Bhopal : Lady lawyer dies due to heart failure

ਭੋਪਾਲ : ਭੋਪਾਲ ਦੀ ਜ਼ਿਲ੍ਹਾ ਅਦਾਲਤ 'ਚ ਸ਼ੁਕਰਵਾਰ ਨੂੰ ਇਕ ਮਹਿਲਾ ਵਕੀਲ ਨੂੰ ਦਿਲ ਦਾ ਦੌਰਾ ਪੈਣ ਕਾਰਨ ਮੌਤ ਹੋ ਗਈ। ਵਕੀਲ ਦਾ ਨਾਂ ਬਸੰਤਾ ਗਿਡਵਾਨੀ ਦੱਸਿਆ ਜਾ ਰਿਹਾ ਹੈ।

ਲਗਭਗ 20 ਮਿੰਟ ਤਕ ਅਦਾਲਤ 'ਚ ਐਂਬੁਲੈਂਸ ਦਾ ਇੰਤਜਾਰ ਕੀਤਾ ਗਿਆ, ਪਰ ਜਦੋਂ ਐਂਬੁਲੈਂਸ ਨਾ ਪੁੱਜੀ ਤਾਂ ਵਕੀਲ ਨੂੰ ਇਕ ਨਿੱਜੀ ਵਾਹਨ 'ਚ ਹਸਪਤਾਲ ਲਿਆਜਾਇਆ ਗਿਆ, ਜਿਥੇ ਡਾਕਟਰਾਂ ਨੇ ਉਸ ਨੂੰ ਮ੍ਰਿਤਕ ਐਲਾਨ ਦਿੱਤਾ।

ਜਾਣਕਾਰੀ ਮੁਤਾਬਕ ਬਸੰਤਾ ਦੀ ਅਦਾਲਤ ਅੰਦਰ ਸਿਹਤ ਵਿਗੜ ਗਈ ਅਤੇ ਉਸ ਨੇ ਛਾਤੀ 'ਚ ਦਰਦ ਦੀ ਸ਼ਿਕਾਇਤ ਕੀਤੀ। ਇਸ ਮਗਰੋਂ ਉਥੇ ਮੌਜੂਦ ਲੋਕਾਂ ਨੇ 108 ਨੰਬਰ 'ਤੇ ਐਂਬੂਲੈਂਸ ਸੇਵਾ ਲਈ ਕਾਲ ਕੀਤੀ। ਇਸ ਦੌਰਾਨ ਉਨ੍ਹਾਂ ਨੇ ਵਕੀਲ ਨੂੰ ਬੈਂਚ 'ਤੇ ਲਿਟਾ ਦਿੱਤਾ। ਕਾਫ਼ੀ ਦੇਰ ਤਕ ਜਦੋਂ ਐਂਬੁਲੈਂਸ ਨਾ ਆਈ ਤਾਂ ਉਸ ਨੂੰ ਨਿੱਜੀ ਵਾਹਨ ਤੋਂ ਹਸਪਤਾਲ ਪਹੁੰਚਾਇਆ ਗਿਆ।