File

ਦਿੱਲੀ- ਇਕ ਫਰਵਰੀ ਨੂੰ ਬਜਟ ਪੇਸ਼ ਹੋਵੇਗਾ। ਵਿੱਤ ਮੰਤਰੀ ਨਿਰਮਲਾ ਸੀਤਾਰਮਨ ਸਾਲ 2020-2021 ਦਾ ਬਜਟ ਪੇਸ਼ ਕਰਣਗੇ। ਇਸ ਬਜਟ ਦੌਰਾਨ ਕਈ ਵੱਡੇ ਐਲਾਨ ਕੀਤੇ ਜਾਣਗੇ। ਜਿਸ ਨਾਲ ਆਮ ਲੋਕਾਂ ਦੀ ਦੀਆਂ ਜੇਬਾਂ ਤੇ ਅਸਰ ਪੈ ਸਕਦਾ ਹੈ। ਇਸ ਤੋਂ ਇਲਾਵਾ ਬਜਟ ’ਚ ਬਹੁਤ ਕੁਝ ਬਦਲਾਅ ਹੋਵੇਗਾ ਜਿਸ ਬਾਰੇ ਤੁਹਾਡਾ ਜਾਣਨਾ ਜਰੂਰੀ ਹੈ। ਭਾਰਤੀ ਜੀਵਨ ਬੀਮਾ ਨਿਗਮ 31 ਜਨਵਰੀ 2020 ਤੋਂ ਬਾਅਦ 23 ਪਾਲਿਸੀ ਬੰਦ ਕਰ ਰਹੀ ਹੈ। ਜਿਸ ਕਾਰਨ ਇਕ ਫਰਵਰੀ ਤੋਂ ਤੁਹਾਨੂੰ LIC ਦੀ ਪਾਲਿਸੀਆ ਮਿਲਣੀਆਂ ਬੰਦ ਹੋ ਜਾਣਗੀਆਂ। 

ਨਵੰਬਰ 2019 ਦੇ ਆਖਿਰ ‘ਚ ਬੀਮਾ ਰੈਗੂਲੇਟਰੀ ਅਤੇ ਵਿਕਾਸ ਅਥਾਰਟੀ ਆਫ ਇੰਡੀਆ ਨੇ ਜੀਵਨ ਬੀਮਾ ਕੰਪਨੀਆਂ ਨੂੰ ਉਨ੍ਹ ਜੀਵਨ ਬੀਮਾ ਅਤੇ ਰਾਇਡਰਸ ਨੂੰ ਬੰਦ ਕਰਨ ਲਈ ਕਿਹਾ ਸੀ ਜੋ ਨਵੇਂ ਪ੍ਰੋਡਕਟਸ ਗਾਈਡਲਾਇਸ ਦੇ ਮੁਤਾਬਿਕ ਨਹੀਂ ਸੀ। ਇਸ ਦੀ ਤਰੀਕ ਪਹਿਲਾਂ 30 ਨਵੰਬਰ 2019 ਸੀ ਜਿਸ ਨੂੰ 31 ਜਨਵਰੀ ਤੱਕ ਵਧਾਇਆ ਗਿਆ ਸੀ। ਇਕ ਫਰਵਰੀ ਤੋਂ ਪੁਰਾਣੇ ਐਂਡਰਾਇਡ ਅਤੇ ਆਈਓਐਸ ਓਪਰੇਟਿੰਗ ਸਿਸਟਮ ਵਾਲੇ ਸਮਾਰਟਫੋਨ ’ਚ WhatsApp ਸਪੋਰਟ ਨਹੀਂ ਕਰੇਗਾ। 

WhatsApp ਨੇ ਪਿਛਲੇ ਸਾਲ ਇਸ ਬਾਰੇ ਐਲਾਨ ਕਰਦੇ ਹੋਏ ਕਿਹਾ ਸੀ ਕਿ ਇਕ ਫਰਵਰੀ 2020 ਤੋਂ IOS8 ਅਤੇ ਇਸਦੇ ਪੁਰਾਣੇ ਵਰਜਨ ’ਚ  WhatsApp  ਨਹੀਂ ਚਲੇਗਾ। ਜਿਸਦੇ ਕਾਰਨ ਉਪਭੋਗਤਾ WhatsApp ’ਤੇ ਨਵਾਂ ਅਕਾਉਂਟ ਨਹੀਂ ਬਣਾ ਪਾਉਣਗੇ ਤੇ ਨਾ ਹੀ ਆਪਣੇ ਅਕਾਉਂਟ ਨੂੰ ਵੇਰੀਫਾਈ ਕਰ ਪਾਉਣਗੇ। 1 ਫਰਵਰੀ 2020 ਨੂੰ ਮੋਦੀ ਸਰਕਾਰ ਆਪਣਾ ਬਜਟ ਪੇਸ਼ ਕਰੇਗੀ ਜਿਸ ਦਾ ਅਸਰ ਆਮ ਲੋਕਾਂ ਦੀ ਜੇਬਾਂ ਤੇ ਦੇਖਣ ਨੂੰ ਮਿਲੇਗਾ। ਦੱਸਿਆ ਜਾ ਰਿਹਾ ਹੈ ਕਿ ਸਰਕਾਰ ਘਰੇਲੂ ਇੰਡਸਟ੍ਰੀ ਨੂੰ ਬੂਸਟ ਦੇਣ ਦੇ ਲਈ ਘੱਟੋ ਘੱਟੋ 50 ਆਇਟਮ ਤੇ ਇੰਪੋਰਟ ਡਿਉਟੀ ਵਧਾ ਸਕਦੀ ਹੈ। 

ਜੇਕਰ ਸਰਕਾਰ ਬਜਟ ’ਚ ਇੰਪੋਰਟ ਡਿਉਟੀ ਵਧਾਉਣ ਦਾ ਫੈਸਲਾ ਕਰਦੀ ਹੈ ਤਾਂ ਫਿਰ ਇਲੈਕਟ੍ਰਾਨਿਕਸ, ਇਲੈਕਟ੍ਰਿਕਲ ਵਸਤੂਆਂ, ਰਸਾਇਣ ਅਤੇ ਹੈਂਡੀਕ੍ਰਾਫਟ ਆਇਟਮ ਮਹਿੰਗੇ ਹੋ ਸਕਦੇ ਹਨ। ਮੋਬਾਇਲ ਫੋਨ ਚਾਰਜਰ ਇੰਡਸਟ੍ਰੀਅਲ ਕੇਮਿਕਲ, ਲੈਂਪ ਲਕੜੀ ਦੇ ਫਰਨੀਚਰ, ਕੈਂਡਲ, ਆਰਟੀਫਿਸ਼ੀਅਲ ਗਹਿਣੇ ਤੇ ਹੈਂਡੀਕ੍ਰਾਫਟ ਆਇਟਮ ਮਹਿੰਗੇ ਹੋ ਸਕਦੇ ਹਨ। ਇਸ ਦੇ ਨਾਲ ਹੀ ਮੋਬਾਇਲ ਕੀਮਤਾਂ ’ਚ ਇਜਾਫਾ ਹੋ ਸਕਦਾ ਹੈ। 1 ਫਰਵਰੀ ਨੂੰ ਪੇਸ਼ ਹੋਣ ਵਾਲਾ ਬਜਟ ਦਾ ਅਸਰ ਰਸੋਈ ਤੇ ਵੀ ਪੈ ਸਕਦਾ ਹੈ। 

ਬਜਟ ’ਚ ਰਸੋਈ ਗੈਸ ਦੇ ਰੇਟਾਂ ‘ਚ ਬਦਲਾਅ ਹੁੰਦਾ ਹੈ, ਤਾਂ ਇਸ ਦੇ ਨਾਲ ਹੀ ਏਅਰ ਟਰਬਾਇਨ ਫਿਉਲ ਦੀਆਂ ਕੀਮਤਾਂ ਵੀ ਬਦਲਣਗੀਆਂ। ਅੰਤਰਰਾਸ਼ਟਰੀ ਪੱਧਰ ਤੇ ਗੈਸ ਦੀ ਕੀਮਤਾਂ ’ਚ ਬਦਲਾਅ ਦਾ ਅਸਰ ਘਰੇਲੂ ਬਾਜਾਰ ’ਤੇ ਹੁੰਦਾ ਹੈ। ਹਰ ਇਕ ਮਹੀਨੇ ਦੀ ਪਹਿਲਾ ਤਰੀਕ ਨੂੰ ਰਸੋਈ ਅਤੇ ਹਵਾਈ ਤੇਲ ਦੇ ਰੇਟ ਬਦਲਦੇ ਹਨ। ਆਪਣੀਆਂ ਮੰਗਾਂ ਨੂੰ ਲੈਕੇ ਦੇਸ਼ਭਰ ’ਚ ਬੈਂਕ ਮੁਲਾਜ਼ਮ  1 ਫਰਵਰੀ ਤੋਂ ਹੜਤਾਲ ਤੇ ਰਹਿਣਗੇ। ਵਿੱਤ ਮੰਤਰੀ ਵੱਲੋਂ ਜਿਸ ਦਿਨ ਬਜਟ ਪੇਸ਼ ਕੀਤਾ ਜਾਵੇਗਾ ਉਸ ਦਿਨ ਵੀ ਬੈਂਕ ਮੁਲਾਜ਼ਮ ਹੜਤਾਲ ਤੇ ਰਹਿਣਗੇ।