Trader 'Violates' Plastic Rule, Fined Rs 2 Lakh

ਨਵੀਂ ਦਿੱਲੀ: ਰਾਜਧਾਨੀ ਦਿੱਲੀ ਵਿਚ ਇਕ ਦੁਕਾਨਦਾਰ ਨੂੰ ਪਾਲੀਥੀਨ ਰੱਖਣ ‘ਤੇ 2 ਲੱਖ ਰੁਪਏ ਦਾ ਚਲਾਨ ਹੋ ਗਿਆ। ਦਿੱਲੀ ਦੀ ਰੋਹਤਕ ਰੋਡ ‘ਤੇ ਇਕ ਦੁਕਾਨ ਦੇ ਮਾਈਕ੍ਰੋਨ ਤੋਂ ਘੱਟੋ ਘੱਟ 18 ਕਿਲੋਗ੍ਰਾਮ ਪਲਾਸਟਿਕ ਜ਼ਬਤ ਕੀਤੀ ਹੈ। ਦੱਸ ਦਈਏ ਕਿ 100 ਕਿਲੋਗ੍ਰਾਮ ਤੱਕ ਪਲਾਸਟਿਕ ਰੱਖਣ ‘ਤੇ 2 ਲੱਖ ਰੁਪਏ ਦਾ ਚਲਾਨ ਕੀਤਾ ਜਾਂਦਾ ਹੈ ਅਤੇ ਇਸ ਤੋਂ ਜ਼ਿਆਦਾ ਕਿਲੋਗ੍ਰਾਮ ਦੀ ਪਲਾਸਟਿਕ ਰੱਖਣ ‘ਤੇ 5 ਲੱਖ ਰੁਪਏ ਦੇ ਚਲਾਨ ਦਾ ਨਿਯਮ ਹੈ।

ਦੱਸ ਦਈਏ ਕਿ ਬਜ਼ਾਰਾਂ ਵਿਚ ਬਿਨਾਂ ਕਿਸੇ ਡਰ ਤੋਂ ਵਰਤੀ ਜਾ ਰਹੀ ਪਲਾਸਟਿਕ ਦੇ ਲਿਫਾਫਿਆਂ ਨੂੰ ਨੁਕਸਾਨਦਾਇਕ ਮੰਨਦੇ ਹੋਏ ਨੈਸ਼ਨਲ ਗ੍ਰੀਨ ਟ੍ਰਿਬਿਊਨਲ ਨੇ 50 ਮਾਈਕ੍ਰੋਨ ਤੋਂ ਪਤਲੀ ਪਲਾਸਟਿਕ ਵੀ ਵਰਤੋਂ ‘ਤੇ ਪਾਬੰਦੀ ਲਗਾ ਦਿੱਤੀ ਸੀ। ਅਜਿਹੀ ਪਲਾਸਟਿਕ ਦੀ ਵਿਕਰੀ, ਸਟੋਰੇਜ਼ ਅਤੇ ਦੁਕਾਨਾਂ ਵਿਚ ਅਜਿਹੀ ਪਲਾਸਟਿਕ ‘ਤੇ ਰੋਕ ਲਗਾ ਦਿੱਤੀ ਗਈ ਸੀ।

ਦਿੱਲੀ ਦੇ ਦੁਕਾਨਦਾਰ ਪ੍ਰਧਾਨ ਮੰਤਰੀ ਦੇ ਸਿੰਗਲ ਯੂਜ਼ ਪਲਾਸਟਿਕ ਬੰਦ ਕੀਤੇ ਜਾਣ ਦੇ ਫ਼ੈਸਲੇ ਨੂੰ ਗੰਭੀਰਤਾ ਨਾਲ ਲੈ ਰਹੇ ਹਨ। ਕੁੱਝ ਦੁਕਾਨਦਾਰ ਪਲਾਸਟਿਕ ਦਾ ਬਚਿਆ ਹੋਇਆ ਸਟਾਕ ਖਤਮ ਕਰਨ ਵਿਚ ਲੱਗੇ ਹਨ ਅਤੇ ਪਲਾਸਟਿਕ ਦੀ ਥਾਂ ਕੱਪੜੇ ਦੀਆਂ ਥੈਲੀਆਂ ਦੇ ਆਰਡਰ ਵੀ ਦੇ ਚੁੱਕੇ ਹਨ। ਦੁਕਾਨਦਾਰ ਹੀ ਨਹੀਂ ਗ੍ਰਾਹਕ ਵੀ ਪਲਾਸਟਿਕ ਨੂੰ ਲੈ ਕੇ ਦਿੱਲੀ ਵਿਚ ਜਾਗਰੂਕ ਨਜ਼ਰ ਆ ਰਹੇ ਹਨ।

ਦੱਸ ਦਈਏ ਕਿ ਪਲਾਸਟਿਕ ਦੀ 43 ਫੀਸਦੀ ਵਰਤੋਂ ਪੈਕੇਜਿੰਗ ਲਈ ਕੀਤੀ ਜਾਂਦੀ ਹੈ। ਇਸ ਤੋਂ ਬਾਅਦ 21 ਫੀਸਦੀ ਬੁਨਿਆਦੀ ਢਾਂਚਾ (Infrastructure), ਆਟੋ ਸੈਕਟਰ ਵਿਚ 16 ਫੀਸਦੀ ਅਤੇ ਖੇਤੀ ਵਿਚ 2 ਫੀਸਦੀ ਵਰਤੋਂ ਹੁੰਦੀ ਹੈ। ਦੇਸ਼ ਵਿਚ ਹਰ ਵਿਅਕਤੀ ਲਗਭਗ 11 ਕਿਲੋ ਪਲਾਸਟਿਕ ਦੀ ਵਰਤੋਂ ਕਰਦਾ ਹੈ। ਜਦਕਿ ਦੁਨੀਆਂ ਵਿਚ ਇਸ ਦਾ ਔਸਤ 28 ਕਿਲੋ ਅਤੇ ਅਮਰੀਕਾ ਵਿਚ 109 ਕਿਲੋ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow ਕਰੋ।