ਮਹਿਲਾ ਦੀਆਂ ਅੱਖਾਂ 'ਚੋ ਹੰਝੂਆਂ ਦੀ ਥਾਂ ਨਿਕਲਦਾ ਹੈ ਕੁਝ ਅਜਿਹਾ, ਦੇਖਕੇ ਡਾਕਟਰ ਵੀ ਨੇ ਹੈਰਾਨ
ਇਨਸਾਨ ਹੋਵੇ ਜਾਂ ਕੋਈ ਜਾਨਵਰ, ਜਦੋਂ ਵੀ ਰੋਂਦੇ ਹਨ ਤਾਂ ਉਨ੍ਹਾਂ ਦੀ ਅੱਖਾਂ ਤੋਂ ਪਾਣੀ ਵਾਲੇ ਹੰਝੂ ਨਿਕਲਦੇ ਹਨ ਪਰ ਇੱਕ ਮਹਿਲਾ ਅਜਿਹੀ ਹੈ..
ਨਵੀਂ ਦਿੱਲੀ : ਇਨਸਾਨ ਹੋਵੇ ਜਾਂ ਕੋਈ ਜਾਨਵਰ, ਜਦੋਂ ਵੀ ਰੋਂਦੇ ਹਨ ਤਾਂ ਉਨ੍ਹਾਂ ਦੀ ਅੱਖਾਂ ਤੋਂ ਪਾਣੀ ਵਾਲੇ ਹੰਝੂ ਨਿਕਲਦੇ ਹਨ ਪਰ ਇੱਕ ਮਹਿਲਾ ਅਜਿਹੀ ਹੈ ਜਿਸਦੀ ਅੱਖਾਂ ਤੋਂ ਕਰਿਸਟਲ ਦੇ ਹੰਝੂ ਨਿਕਲਦੇ ਹਨ। ਅਜਿਹਾ ਮਾਮਲਾ ਦੇਖਕੇ ਡਾਕਟਰ ਵੀ ਹੈਰਾਨ ਹਨ ਅਤੇ ਇਹ ਜਾਣਨ ਦੀ ਕੋਸ਼ਿਸ਼ ਕਰ ਰਹੇ ਹਨ ਕਿ ਆਖਿਰ ਮਹਿਲਾ ਦੀਆਂ ਅੱਖਾਂ ਤੋਂ ਹੰਝੂ ਦੀ ਜਗ੍ਹਾ ਕਰਿਸਟਲ ਕਿਉਂ ਨਿਕਲ ਰਹੇ ਹਨ ?
ਇਹ 22 ਸਾਲਾ ਮਹਿਲਾ ਅਰਮੇਨਿਆ ਦੇ ਇੱਕ ਪਿੰਡ ਸਪੇਂਡਰਿਅਨ ਦੀ ਰਹਿਣ ਵਾਲੀ ਹੈ, ਜਿਸ ਦਾ ਨਾਮ ਸੈਟੇਨਿਕ ਕਾਜੇਰਿਅਨ ਹੈ। ਕਾਜੇਰੀਅਨ ਦਾ ਕਹਿਣਾ ਹੈ ਕਿ ਉਨ੍ਹਾਂ ਦਾ ਪਰਿਵਾਰ ਖੇਤੀ ਕਰਕੇ ਆਪਣਾ ਗੁਜ਼ਾਰਾ ਕਰਦਾ ਹੈ, ਅਜਿਹੇ ਵਿੱਚ ਉਨ੍ਹਾਂ ਦੇ ਕੋਲ ਇੰਨਾ ਪੈਸਾ ਨਹੀਂ ਹੈ ਕਿ ਉਹ ਆਪਣੀ ਅਜੀਬੋ ਗਰੀਬ ਬਿਮਾਰੀ ਦਾ ਇਲਾਜ ਕਰਵਾ ਸਕਣ।
ਮੀਡੀਆ ਰਿਪੋਰਟਸ ਦੇ ਮੁਤਾਬਕ 22 ਸਾਲਾ ਕਾਜੇਰੀਅਨ ਦੀਆਂ ਅੱਖਾਂ ਤੋਂ ਹਰ ਰੋਜ਼ ਹੰਝੂ ਦੀ ਥਾਂ 50 ਕਰਿਸਟਲ ਨਿਕਲਦੇ ਹਨ। ਉਨ੍ਹਾਂ ਦਾ ਰੋਗ ਡਾਕਟਰਾਂ ਨੂੰ ਵੀ ਸਮਝ ਨਹੀਂ ਆਉਂਦਾ ਹੈ। ਅਜਿਹੇ ਵਿੱਚ ਉਹ ਨਾ ਤਾਂ ਇਸ ਦਾ ਇਲਾਜ ਕਰਵਾ ਪਾਉਂਦੇ ਹਨ ਤੇ ਨਾ ਹੀ ਆਪਰੇਸ਼ਨ ਕਰਵਾ ਪਾ ਰਹੇ ਹਨ।
ਕਾਜੇਰੀਅਨ ਨੇ ਦੱਸਿਆ ਕਿ ਸ਼ੁਰੂਆਤ ਵਿੱਚ ਉਨ੍ਹਾਂ ਨੇ ਅੱਖਾਂ ਦੇ ਮਾਹਿਰਾਂ ਤੋਂ ਸਲਾਹ ਲੈ ਕੇ ਅੱਖਾਂ 'ਚ ਪਾਉਣ ਵਾਲੀ ਦਵਾਈ ਦਾ ਇਸਤੇਮਾਲ ਕੀਤਾ। ਜਿਸਦੇ ਨਾਲ ਥੋੜ੍ਹੀ ਰਾਹਤ ਤਾਂ ਮਿਲੀ ਪਰ ਹੁਣ ਉਨ੍ਹਾਂ ਨੂੰ ਕਰਿਸਟਲ ਹੰਝੂਆਂ ਦੀ ਵਜ੍ਹਾ ਕਾਰਨ ਬਹੁਤ ਤਕਲੀਫਾਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ।
ਰੂਸ ਦੇ ਇੱਕ ਅੱਖਾਂ ਦੇ ਮਾਹਿਰ ਨੇ ਦੱਸਿਆ ਕਿ ਮਹਿਲਾ ਦਾ ਰੋਗ ਬਹੁਤ ਅਨੌਖਾ ਹੈ ਇਸ ਨੂੰ ਸਮਝਣਾ ਕਾਫ਼ੀ ਮੁਸ਼ਕਲ ਹੈ। ਹਾਲਾਂਕਿ ਉਨ੍ਹਾਂ ਨੇ ਖਦਸ਼ਾ ਜਤਾਇਆ ਹੈ ਕਿ ਹੰਝੂਆਂ 'ਚ ਪ੍ਰੋਟੀਨ ਦੀ ਮਾਤਰਾ ਜ਼ਿਆਦਾ ਹੋਣ ਨਾਲ ਅਜਿਹਾ ਰੋਗ ਹੋਣ ਦੀ ਸੰਭਾਵਨਾ ਹੈ। ਇਸ ਤੋਂ ਇਲਾਵਾ ਜੇਕਰ ਹੰਝੂਆਂ 'ਚ ਲੂਣ ਦੀ ਮਾਤਰਾ ਵੱਧਦੀ ਹੈ ਤਾਂ ਵੀ ਇਹ ਕਰਿਸਟਲ 'ਚ ਬਦਲ ਜਾਂਦੇ ਹਨ।
ਉਥੇ ਹੀ ਅਰਮੇਨਿਆ ਦੇ ਉਪ – ਸਿਹਤ ਮੰਤਰੀ ਓਗੇਂਸ ਦਾ ਕਹਿਣਾ ਹੈ ਕਿ ਮਹਿਲਾ ਦੀ ਇਸ ਅਜੀਬੋ ਗਰੀਬ ਬਿਮਾਰੀ ਦਾ ਪਤਾ ਲਗਾਇਆ ਜਾ ਰਿਹਾ ਹੈ ਤੇ ਇਹ ਪਤਾ ਲਗਾਉਣ ਦੀ ਕੋਸ਼ਿਸ਼ ਕੀਤੀ ਜਾ ਰਹੀ ਹੈ ਕਿ ਆਖਿਰ ਉਸ ਮਹਿਲਾ ਨਾਲ ਕੀ ਹੋ ਰਿਹਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ