IAS Officer Vijay Kumar Dev become New Chief Secretary of Delhi

ਨਵੀਂ ਦਿੱਲੀ (ਭਾਸ਼ਾ) : ਸੀਨੀਅਰ ਆਈਏਐਸ ਅਧਿਕਾਰੀ ਵਿਜੈ ਕੁਮਾਰ ਦੇਵ ਦਿੱਲੀ ਦੇ ਨਵੇਂ ਮੁੱਖ ਸਕੱਤਰ ਨਿਯੁਕਤ ਕੀਤੇ ਗਏ ਹਨ। ਉਹ ਅੰਸ਼ੁ ਪ੍ਰਕਾਸ਼ ਦੇ ਸਥਾਨ ‘ਤੇ ਇਸ ਅਹੁਦੇ ‘ਤੇ ਨਿਯੁਕਤ ਹੋਏ ਹਨ। ਏਜੀਐਮਯੂਟੀ (ਅਰੁਣਾਚਲ ਪ੍ਰਦੇਸ਼, ਗੋਵਾ, ਮਿਜ਼ੋਰਮ, ਕੇਂਦਰ ਸ਼ਾਸਿਤ ਪ੍ਰਦੇਸ਼) ਕੈਡਰ ਦੇ 1987 ਬੈਚ ਦੇ ਭਾਰਤੀ ਪ੍ਰਬੰਧਕੀ ਸੇਵਾ (ਆਈਏਐਸ) ਅਧਿਕਾਰੀ ਫ਼ਿਲਹਾਲ ਦਿੱਲੀ ਦੇ ਮੁੱਖ ਚੋਣ ਅਧਿਕਾਰੀ (ਸੀਈਓ) ਦੇ ਅਹੁਦੇ ‘ਤੇ ਤੈਨਾਤ ਹਨ।

ਕੇਂਦਰ ਨੇ 17 ਨਵੰਬਰ ਨੂੰ ਪ੍ਰਕਾਸ਼ ਦਾ ਤਬਾਦਲਾ ਦੂਰ ਸੰਚਾਰ ਵਿਭਾਗ ਵਿਚ ਕਰ ਦਿਤਾ ਸੀ। ਮੁੱਖ ਸਕੱਤਰ ਦਾ ਅਹੁਦਾ ਭਾਰਤ ਦੇ ਸੂਬਿਆਂ ਅਤੇ ਕੇਂਦਰ ਸ਼ਾਸਿਤ ਪ੍ਰਦੇਸ਼ਾਂ ਵਿਚ ਸਿਵਲ ਸੇਵਾ ਦਾ ਸਭ ਤੋਂ ਉੱਚਾ ਅਹੁਦਾ ਹੈ।