ਉੱਤਰ ਪ੍ਰਦੇਸ਼ (ਭਾਸ਼ਾ) :- ਇਕ ਪਿਤਾ ਹਮੇਸ਼ਾ ਅਪਣੇ ਪੁੱਤਰ ਨੂੰ ਅਸ਼ੀਰਵਾਦ ਦਿੰਦਾ ਹੈ ਪਰ ਜਦੋਂ ਇਕ ਪਿਤਾ ਆਪਣੇ ਬੇਟੇ ਨੂੰ ਸੈਲਿਊਟ ਕਰੇ ਤਾਂ ਉਸ ਨੂੰ ਜ਼ਿਆਦਾ ਫਖਰ ਮਹਿਸੂਸ ਹੁੰਦਾ ਹੋਵੇਗਾ। ਅਜਿਹਾ ਹੀ ਕੁੱਝ ਹੋਣ ਜਾ ਰਿਹਾ ਹੈ ਉੱਤਰ ਪ੍ਰਦੇਸ਼ ਦੀ ਰਾਜਧਾਨੀ ਲਖਨਊ ਵਿਚ, ਜਿੱਥੇ ਇਕ ਕਾਂਸਟੇਬਲ ਪਿਤਾ ਆਪਣੇ ਆਈਪੀਐਸ ਬੇਟੇ ਨੂੰ ਗਰਵ ਨਾਲ ਸੈਲਿਊਟ ਕਰੇਗਾ। ਆਈਪੀਐਸ ਅਨੂਪ ਕੁਮਾਰ ਸਿੰਘ ਦੀ, ਜਿਨ੍ਹਾਂ ਦਾ ਟਰਾਂਸਫਰ ਹੁਣ ਲਖਨਊ ਵਿਚ ਹੋ ਗਿਆ ਹੈ ਅਤੇ ਉਨ੍ਹਾਂ ਦੇ ਖੇਤਰ ਵਿਚ ਉਹ ਥਾਣਾ ਆਉਂਦਾ ਹੈ, ਜਿੱਥੇ ਉਨ੍ਹਾਂ ਦੇ ਪਿਤਾ ਜਨਾਰਦਨ ਸਿੰਘ ਕਾਂਸਟੇਬਲ ਦੇ ਅਹੁਦੇ 'ਤੇ ਤੈਨਾਤ ਹਨ। ਲਖਨਊ ਪੋਸਟਿੰਗ ਹੋਣ ਤੋਂ ਬਾਅਦ ਜਨਾਰਦਨ ਸਿੰਘ ਆਪਣੇ ਪੁੱਤਰ ਦੇ ਹੇਠਾਂ ਕੰਮ ਕਰਣਗੇ।

ਸੂਤਰਾਂ ਮੁਤਾਬਿਕ ਕਾਂਸਟੇਬਲ ਜਨਾਰਦਨ ਸਿੰਘ ਗਰਵ ਨਾਲ ਕਹਿੰਦੇ ਹਨ, ਮੈਂ ਆਨ ਡਿਊਟੀ ਆਪਣੇ ਕਪਤਾਨ ਨੂੰ ਸੈਲਿਊਟ ਕਰਾਂਗਾ, ਉਥੇ ਹੀ ਪੁੱਤਰ ਅਨੂਪ ਸਿੰਘ ਨੇ ਕਿਹਾ ਫਰਜ ਨਿਭਾਉਣ ਲਈ ਮੈਂ ਪ੍ਰੋਟੋਕਾਲ ਦਾ ਪਾਲਣ ਕਰਾਂਗਾ। ਅਨੂਪ ਸਿੰਘ ਨੇ ਦੱਸਿਆ ਉਨ੍ਹਾਂ ਨੇ ਆਪਣੇ ਪਿਤਾ ਤੋਂ ਫਰਜ ਅਤੇ ਸੰਸਕਾਰ ਸਿੱਖੇ ਹਨ। ਦੱਸ ਦਈਏ ਕਿ ਲਖਨਊ ਆਉਣ ਤੋਂ ਪਹਿਲਾਂ ਉਹ ਗਾਜਿਆਬਾਦ, ਨੋਏਡਾ ਅਤੇ ਉਂਨਾਵ ਵਿਚ ਏਐਸਪੀ ਰਹਿ ਚੁੱਕੇ ਹਨ। ਉਨ੍ਹਾਂ ਨੇ ਇਲਾਹਾਬਾਦ ਯੂਨੀਵਰਸਿਟੀ ਤੋਂ ਗ੍ਰੈਜੂਏਸ਼ਨ ਕੀਤਾ ਸੀ ਅਤੇ ਉਸ ਤੋਂ ਬਾਅਦ ਜੇਐਨਯੂ ਤੋਂ ਪੜਾਈ ਕੀਤੀ।

ਪੜਾਈ ਕਰਨ ਤੋਂ ਬਾਅਦ ਅਨੂਪ ਨੇ ਸਿਵਲ ਸਰਵਿਸੇਜ ਦੀ ਤਿਆਰੀ ਕੀਤੀ ਅਤੇ ਪਹਿਲੀ ਵਾਰ ਵਿਚ ਹੀ ਉਨ੍ਹਾਂ ਨੇ ਯੂਪੀਐਸਸੀ ਸਿਵਲ ਸਰਵਿਸੇਜ ਦੀ ਪਰੀਖਿਆ ਪਾਸ ਕੀਤੀ। ਉਸ ਤੋਂ ਬਾਅਦ ਉਹ ਆਈਪੀਐਸ ਬਣੇ। ਜਨਾਰਦਨ ਸਿੰਘ ਮੂਲ ਰੂਪ ਤੋਂ ਬਸਤੀ ਦੇ ਨਗਰ ਥਾਣਾ ਖੇਤਰ ਦੇ ਪਿਪਰਾ ਗੌਤਮ ਪਿੰਡ ਦੇ ਰਹਿਣ ਵਾਲੇ ਹਨ। ਨੌਕਰੀ ਦੇ ਸਿਲਸਿਲੇ ਵਿਚ ਵੱਖ - ਵੱਖ ਜ਼ਿਲਿਆਂ ਵਿਚ ਰਹੇ। ਸੂਤਰਾਂ ਅਨੁਸਾਰ ਜੇਐਨਯੂ ਵਿਚ ਚੰਗੇ ਅੰਕ ਪਾਉਣ 'ਤੇ ਅਨੂਪ ਨੂੰ ਸਕਾਲਰਸ਼ਿਪ ਮਿਲਦੀ ਸੀ ਅਤੇ ਆਪਣੇ ਸੀਮਿਤ ਖਰਚ ਦੇ ਚਲਦੇ ਮਨਾ ਕਰਨ ਤੋਂ ਬਾਅਦ ਵੀ ਉਹ ਸਕਾਲਰਸ਼ਿਪ ਦੇ ਰੁਪਏ ਵੀ ਘਰ ਭੇਜ ਦਿੰਦੇ ਸਨ। ਹੁਣ ਉਹ ਸਰਕਾਰੀ ਬੰਗਲੇ ਵਿਚ ਰਹਿਣਗੇ।