Kareena Kapoor Khan and Taimur Ali Khan

ਨਵੀਂ ਦਿੱਲੀ: ਬਾਲੀਵੁੱਡ ਅਦਾਕਾਰ ਪਾਇਲ ਰੋਹਤਾਗੀ ਸੋਸ਼ਲ ਮੀਡੀਆ ‘ਤੇ ਹਿੰਦੂਤਵ ਅਤੇ ਹਿੰਦੂਆਂ ਨੂੰ ਲੈ ਕੇ ਹਮੇਸ਼ਾਂ ਵੀਡੀਓ ਪੋਸਟ ਕਰਦੀ ਰਹਿੰਦੀ ਹੈ। ਪਾਇਲ  ਰੋਹਤਾਗੀ ਦੇ ਟਵੀਟ ਅਕਸਰ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਜਾਂਦੇ ਹਨ। ਪਾਇਲ ਰੋਹਤਾਗੀ ਨੇ ਲੋਕ ਸਭਾ ਚੋਣਾਂ 2019 ਦੇ ਨਤੀਜਿਆਂ ਤੋਂ ਬਾਅਦ ਟਵੀਟ ਕੀਤਾ ਹੈ । ਇਸ ਵਾਰ ਉਹਨਾਂ ਦਾ ਨਿਸ਼ਾਨਾ ਬਾਲੀਵੁੱਡ ਅਦਾਕਾਰ ਕਰੀਨਾ ਕਪੂਰ ਖਾਨ ‘ਤੇ ਰਿਹਾ।

 

 

ਪਾਇਲ ਰੋਹਤਾਗੀ ਨੇ ਕਰੀਨਾ ਕਪੂਰ ਦੇ ਬੇਟੇ ਤੈਮੁਲ ਅਲੀ ਖਾਨ ਦੇ ਨਾਂਅ ਨੂੰ ਲੈ ਕੇ ਸਵਾਲ ਚੁੱਕੇ ਹਨ। ਪਾਇਲ ਰੋਗਤਾਗੀ ਦਾ ਮੰਨਣਾ ਹੈ ਕਿ ਬੱਚਿਆਂ ਦੇ ਨਾਂਅ ਇਤਿਹਾਸ ਦੇ ਵਿਲੇਨ ਦੇ ਨਾਂਅ ‘ਤੇ ਨਹੀਂ ਰੱਖਣੇ ਚਾਹੀਦੇ। ਬਾਲੀਵੁੱਡ ਅਦਾਕਾਰ ਪਾਇਲ ਰੋਹਤਾਗੀ ਨੇ ਪ੍ਰੱਗਿਆ ਠਾਕੁਰ ਦੇ ਬਹਾਨੇ ਕਰੀਨਾ ਕਪੂਰ ਖਾਨ ਨੂੰ ਉਹਨਾਂ ਦੇ ਬੇਟੇ ਤੈਮੁਰ ਅਲੀ ਖਾਨ ਦੇ ਨਾਂਅ ਨੂੰ ਲੈ ਕੇ ਨਿਸ਼ਾਨੇ ‘ਤੇ ਲਿਆ ਹੈ।

ਪਾਇਲ ਰੋਹਤਾਗੀ ਨੇ ਟਵੀਟ ਕੀਤਾ ਹੈ ‘ਤੈਮੁਰ ਨੇ 1398 ਵਿਚ ਦਿੱਲੀ ਤੱਕ ਕਬਜ਼ਾ ਕੀਤਾ ਅਤੇ ਕਰੋੜਾਂ ਹਿੰਦੂਆਂ ਨੂੰ ਮਾਰਿਆ ਸੀ ਅਤੇ ਉਹਨਾਂ ਦਾ ਧਰਮ ਬਦਲਿਆ ਸੀ। ਇਥੇ ਕਰੀਨਾ ਦੇ ਬੱਚੇ ਦਾ ਕੋਈ ਕਸੂਰ ਨਹੀਂ ਹੈ ਕਿਉਂਕਿ ਉਹ ਤਾਂ ਮਾਸੂਮ ਹੈ ਪਰ ਅਸੀਂ ਉਸ ਸਿਸਟਮ ਦੀ ਗੱਲ ਕਰ ਰਹੇ ਹਾਂ ਜਿੱਥੇ ਇਕ ਹਿੰਦੋਸਤਾਨੀ ਮਾਂ ਨੇ ਅਪਣੇ ਬੱਚੇ ਦਾ ਨਾਂਅ ਇਕ ਮੁਗਲ ਦੇ ਨਾਂਅ ‘ਤੇ ਰੱਖਿਆ ਹੈ’। ਪਾਇਲ ਰੋਹਤਾਗੀ ਕੁਝ ਸਮੇਂ ਸੋਸ਼ਲ ਮੀਡੀਆ ‘ਤੇ ਅਪਣੇ ਇਸ ਅੰਦਾਜ਼ ਲਈ ਕਾਫੀ ਸੁਰਖੀਆਂ ਵਿਚ ਹੈ। ਪਾਇਲ ਰੋਹਤਾਗੀ ਇਸ ਤੋਂ ਪਹਿਲਾਂ ਵੀ ਚੋਣਾਂ ਦੌਰਾਨ ਗੁੱਸੇ ਨਾਲ ਭਰੇ ਟਵੀਟ ਕਰ ਚੁਕੀ ਹੈ ਅਤੇ ਉਹ ਕਾਫੀ ਵਾਇਰਲ ਵੀ ਹੋਏ ਸਨ।