Train 18

ਨਵੀਂ ਦਿੱਲੀ : ਦੇਸ਼ ਦੀ ਪਹਿਲੀ ਸੈਮੀ ਬੁਲੈਟ, Train-18 ਨੂੰ ਲੈ ਕੇ ਵੱਡੀ ਖ਼ਬਰ ਆਈ ਹੈ। ਰੇਲ ਮੰਤਰੀ ਪੀਊਸ਼ ਗੋਇਲ ਨੇ ਕਿ ਹਾ ਕਿ ਇਸ ਟ੍ਰੇਨ ਨੂੰ ਬੰਦੇ ਭਾਰਤ ਐਕਸਪ੍ਰੈਸ ਦੇ ਨਾਮ ਨਾਲ ਜਾਣਿਆ ਜਾਵੇਗਾ। ਇਸ ਡ੍ਰਾਇਵਰਲੈਸ ਟ੍ਰੇਨ ਦਾ ਨਿਰਮਾਣ ਮੇਕ ਇਨ ਇੰਡੀਆ ਦੇ ਅਧੀਨ ਅਪਣੇ ਦੇਸ਼ ਵਿਚ ਕੀਤਾ ਗਿਆ ਹੈ। ਦੇਸ਼ ਦੇ ਇੰਜੀਨੀਅਰਾਂ ਨੇ ਲਗਪਗ 18 ਮਹੀਨਿਆਂ ਵਿਚ ਇਸ ਟ੍ਰੇਨ ਨੂੰ ਤਿਆਰ ਕੀਤਾ ਹੈ। ਬਹੁਤ ਜਲਦ ਇਹ ਟ੍ਰੇਨ ਦਿੱਲੀ ਤੋਂ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਦੇ ਸੰਸਦੀ ਖੇਤਰ ਵਾਰਾਣਸੀ ਦੇ ਵਿਚਕਾਰ ਦੌੜ੍ਹਨ ਵਾਲੀ ਹੈ।

ਪੀਊਸ਼ ਗੋਇਲ ਨੇ ਕਿਹਾ ਕਿ ਇਸ ਟ੍ਰੇਨ ਨੇ ਸਾਬਤ ਕਰ ਦਿੱਤਾ ਹੈ ਕਿ ਮੇਕ ਇਸ ਇੰਡੀਆ ਦੇ ਅਧੀਨ ਵਿਸ਼ਵ ਕਲਾਸ ਟ੍ਰੇਨ ਬਣਾਈ ਜਾ ਸਕਦੀ ਹੈ। ਰੇਲਵੇ ਇਸ ਗੱਡੀ ਨੂੰ 7 ਫ਼ਰਵਰੀ ਨੂੰ ਚਲਾਉਣ ਦੀ ਤਿਆਰੀ ਕਰ ਰਿਹਾ ਹੈ। ਸੂਤਰਾਂ ਦੇ ਮੁਤਾਬਿਕ ਸਭ ਕੁਝ ਠੀਕ ਰਿਹਾ ਤਾਂ 7 ਫ਼ਰਵਰੀ ਨੂੰ ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਇਸ ਰੇਲਗੱਡੀ ਨੂੰ ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ਤੋਂ ਹਰੀ ਝੰਡੀ ਦਿਖਾ ਕੇ ਰਵਾਨਾ ਕਰਨਗੇ। ਵੀਰਵਾਰ ਨੂੰ ਹੋਈ ਸੀਨੀਅਰ ਰੇਲ ਅਧਿਕਾਰੀਆਂ ਦੀ ਇਕ ਬੈਠਕ ਵਿਚ 7 ਫ਼ਰਵਰੀ ਨੂੰ Train-18 ਨੂੰ ਚਲਾਉਣ ਨੂੰ ਲੈ ਕੇ ਤਿਆਰੀਆਂ ਪੂਰੀਆਂ ਕਰਨ ਨੂੰ ਕਿਹਾ ਗਿਆ ਹੈ।

ਨਵੀਂ ਦਿੱਲੀ ਰੇਲਵੇ ਸਟੇਸ਼ਨ ਦੇ ਪਲੇਟਫਾਰਮ ਨੰਬਰ ਇਕ ਉਤੇ ਮਾਰਬਲ ਲਗਾਉਣ ਦਾ ਕੰਮ ਚੱਲ ਰਿਹਾ ਹੈ। ਇਸ ਕੰਮ ਨੂੰ ਜਲਦ ਤੋਂ ਜਲਦ ਪੂਰਾ ਕਰਨ ਦੇ ਹੁਕਮ ਦਿੱਤੇ ਗਏ ਹਨ। ਇਸ ਟ੍ਰੇਨ ਨੂੰ ਚਲਾਉਣ ਲਈ ਕਮਿਸ਼ਨਰ ਰੇਲਵੇ ਸੇਫ਼ਟੀ ਨੇ ਮਮੂਲੀ ਸੁਧਾਰ ਕਰਨ ਲਈ ਕਿਹਾ ਸੀ। ਇਨ੍ਹਾਂ ਸੁਧਾਰਾਂ ਨੂੰ ਪੂਰਾ ਕਰਨ ਦਾ ਕੰਮ ਕੀਤਾ ਜਾ ਰਿਹਾ ਹੈ। Train-18 ਵਿਚ ਯਾਤਰਾ ਕਰਨ ਲਈ ਰੇਲ  ਯਾਤਰੀਆਂ ਨੂੰ ਜ਼ਿਆਦਾ ਪੈਸੇ ਖਰਚ ਕਰਨੇ ਹੋਣਗੇ। ਇਸ ਗੱਡੀ ਨੂੰ ਸ਼ਤਾਬਦੀ ਰੇਲਗੱਡੀ ਦੀ ਥਾਂ ਉਤੇ ਚਲਾਇਆ ਜਾਵੇਗਾ। ਪਰ ਇਸ ਗੱਡੀ ਦਾ ਕਿਰਾਇਆ ਸ਼ਤਾਬਦੀ ਰੇਲਗੱਡੀਆਂ ਤੋਂ ਜ਼ਿਆਦਾ ਹੋਵੇਗਾ। 

ਸ਼ਤਾਬਦੀ ਰੇਲਗੱਡੀਆਂ ਦੀ ਤੁਲਨਾ ਵਿਚ ਤੇਜ਼ ਰੇਲਗੱਡੀਆਂ ਦਾ ਕਿਰਾਇਆ ਕੀਤੇ ਜ਼ਿਆਦਾ ਹੈ। ਉਦਾਹਰਨ ਦੇ ਤੌਰ ਉਤੇ ਤੇਜ਼ ਰੇਲਗੱਡੀਆਂ ਤੋਂ ਦਿੱਲੀ ਤੋਂ ਆਗਰਾ ਤੱਕ ਦੀ ਯਾਤਰਾ ਦੇ ਲਈ ਯਾਤਰੀਆਂ ਨੂੰ ਚੇਅਰ ਕਾਰ ਸ਼੍ਰੇਣੀ ਵਿਚ ਲਗਪਗ 750 ਰੁਪਏ ਹੋਰ ਐਕਜ਼ੀਕਿਉਟਿਵ ਕਲਾਸ ਦੀ ਸ਼੍ਰੇਣੀ ਵਿਚ 1495 ਰੁਪਏ ਕਿਰਾਇਆ ਦੇਣਾ ਹੁੰਦਾ ਹੈ। ਤਾਂ ਤੁਹਾਨੂੰ ਚੇਅਰ ਕਾਰ ਸ਼੍ਰੇਣੀ ਦੇ ਲਈ 675 ਰੁਪਏ ਤੇ ਐਕਜ਼ੀਕਿਉਟਿਵ ਕਲਾਸ ਦੇ ਲਈ 1010 ਰੁਪਏ ਕਿਰਾਇਆ ਦੇਣਾ ਹੁੰਦਾ ਹੈ।