹੀਂ ਮਿਲਿਆ।

ਫਿਲਹਾਲ ਸ਼ਿਲਪਾ ਦੀ ਮਾਂ ਦੇ ਬਿਆਨਾਂ ਉੱਤੇ ਮੁਲਜ਼ਮ ਪਰਿਵਾਰ ਦੇ ਖਿਲਾਫ਼ ਖੁਦਕੁਸ਼ੀ ਕਰਨ ਲਈ ਉਕਸਾਉਣ ਦਾ ਕੇਸ ਦਰਜ ਕੀਤਾ ਗਿਆ ਹੈ। ਦੋਸ਼ ਹੈ ਕਿ ਐਤਵਾਰ ਦੀ ਸ਼ਾਮ ਨੂੰ ਕਿਸੇ ਗੱਲ ਨੂੰ ਲੈ ਕੇ ਸ਼ਿਲਪਾ ਅਤੇ ਗੁਆਂਢ ਦੇ ਮੁੰਡੇ ਅਮਰ ਤੀਵਾਰੀ ਅਤੇ ਸੰਜੈ ਤ੍ਰਿਪਾਠੀ ਨਾਲ ਝਗੜਾ ਹੋਇਆ ਤੇ ਹਥੋਪਾਈ ਤੇ ਉਤਰ ਆਏ ਤੇ ਬਾਅਦ 'ਚ ਇਸ ਦੀ ਸੂਚਨਾ ਪੁਲਿਸ ਨੂੰ ਦਿੱਤੀ ਗਈ। ਦੂਜੇ ਪਾਸੇ ਪਰਿਵਾਰਕ ਮੈਂਬਰਾ ਨੇ ਦਸਿਆ ਕਿ ਜਿਸ ਸਮੇ ਉਹ ਘਰ 'ਚ ਨਹੀਂ ਸੀ ਉਸ ਸਮੇਂ ਗੁਆਂਢ ਦੇ ਮੁੰਡੇ ਜਬਰਨ ਉਨ੍ਹਾਂ ਦੇ ਘਰ 'ਚ ਵੜੇ ਤੇ ਉਨ੍ਹਾਂ ਨੇ ਸ਼ਿਲਪਾ ਉੱਤੇ  ਟੁੱਟੀ ਬੋਤਲ

ਅਤੇ ਬਲੇਡ ਨਾਲ ਹਮਲਾ ਕਰ ਉਸਦੀ ਗਰਦਨ ਅਤੇ ਹੱਥ ਉੱਤੇ ਸੱਟ ਮਾਰੀ 'ਤੇ ਨਾਲ ਹੀ ਪਰਿਵਾਰਕ ਮੈਂਬਰਾਂ ਨੇ ਦੱਸਿਆ ਕਿ ਮੁਲਜ਼ਮਾ ਨੇ ਘਰ ਵਿਚ ਰੱਖਿਆ ਕੂਲਰ ਖਿੜਕੀਆਂ ਦੇ ਕੱਚ ਅਤੇ ਹੋਰ ਸਮਾਨ ਵੀ ਤੋੜ ਦਿੱਤਾ।  ਨਾਲ ਹੀ ਸੂਚਨਾ ਮਿਲਣ ਤੋਂ ਬਾਅਦ ਮੌਕੇ 'ਤੇ ਪਹੁੰਚੀ ਪੁਲਿਸ ਨੇ ਉਨ੍ਹਾਂ ਨੂੰ ਸਮਝਾ – ਬੁਝਾ ਕੇ ਸ਼ਿਲਪਾ ਨੂੰ ਹਸਪਤਾਲ ਇਲਾਜ ਕਰਵਾਉਣ ਲਈ ਲੈ ਗਏ ਤੇ ਬਾਅਦ ਵਿਚ ਦੋਨਾਂ ਪੱਖਾਂ ਨੂੰ ਸਵੇਰੇ ਬੁਲਾਣ ਦੀ ਗੱਲ ਕਰ ਪੁਲਿਸ ਨੇ ਦੋਨਾਂ ਨੂੰ ਆਪਣੇ-ਆਪਣੇ ਘਰ ਭੇਜ ਦਿੱਤਾ ਤੇ ਸੋਮਵਾਰ ਸਵੇਰੇ ਕਰੀਬ 6:30 ਵਜੇ ਸ਼ਿਲਪਾ ਨੂੰ ਆਪਣੇ ਕਮਰੇ ਵਿਚ ਫਾਹੇ ਨਾਲ ਲਟਕਦਾ ਵੇਖਿਆ ਤਾਂ ਉਨ੍ਹਾਂ ਦੇ ਪੈਰਾਂ ਹੇਠਾ ਜ਼ਮੀਨ ਖਿਸਕ ਗਈ।

ਸ਼ਿਲਪਾ ਦੇ ਤਾਏ ਕ੍ਰਿਪਾਸ਼ੰਕਰ ਅਤੇ ਪਿਤਾ ਦਯਾਸ਼ੰਕਰ ਦਾ ਆਰੋਪ ਹੈ ਕਿ ਪੁਲਿਸ ਕੋਲ ਮਾਮਲਾ ਦਰਜ ਕਰਵਾਉਣ ਦੇ ਬਾਵਜੁਦ ਵੀ ਪੁਲਿਸ ਨੇ ਆਰੋਪੀਆਂ ਨੂੰ ਹਿਰਾਸਤ 'ਚ ਤਾਂ ਕੀ ਲੈਣਾ ਉਨ੍ਹਾਂ ਤੇ ਕੋਈ ਕਾਰਵਾਈ ਤੱਕ ਨਹੀਂ ਕੀਤੀ।ਉਨ੍ਹਾਂ ਦਾ ਇਹ ਕਹਿਣਾ ਹੈ ਕਿ ਮੁਲਜ਼ਮ ਪਰਿਵਾਰ ਨੇ ਸਾਰਿਆਂ ਨੂੰ ਜਾਨੋਂ ਮਾਰਨ ਦੀ ਧਮਕੀ ਦਿੱਤੀ ਸੀ ਤੇ ਜਿਸ ਤੋਂ ਸ਼ਿਲਪਾ ਬੁਰੀ ਤਰ੍ਹਾਂ ਡਰ ਗਈ ਤੇ ਉਸ ਨੇ ਇਨਾਂ ਵੱਡਾ ਕਦਮ ਚੁੱਕ ਲਿਆ। ਦੂਜੇ ਪਾਸੇ ਮੁਲਜ਼ਮ ਦਾ ਕਹਿਣਾ ਹੈ ਕਿ ਉਸ ਵੱਲੋਂ ਕੋਈ ਵੀ ਧਮਕੀ ਨਹੀਂ ਦਿੱਤੀ ਗਈ ਅਤੇ ਨਾ ਹੀ ਕੁੱਟ-ਮਾਰ ਕੀਤੀ ਗਈ।