Vasundhara Raje

ਜੋਧਪੁਰ,  ਮੁੱਖ ਮੰਤਰੀ ਵਸੁੰਧਰਾ ਰਾਜੇ ਦੀ ਰਾਜਸਥਾਨ ਗੌਰਵ ਯਾਤਰਾ ਦੇ ਦੂੱਜੇ ਪੜਾਅ ਦੇ ਦੂੱਜੇ ਦਿਨ ਜੋਧਪੁਰ ਵਿਚ ਕਈ ਜਗ੍ਹਾਵਾਂ ਉੱਤੇ ਵਿਰੋਧ, ਹੰਗਾਮੇ ਹੋਏ। ਪੀਪਾੜ ਵਿਚ ਤਾਂ ਦੇਰ ਰਾਤ 9 : 45 ਵਜੇ ਗੌਰਵ ਰੱਥ 'ਤੇ ਪੱਥਰ ਬਾਜ਼ੀ ਵੀ ਹੋਈ। ਪਰਦਰਸ਼ਨਕਾਰੀਆਂ ਨੇ ਅਸ਼ੋਕ ਗਹਿਲੋਤ ਜ਼ਿੰਦਾਬਾਦ ਦੇ ਨਾਅਰੇ ਵੀ ਲਗਾਏ। ਇਸ ਤੋਂ ਪਹਿਲਾਂ ਦਿਨ ਵਿਚ ਓਸੀਆਂ ਵਿਚ ਹਨੂੰਮਾਨ ਬੇਨੀਵਾਲ ਦੇ ਸਮਰਥਕਾਂ ਨੇ ਕਾਲੇ ਝੰਡੇ ਦਿਖਾਕੇ ਜ਼ਬਰਦਸਤ ਹੰਗਾਮਾ ਕੀਤਾ ਤਾਂ ਉਥੇ ਹੀ ਰਾਜਪੂਤ ਸਮਾਜ ਦੀ ਬੈਠਕ ਵਿਚ ਨਾ ਆਉਣ ਕਾਰਨ ਨਰਾਜ਼ ਲੋਕਾਂ ਨੇ ਹਾਈ - ਵੇ ਜਾਮ ਕਰ ਦਿੱਤਾ।  

ਪੀਪਾੜ ਦੇ ਰੰਗ ਮੰਚ ਤੋਂ ਸੰਬੋਧਨ ਹੋਣ ਦੇ ਦੌਰਾਨ ਹੀ ਗਹਿਲੋਤ ਸਮਰਥਕਾਂ ਨੇ ਨਾਅਰੇਬਾਜ਼ੀ ਕਰਨੀ ਸ਼ੁਰੂ ਕਰ ਦਿੱਤੀ। ਭੀੜ ਵਿੱਚੋਂ ਲੋਕਾਂ ਨੇ ਪੱਥਰ ਸੁੱਟ ਦਿੱਤੇ ਅਤੇ ਗੱਡੀਆਂ ਦੇ ਸ਼ੀਸ਼ੇ ਭੰਨ ਦਿੱਤੇ। ਮਹੌਲ ਗਰਮਾਉਣ ਤੋਂ ਬਾਅਦ ਰਾਜੇ ਨੇ ਸਭਾ ਖਤਮ ਕਰ ਦਿੱਤੀ ਅਤੇ ਜੋਧਪੁਰ ਏਅਰਪੋਰਟ ਉੱਤੇ ਚਾਰਟਰ ਮੰਗਵਾ ਲਿਆ। ਉਨ੍ਹਾਂ ਨੂੰ ਰਾਤ ਖੇਜੜਲਾ ਰੁਕਣਾ ਸੀ, ਪਰ ਉਹ ਜੈਪੁਰ ਲਈ ਨਿਕਲ ਗਈ। ਡੀਆਈਜੀ ਰਘਵਿੰਦਰ ਸੁਹਾਸਾ ਨੇ ਕਿਹਾ ਕਿ ਪੀਪਾੜ ਹੀ ਨਹੀਂ ਓਸੀਆਂ ਵਿਚ ਵੀ ਸਭਾ ਸ਼ਾਂਤੀਪੂਰਵਕ ਹੋਈ। ਪੀਪਾੜ ਵਿਚ ਨਾ ਕਿਸੇ ਨੂੰ ਪੱਥਰ ਵੱਜੇ, ਨਾ ਹੀ ਕਿਸੇ ਨੇ ਸੁੱਟਦੇ ਹੋਏ ਕਿਸੇ ਨੂੰ ਦੇਖਿਆ।

ਸਿਰਫ ਗੱਲਾਂ ਹੀ ਸੀ। ਕਾਰਕੇਡ ਵਿਚ ਸ਼ਾਮਿਲ ਕਿਸੇ ਗੱਡੀ ਦੇ ਵੀ ਸ਼ੀਸ਼ੇ ਨਹੀਂ ਫੁੱਟੇ। ਓਸੀਆਂ ਵਿਚ ਕੁੱਝ ਜਵਾਨਾਂ ਨੇ ਮੁੱਖ ਮੰਤਰੀ  ਦੇ ਪੁੱਜਣ ਤੋਂ ਅੱਧਾ ਘੰਟਾ ਪਹਿਲਾਂ ਹੰਗਾਮੇ ਦੀ ਕੋਸ਼ਿਸ਼ ਕੀਤੀ ਸੀ, ਉਨ੍ਹਾਂ ਨੂੰ ਖਦੇੜ ਦਿਤਾ ਸੀ। ਮੁਖ ਮੰਤਰੀ ਨੇ ਕਿਹਾ ਕਿ ਨਾਰੀ ਸ਼ਕਤੀ ਕਿਸੇ ਤੋਂ ਡਰਨ ਵਾਲੀ ਨਹੀਂ। ਕਾਂਗਰਸ ਦੇ ਇੱਕ ਵੱਡੇ ਨੇਤਾ ਦੇ ਇਸ਼ਾਰੇ 'ਤੇ ਰਾਜਸਥਾਨ ਗੌਰਵ ਯਾਤਰਾ 'ਤੇ ਪੱਥਰਬਾਜ਼ੀ ਹੋਈ, ਅਸੀ ਡਰਨ ਵਾਲੇ ਨਹੀਂ ਹਾਂ। ਉਨ੍ਹਾਂ ਕਿਹਾ ਕਿ ਨਿਕੰਮੇ ਲੋਕ ਇਸ ਤਰ੍ਹਾਂ ਦਾ ਕੰਮ ਕਰਦੇ ਹਨ, ਜਿਨ੍ਹਾਂ ਨੇ ਸੂਬੇ ਦੇ ਵਿਕਾਸ ਵਿਚ ਕੁੱਝ ਨਹੀਂ ਕੀਤਾ। ਉਹ ਇੱਕ ਔਰਤ ਨੂੰ ਡਰਾਉਣਾ ਚਾਹੁੰਦੇ ਹਨ।

ਸ਼ਾਇਦ ਉਹ ਭੁੱਲ ਰਹੇ ਹਨ ਕਿ ਨਾਰੀ ਸ਼ਕਤੀ ਕਿਸੇ ਤੋਂ ਡਰਨ ਵਾਲੀ ਨਹੀਂ ਹੈ, ਰਾਜਸਥਾਨ ਲਈ ਜੇਕਰ ਮੇਰੀ ਜਾਨ ਵੀ ਚਲੀ ਜਾਵੇ ਤਾਂ ਮੈਂ ਇਸ ਨੂੰ ਆਪਣੀ ਖੁਸ਼ਕਿਸਮਤੀ ਸਮਝਾਗੀ। ਯਾਤਰਾ ਦਾ ਦੂਜਾ ਦਿਨ ਲੋਹਾਵਟ ਤੋਂ ਸ਼ੇਰਗੜ ਵਿਧਾਨ ਸਭਾ ਲਈ ਸ਼ੁਰੂ ਹੋਇਆ ਅਤੇ ਦੇਚੂ ਵਿਚ ਵਿਰੋਧ ਦੀ ਸ਼ੁਰੂਆਤ ਹੋ ਗਈ। ਇਸ ਤੋਂ ਪਹਿਲਾਂ ਸ਼ੁੱਕਰਵਾਰ ਰਾਤ ਓਸੀਆਂ ਅਤੇ ਸ਼ੇਰਗੜ੍ਹ ਦੇ ਖੇਤਰਾਂ ਵਿਚ ਜਿੱਥੇ ਮੁੱਖ ਮੰਤਰੀ ਦੀਆਂ ਸਭਾਵਾਂ ਹੋਣੀਆਂ ਸੀ, ਉੱਥੇ ਲੱਗੇ ਪੋਸਟ ਪਾੜ ਦਿੱਤੇ ਗਏ ਸਨ।

ਮੁਖ ਮੰਤਰੀ ਜਦੋਂ ਸੇਖਾਲਾ ਵਿਚ ਪੰਚਾਇਤ ਕਮੇਟੀ ਦੇ ਭਵਨ ਪਹੁੰਚੀ, ਉਸ ਸਮੇਂ ਸੜਕਾਂ 'ਤੇ ਖੜੇ ਕਈ ਲੋਕਾਂ ਨੇ ਸ਼ੇਰਗੜ੍ਹ ਵਿਧਾਨ ਸਭਾ ਖੇਤਰ ਤੋਂ ਭਾਜਪਾ ਦਾ ਉਮੀਦਵਾਰ ਬਦਲਨ ਦੀਆਂ ਮੰਗਾਂ ਲਿਖੀਆਂ ਤਖਤੀਆਂ ਲਹਿਰਾਕੇ ਨਾਅਰੇਬਾਜ਼ੀ ਕੀਤੀ। ਸਥਾਨ ਤੋਂ ਇੱਕ ਕਿ ਮੀ ਦੂਰ ਖੜੇ ਤਕਰੀਬਨ ਡੇਢ ਸੌ ਲੋਕਾਂ ਨੇ ਵੀ ਅਜਿਹੀਆਂ ਹੀ ਤਖਤੀਆਂ ਦਿਖਾ ਕੇ ਨਾਅਰੇਬਾਜ਼ੀ ਕੀਤੀ। ਸਭ ਦੇ ਦੌਰਾਨ ਵੀ ਪੰਡਾਲ ਦੇ ਬਾਹਰ ਖੜੇ ਇਹ ਲੋਕ ਨਾਅਰੇਬਾਜ਼ੀ ਕਰਦੇ ਰਹੇ।