'ਖੇਲੋ ਇੰਡੀਆ' ਦੇ ਖਿਡਾਰੀਆਂ ਨੂੰ ਭਾਜਪਾ ਦਫਤਰ ਵਿਚ ਵੰਡਣੇ ਪਏ ਚਾਹ ਬਿਸਕੁਟ, ਬਣੇ ਵੇਟਰ
'ਖੇਲੋ ਇੰਡੀਆ' ਦੇ ਖਿਡਾਰੀਆਂ ਨਾਲ ਸਬੰਧਤ ਇਕ ਮਾਮਲਾ ਸਾਹਮਣੇ ਆਇਆ ਹੈ।
ਝਾਰਖੰਡ, 'ਖੇਲੋ ਇੰਡੀਆ' ਦੇ ਖਿਡਾਰੀਆਂ ਨਾਲ ਸਬੰਧਤ ਇਕ ਮਾਮਲਾ ਸਾਹਮਣੇ ਆਇਆ ਹੈ। ਵਿਵਾਦ ਹੈ ਕਿ ਸਰਕਾਰੀ ਸਮਾਰੋਹ ਖੇਲੋ ਇੰਡੀਆ ਦੇ ਤਹਿਤ ਚੁਣੇ ਗਏ ਖਿਡਾਰੀਆਂ ਤੋਂ ਝਾਰਖੰਡ ਦੇ ਸੂਬ ਭਾਜਪਾ ਦਫ਼ਤਰ ਵਿਚ ਚਾਹ - ਬਿਸਕੁਟ ਵੰਡਵਾਏ ਗਏ। ਝਾਰਖੰਡ ਦੇ ਵੱਖ ਵੱਖ ਹਿੱਸਿਆਂ ਤੋਂ ਚੁਣੇ ਗਏ ਇਨ੍ਹਾਂ ਖਿਡਾਰੀਆਂ ਨੂੰ ਰਾਸ਼ਟਰੀ ਪੱਧਰ ਦੇ ਮੁਕਾਬਲਿਆਂ ਲਈ ਦਿੱਲੀ ਲਿਆਇਆ ਗਿਆ ਹੈ। ਦਿੱਲੀ ਰਵਾਨਗੀ ਤੋਂ ਪਹਿਲਾਂ ਉਨ੍ਹਾਂ ਦਾ ਇੱਕ ਸਨਮਾਨ ਸਮਾਰੋਹ ਆਯੋਜਿਤ ਕੀਤਾ ਗਿਆ ਸੀ, ਜਿਸ ਵਿਚ ਇਕ ਕਥਿਕ ਘਟਨਾ ਵਾਪਰੀ। ਦੱਸ ਦਈਏ ਕਿ ਇਸਦਾ ਇਕ ਵੀਡੀਓ ਵੀ ਸੋਸ਼ਲ ਮੀਡੀਆ 'ਤੇ ਵੀ ਸਾਂਝਾ ਕੀਤਾ ਜਾ ਰਿਹਾ ਹੈ।
ਖਿਡਾਰੀਆਂ ਨੂੰ ਗੱਲਬਾਤ ਦੌਰਾਨ ਪੁੱਛਿਆ ਗਿਆ ਕਿ ਤੁਸੀਂ ਆਪਣੀ ਹੀ ਟੀਮ ਦੇ ਸਮਾਨ ਖਿਡਾਰੀਆਂ ਨੂੰ ਚਾਹ ਕਿਉਂ ਪਿਲਾਈ? ਇਸ ਸਵਾਲ ਉੱਤੇ ਉਨ੍ਹਾਂ ਨੇ ਕਿਹਾ ਕਿ ਉਹ ਦੀ ਟੀਮ ਵਿਚ ਕੁੱਝ ਖਿਡਾਰੀ ਸੀਨੀਅਰ ਹਨ, ਉਨ੍ਹਾਂ ਨੂੰ ਹੀ ਚਾਹ ਪਿਲਾਈ ਗਈ ਸੀ ਅਤੇ ਇਸ ਤੋਂ ਇਲਾਵਾ ਕਿਸੇ ਹੋਰ ਨੂੰ ਚਾਹ ਨਹੀਂ ਪਿਲਾਈ ਗਈ।
ਸਮਾਰੋਹ ਵਿਚ ਮੌਜੂਦ ਕੁਝ ਪੱਤਰਕਾਰਾਂ ਨੇ ਇਸ ਗੱਲ ਦਾ ਦਾਅਵਾ ਕੀਤਾ ਖਿਡਾਰੀਆਂ ਨੇ ਪੱਤਰਕਾਰਾਂ ਨੂੰ ਵੀ ਚਾਹ ਤੇ ਬਿਸਕੁਟ ਵਰਤਾਏ ਸਨ। ਜਦੋਂ ਸੋਸ਼ਲ ਮੀਡੀਆ 'ਤੇ ਇਸ ਦਾ ਵੀਡੀਓ ਵਾਇਰਲ ਹੋਇਆ ਤਾਂ ਉਸ ਸਮੇਂ ਇਸ ਉੱਤੇ ਵਿਵਾਦ ਵਧ ਗਿਆ।
ਮਾਮਲੇ ਉੱਤੇ ਸਫਾਈ ਦਿੰਦੇ ਹੋਏ ਝਾਰਖੰਡ ਪ੍ਰਦੇਸ਼ ਦੇ ਮੁਖ ਮੰਤਰੀ ਦੀਪਕ ਪ੍ਰਕਾਸ਼ ਨੇ ਜਾਣਕਾਰੀ ਦਿੰਦੇ ਹੋਏ ਕਿਹਾ ਕਿ ਅਸੀ ਇੱਕ ਪਰਿਵਾਰ ਦੀ ਤਰ੍ਹਾਂ ਹਾਂ। ਉਨ੍ਹਾਂ ਕਿਹਾ ਕਿ ਪਰਿਵਾਰ ਵਿਚ ਜੇਕਰ ਛੋਟੇ ਬੱਚੇ ਵਡਿਆਂ ਨੂੰ ਖਾਣਾ ਪੀਣਾ ਜਾਂ ਚਾਹ ਪਿਲਾਉਂਦੇ ਹਨ ਤਾਂ ਇਸ ਵਿਚ ਬੁਰਾ ਕੀ ਹੈ? ਉਨ੍ਹਾਂ ਕਿਹਾ ਕਿ ਮਾਮਲੇ ਨੂੰ ਬਿਨਾ ਵਜ੍ਹਾ ਹੀ ਵਧਾਇਆ ਜਾ ਰਿਹਾ ਹੈ। ਪਰਿਵਾਰ ਵਿਚ ਵੱਡੇ ਵੀ ਛੋਟਿਆਂ ਨੂੰ ਖਾਨਾ - ਪੀਣਾ ਦਿੰਦੇ ਹਨ ਅਤੇ ਅਸੀ ਵੀ ਅਜਿਹਾ ਹੀ ਕਰਦੇ ਹਾਂ'। ਉਥੇ ਹੀ, ਸਮਾਰੋਹ ਵਿਚ ਮੁੱਖ ਮਹਿਮਾਨ ਦੇ ਰੂਪ ਵਿਚ ਸ਼ਾਮਿਲ ਹੋਏ ਨਗਰ ਵਿਕਾਸ ਮੰਤਰੀ ਸੀ ਪੀ ਸਿੰਘ ਨੇ ਮਾਮਲੇ ਬਾਰੇ ਪੁਛੇ ਜਾਣ 'ਤੇ ਕਿਹਾ ਕਿ ਮੈਨੂੰ ਇਸ ਬਾਰੇ ਵਿਚ ਕੁੱਝ ਪਤਾ ਨਹੀਂ ਹੈ।