ਮੈਟਰੋ ਦਾ ਕਿਰਾਇਆ ਵਧਣ ਕਾਰਨ ਇਸ ਦੇਸ਼ ਵਿਚ ਹੋਏ ਦੰਗੇ
ਸਿਪਾਹੀਆਂ ਨੇ ਇਕ ਭੀੜ ਦੁਆਰਾ ਕੀਤੀ ਗਈ ਲੁੱਟ ਨੂੰ ਰੋਕਣ ਲਈ ਦਖਲ ਦਿੱਤਾ
ਸੈਂਟਿਯਾਗੋ: ਚਿਲੀ ਵਿਚ ਮੈਟਰੋ ਕਿਰਾਏ ਵਿਚ ਵਾਧੇ ਦੇ ਵਿਰੋਧ ਵਿਚ ਵੱਡੇ ਪੱਧਰ 'ਤੇ ਹੋਏ ਦੰਗਿਆਂ ਵਿਚ ਮਰਨ ਵਾਲਿਆਂ ਦੀ ਗਿਣਤੀ 12 ਹੋ ਗਈ ਹੈ। ਇਹ ਜਾਣਕਾਰੀ ਅਧਿਕਾਰੀਆਂ ਨੇ ਦਿੱਤੀ। ਏਫ ਨਿਊਜ਼ ਦੀ ਰਿਪੋਰਟ ਅਨੁਸਾਰ ਦੱਖਣੀ ਸ਼ਹਿਰ ਤਾਲਕਾਹੀਨੋ ਵਿਚ ਇੱਕ 22 ਸਾਲਾ ਵਿਅਕਤੀ ਨੂੰ ਨੇਵੀ ਟਰੱਕ ਦੁਆਰਾ ਕੁਚਲਣ ਤੋਂ ਬਾਅਦ ਸਥਿਤੀ ਬਹੁਤ ਗੰਭੀਰ ਹੋ ਗਈ।
ਸਿਪਾਹੀਆਂ ਨੇ ਇਕ ਭੀੜ ਦੁਆਰਾ ਕੀਤੀ ਗਈ ਲੁੱਟ ਨੂੰ ਰੋਕਣ ਲਈ ਦਖਲ ਦਿੱਤਾ ਅਤੇ ਭੀੜ ਉਨ੍ਹਾਂ ਦੇ ਪਹੁੰਚਣ ਤੋਂ ਬਾਅਦ ਘਟ ਗਈ। ਬਾਇਓ ਬਾਇਓ ਖੇਤਰ ਵਿਚ ਸਰਕਾਰੀ ਵਕੀਲ ਦੇ ਦਫ਼ਤਰ ਨੇ ਦੱਸਿਆ ਕਿ ਇੱਕ ਨੌਜਵਾਨ ਦੀ ਮੌਤ ‘ਤੇ ਇੱਕ ਜਲ ਸੈਨਾ ਨੂੰ ਗ੍ਰਿਫਤਾਰ ਕਰ ਲਿਆ ਗਿਆ ਹੈ ਅਤੇ ਜਾਂਚ ਕੀਤੀ ਜਾ ਰਹੀ ਹੈ। ਰਾਜਧਾਨੀ ਦੇ ਅਧੀਨ ਪੈਂਦੇ ਸੈਂਟਿਆਗੋ ਅਤੇ ਮੈਟਰੋਪੋਲੀਟਨ ਖੇਤਰ ਵਿਚ ਲਗਾਤਾਰ ਤੀਜੀ ਰਾਤ ਕਰਫਿਊ ਜਾਰੀ ਰਿਹਾ।
ਸੈਂਟਿਯਾਗੋ ਮੈਟਰੋ ਦੀਆਂ ਕੀਮਤਾਂ ਦੇ ਵਾਧੇ ਖਿਲਾਫ ਸ਼ੁਰੂ ਹੋਇਆ ਇੱਕ ਸਮਾਜਿਕ ਵਿਰੋਧ ਪ੍ਰਦਰਸ਼ਨ ਬਹੁਤ ਜ਼ਬਰਦਸਤ ਹੋ ਗਿਆ ਹੈ। ਦੇਸ਼ ਭਰ ਵਿਚ ਵੱਖ-ਵੱਖ ਥਾਵਾਂ 'ਤੇ ਹਿੰਸਕ ਪ੍ਰਦਰਸ਼ਨਾਂ ਕਾਰਨ ਬੇਚੈਨੀ ਫੈਲ ਗਈ ਹੈ। ਰਾਸ਼ਟਰਪਤੀ ਸੇਬੇਸਟੀਅਨ ਪਨੇਰਾ ਨੇ ਕਿਹਾ ਹੈ ਕਿ ਦੇਸ਼ ਇਨ੍ਹਾਂ ਹਿੰਸਕ ਤੱਤਾਂ ਵਿਰੁੱਧ ਲੜਾਈ ਲੜ ਰਿਹਾ ਹੈ ਅਤੇ ਚਿਲੀ ਦੇ 16 ਪ੍ਰਸ਼ਾਸਕੀ ਖੇਤਰਾਂ ਵਿਚੋਂ 11 ਵਿਚ ਸੰਕਟਕਾਲੀ ਸਥਿਤੀ ਲਾਗੂ ਕਰ ਦਿੱਤੀ ਹੈ।
ਐਮਰਜੈਂਸੀ ਘੋਸ਼ਿਤ ਖੇਤਰਾਂ ਵਿਚ ਮੈਟਰੋਪੋਲੀਟਨ ਖੇਤਰ (ਜਿੱਥੇ ਸੈਂਟਿਆਗੋ ਸਥਿਤ ਹੈ), ਤਾਰਾਪਕਾ, ਐਂਟੋਫਾਗਾਸਟਾ, ਕੋਕਿੰਬੋ, ਵਾਲਪਾਰਸੀਓ, ਮੌਲੇ, ਕਨਸੈਪਸੀਅਨ, ਬਾਇਓ ਬਾਇਓ, ਓ-ਹਿਗਿਸ, ਮੈਗੇਲਾਨ ਅਤੇ ਲੌਸ ਰਿਓਸ ਸ਼ਾਮਲ ਹਨ. ਸਿਹਤ ਮੰਤਰੀ ਜੈਮੇ ਮਨਾਲੀਚ ਨੇ ਦੱਸਿਆ ਕਿ 32 ਵਿਅਕਤੀਆਂ ਨੂੰ ਮੈਟਰੋ ਖੇਤਰ ਦੇ ਹਸਪਤਾਲ ਵਿੱਚ ਦਾਖਲ ਕਰਵਾਇਆ ਗਿਆ ਹੈ, ਜਿਨ੍ਹਾਂ ਵਿੱਚੋਂ 10 ਦੀ ਹਾਲਤ ਗੰਭੀਰ ਬਣੀ ਹੋਈ ਹੈ। ਇਸ ਤੋਂ ਇਲਾਵਾ 208 ਵਿਅਕਤੀਆਂ ਨੂੰ ਕੁਝ ਸੱਟਾਂ ਲੱਗੀਆਂ ਹਨ, ਜਿਨ੍ਹਾਂ ਨੂੰ ਡਾਕਟਰੀ ਸਹੂਲਤਾਂ ਦਿੱਤੀਆਂ ਜਾ ਰਹੀਆਂ ਹਨ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।