ਨਵੀਂ ਦਿੱਲੀ: ਜਿਹੜੇ ਕਿਸਾਨ ਕੇਂਦਰ ਸਰਕਾਰ ਵੱਲੋਂ ਲਿਆਂਦੇ ਤਿੰਨ ਖੇਤੀਬਾੜੀ ਕਾਨੂੰਨਾਂ ਦਾ ਵਿਰੋਧ ਕਰ ਰਹੇ ਹਨ, ਉਹ ਹੁਣ ਬਾਬਾ ਰਾਮਦੇਵ ਨੂੰ ਆਰਥਿਕ ਝਟਕਾ ਦੇ ਸਕਦੇ ਹਨ। ਭਾਰਤੀ ਕਿਸਾਨ ਯੂਨੀਅਨ ਹਰਿਆਣਾ, ਗੁਰਨਾਮ ਸਿੰਘ ਚੜੂਨੀ ਨੇ ਪਤੰਜਲੀ ਉਤਪਾਦ ਦਾ ਬਾਈਕਾਟ ਕਰਨ ਦਾ ਐਲਾਨ ਕੀਤਾ ਹੈ। ਚੜੂਨੀ ਨੇ ਕਿਹਾ, “ਅਸੀਂ ਅਡਾਨੀ-ਅੰਬਾਨੀ ਦੇ ਨਾਲ ਪਤੰਜਲੀ ਦੇ ਉਤਪਾਦਾਂ ਦਾ ਬਾਈਕਾਟ ਕਰਨ ਦਾ ਫੈਸਲਾ ਕੀਤਾ ਹੈ, ਪਰ ਕਿਸੇ ਨਾਲ ਕੋਈ ਜ਼ਬਰਦਸਤੀ ਨਹੀਂ ਕੀਤੀ ਜਾਵੇਗੀ, ਕੋਈ ਦੁਕਾਨਾਂ ਜਾਂ ਪੈਟਰੋਲ ਪੰਪ ਬੰਦ ਨਹੀਂ ਕੀਤੇ ਜਾਣਗੇ।