Google

ਨਵੀਂ ਦਿੱਲੀ: ਇੰਡੀਅਨ ਨਿਊਜ਼ ਸੁਸਾਇਟੀ (ਆਈਐਨਐਸ) ਨੇ ਗੂਗਲ ਨੂੰ ਕਿਹਾ ਕਿ ਭਾਰਤੀ ਅਖਬਾਰਾਂ ਦੀ ਸਮੱਗਰੀ ਦਾ ਇਸਤੇਮਾਲ ਕਰਨ ਦੇ ਲਈ ਉਹ ਉਨ੍ਹਾਂ ਨੂੰ ਭੁਗਤਾਨ ਕਰੇ ਅਤੇ ਕਿਹਾ ਕਿ ਕੰਪਨੀ ਦਾ ਇਸ਼ਤਿਹਾਰ ਲਗਾਉਣ ਦੀ ਹਿੱਸੇਦਾਰੀ ਵਧਾ ਕੇ 85 ਫ਼ੀਸਦੀ ਕਰੇ। ਗੂਗਲ ਨੂੰ ਲਿਖੇ ਪੱਤਰ ਵਿਚ ਆਈਐਨਐਸ ਦੇ ਪ੍ਰਧਾਨ ਐਲ. ਆਦਿਮੁਲਮ ਨੇ ਕਿਹਾ ਕਿ ਪ੍ਰਕਾਸ਼ਕਾਂ ਨੂੰ ਕਾਫ਼ੀ ਅਪਾਰਦਰਸ਼ੀ ਇਸ਼ਤਿਹਾਰ ਵਿਵਸਥਾ ਦਾ ਸਾਹਮਣਾ ਕਰਨਾ ਪੈ ਰਿਹਾ ਹੈ।

ਕਿਉਂਕਿ ਉਨ੍ਹਾਂ ਦੇ ਕੋਲ ਗੂਗਲ ਦੀ ਮਸ਼ਹੂਰੀ ਮੁੱਲ ਰਾਸ਼ੀ ਦਾ ਵੇਰਵਾ ਨਹੀਂ ਹੈ। ਆਈਐਨਐਸ ਨੇ ਗੂਗਲ ਨੂੰ ਭਾਰਤੀ ਅਖਬਾਰਾਂ ਵਿੱਚ ਛਪੀ ਖਬਰਾਂ ਦੇ ਉਪਯੋਗ ਨੂੰ ਲੈ ਕੇ ਵਿਆਪਕ ਰੂਪ ਤੋਂ ਰਾਸ਼ੀ ਦੇਣ ਅਤੇ ਮਸ਼ਹੂਰੀ ਤੋਂ ਪ੍ਰਾਪਤ ਪੈਸੇ ਦੇ ਮਾਮਲੇ ਵਿਚ ਬਣਦਾ ਹਿੱਸਾ ਦੇਣ ਲਈ ਕਿਹਾ ਹੈ। ਆਈਐਨਐਸ ਨੇ ਬਿਆਨ ਜਾਰੀ ਕਰ ਕਿਹਾ, ਸੁਸਾਇਟੀ ਨੇ ਕਿਹਾ ਕਿ ਗੂਗਲ ਨੂੰ ਇਸ਼ਤਿਹਾਰ ਮਾਲੀਆ ਵਿਚ ਪ੍ਰਕਾਸ਼ਤ ਦੀ ਹਿੱਸੇਦਾਰੀ ਵਧਾ ਕੇ 85 ਫ਼ੀਸਦੀ ਕਰਨੀ ਚਾਹੀਦੀ ਹੈ।

ਅਤੇ ਗੂਗਲ ਵੱਲੋਂ ਪ੍ਰਕਾਸ਼ਕਾਂ ਨੂੰ ਮੁਹੱਈਆ ਕਰਵਾਈ ਜਾਣ ਵਾਲੀ ਮਾਲੀਆ ਰਿਪੋਰਟ ਵਿਚ ਜ਼ਿਆਦਾ ਪਾਰਦਰਸ਼ਤਾ ਯਕੀਨਨ ਕਰਨੀ ਚਾਹੀਦੀ ਹੈ। ਸੁਸਾਇਟੀ ਨੇ ਕਿਹਾ ਕਿ ਪਿਛਲੇ ਕੁਝ ਸਾਲਾਂ ਤੋਂ ਦੁਨੀਆ ਭਰ ਦੇ ਪ੍ਰਕਾਸ਼ਕ ਵਿਸ਼ੇ ਦੇ ਲਈ ਉਚਿਤ ਭਗਤਾਨ ਅਤੇ ਗੂਗਲ ਦੇ ਨਾਲ ਇਸ਼ਤਿਹਾਰ ਮਾਲੀਆ ਵਿਚ ਉਚਿਤ ਸਾਝੇਦਾਰੀ ਦੀ ਮੰਗ ਕਰ ਰਹੇ ਹਨ। ਸੰਸਥਾ ਨੇ ਕਿਹਾ ਕਿ ਹਾਲ ਹੀ ‘ਚ ਗੂਗਲ ਨੇ ਪ੍ਰਾਂਸ, ਯੂਰਪੀ ਸੰਘ ਅਤੇ ਆਸਟ੍ਰੇਲੀਆ ਵਿਚ ਪ੍ਰਕਾਸ਼ਕਾਂ ਨੂੰ ਬਿਹਤਰ ਭੁਗਤਾਨ ਉਤੇ ਸਹਿਮਤੀ ਜਤਾਈ ਹੈ।

ਬਿਆਨ ਅਨੁਸਾਰ, ਅਖਬਾਰ ਜੋ ਖਬਰ ਪ੍ਰਕਾਸ਼ਤ ਕਰਦੇ ਹਨ, ਉਸ ਉਤੇ ਕਾਫ਼ੀ ਖਰਚਾ ਆਉਂਦਾ ਹੈ ਅਤੇ ਇਹ ਉਹੀ ਭਰੋਸੇਮੰਦ ਖਬਰਾਂ ਹਨ, ਜਿਸਨੇ ਗੂਗਲ ਨੂੰ ਸ਼ੁਰੂਆਤ ਤੋਂ ਹੀ ਭਰੋਸਮੰਦ ਬਣਾਇਆ ਹੈ। ਗੂਗਲ ਇੰਡੀਆ ਨੇ ਦੇਸ਼ ਵਿਚ ਪ੍ਰਬੰਧਕ ਸੰਜੇ ਗੁਪਤਾ ਨੂੰ ਲਿਖੇ ਪੱਤਰ ਵਿਚ ਆਈਐਨਐਸ ਨੇ ਕਿਹਾ, ਅਖਬਰਾਂ ਵਿਚ ਛਪੀਆਂ ਖਬਰਾਂ ਦੇ ਲਈ ਗੂਗਲ ਨੂੰ ਭੁਗਤਾਨ ਕਰਨਾ ਚਾਹੀਦਾ ਹੈ।

ਅਖਬਾਰ ਹਜਾਰਾਂ ਪੱਤਰਕਾਰਾਂ ਨੂੰ ਨਿਯੁਕਤ ਕਰਦੇ ਹਨ ਅਤੇ ਉਨ੍ਹਾਂ ਦੇ ਮਾਧੀਅਮ ਨਾਲ ਖਬਰਾਂ ਪ੍ਰਾਪਤ ਕਰਦੇ ਹਨ ਅਤੇ ਉਸਦੀ ਤਸਦੀਕ ਕਰਦੇ ਹਨ। ਇਸ ਵਿਚ ਕਾਫ਼ੀ ਖਰਚਾ ਆਉਂਦਾ ਹੈ। ਆਈਐਨਐਸ ਨੇ ਫਰੀਜ ਸੂਚਨਾ ਨਾਲ ਨਿਪਟਣ ਦੇ ਲਈ ਰਜਿਸਟਰਡ ਖਬਰ ਪ੍ਰਕਾਸ਼ਕਾਂ ਦੀ ਸੰਪਾਦਕੀ ਵਿਸ਼ੇ ਨੂੰ ਜ਼ਿਆਦਾ ਮਹੱਤਵ ਦੇਣ ਦਾ ਵੀ ਮੁੱਦਾ ਚੁੱਕਿਆ ਹੈ। ਆਈਐਨਐਸ ਵੱਲੋਂ ਇਹ ਬਿਆਨ ਫੇਸਬੁੱਕ ਅਤੇ ਗੂਗਲ ਵੱਲੋਂ ਖਬਰਾਂ ਦੇ ਇਸਤੇਮਾਲ ਨੂੰ ਲੈ ਕੇ ਆਸਟ੍ਰੇਲੀਆ ਵਿਚ ਲਿਆਏ ਗਏ ਇਕ ਕਾਨੂੰਨ ਤੋਂ ਬਾਅਦ ਆਇਆ ਹੈ।