ਤੇਲੰਗਾਨਾ ਵਿਚ ਮੋਦੀ ਦੀ ਯੋਜਨਾ ਉਤੇ ਰਾਹੁਲ ਗਾਂਧੀ ਨੇ ਮੰਗੇ ਵੋਟ?
ਤੇਲੰਗਾਨਾ ਵਿਚ ਵਿਧਾਨਸਭਾ ਦੀਆਂ 119 ਸੀਟਾਂ ਲਈ 7 ਦਸੰਬਰ ਨੂੰ ਹੋਣ ਵਾਲੇ ਪੋਲ....
ਨਵੀਂ ਦਿੱਲੀ (ਭਾਸ਼ਾ): ਤੇਲੰਗਾਨਾ ਵਿਚ ਵਿਧਾਨਸਭਾ ਦੀਆਂ 119 ਸੀਟਾਂ ਲਈ 7 ਦਸੰਬਰ ਨੂੰ ਹੋਣ ਵਾਲੇ ਪੋਲ ਵਿਚ ਕੁਝ ਹੀ ਦਿਨ ਬਾਕੀ ਹਨ। ਅਜਿਹੇ ਵਿਚ ਸਾਰੀਆਂ ਪਾਰਟੀਆਂ ਜਮਕੇ ਪ੍ਰਚਾਰ ਕਰ ਰਹੀਆਂ ਹਨ। ਇਸ ਸਮੇਂ ਵਿਚ ਕਾਂਗਰਸ ਪ੍ਰਧਾਨ ਰਾਹੁਲ ਗਾਂਧੀ ਨੇ ਮਹਬੂਬ ਨਗਰ ਵਿਚ ਚੁਨਾਵੀ ਜਨ ਸਭਾ ਨੂੰ ਸੰਬੋਧਿਤ ਕੀਤਾ। ਇਸ ਦੌਰਾਨ ਰਾਹੁਲ ਗਾਂਧੀ ਨੇ ਤੇਲੰਗਾਨਾ ਦੀ ਜਨਤਾ ਨਾਲ ਕਈ ਵੱਡੇ ਵਾਅਦੇ ਕੀਤੇ। ਕਾਂਗਰਸ ਪ੍ਰਧਾਨ ਨੇ ਐਲਾਨ ਕਰਦੇ ਹੋਏ ਕਿਹਾ ਕਿ ਰਾਜ ਵਿਚ ਕਾਂਗਰਸ ਸਰਕਾਰ ਬਣਨ ਤੋਂ ਬਾਅਦ ਹਰ ਕਿਸੇ ਨੂੰ 5 ਲੱਖ ਰੁਪਏ ਤੱਕ ਦਾ ਮੁਫ਼ਤ ਇਲਾਜ ਕੀਤਾ ਜਾਵੇਗਾ।
ਅਜਿਹੇ ਵਿਚ ਬਹੁਤ ਸਵਾਲ ਉਠਦਾ ਹੈ ਕਿ ਕਾਂਗਰਸ ਪ੍ਰਧਾਨ ਕੇਂਦਰ ਦੀ ਮੋਦੀ ਸਰਕਾਰ ਦੀ ਆਉਸ਼ਮਾਨ ਭਾਰਤ ਯੋਜਨਾ ਦੀ ਤਰਜ ਉਤੇ ਰਾਜ ਵਿਚ ਇਸੇ ਤਰ੍ਹਾਂ ਦੀ ਇਕ ਹੋਰ ਯੋਜਨਾ ਸ਼ੁਰੂ ਕਰਨਾ ਚਾਹੁੰਦੀ ਹੈ। ਦਰਅਸਲ ਆਉਸ਼ਮਾਨ ਯੋਜਨਾ ਨਾਲ ਜੁੜੇ ਕੁਝ ਪਹਿਲੂਆਂ ਨੂੰ ਲੈ ਕੇ ਰਾਜ ਸਰਕਾਰ ਅਤੇ ਕੇਂਦਰ ਦੇ ਵਿਚ ਟੱਕਰ ਸੀ। ਜਿਸ ਵਜ੍ਹਾ ਨਾਲ ਤੇਲੰਗਾਨਾ ਸਰਕਾਰ ਨੇ ਇਸ ਯੋਜਨਾ ਨੂੰ ਲਾਗੂ ਕਰਨ ਤੋਂ ਇਨਕਾਰ ਕਰ ਦਿਤਾ ਸੀ। ਉਹ ਫਿਲਹਾਲ ਅਪਣੀ ਸਿਹਤ ਯੋਜਨਾ ਆਰੋਗਅਸ਼ਰੀ ਨੂੰ ਹੀ ਲਾਗੂ ਰੱਖਣ ਦਾ ਐਲਾਨ ਕੀਤਾ ਸੀ।
ਦੱਸ ਦਈਏ ਕਿ ਕਾਂਗਰਸ ਪ੍ਰਧਾਨ ਨੇ ਕਿਹਾ ਕਿ 5 ਸਾਲ ਪਹਿਲਾਂ ਤੇਲੰਗਾਨਾ ਦੀ ਜਨਤਾ ਨੇ ਇਕ ਨਵੇਂ ਤੇਲੰਗਾਨਾ ਦਾ ਸੁਪਨਾ ਦੇਖਿਆ ਸੀ ਅਤੇ ਅੱਜ ਤੁਸੀਂ ਇਥੋਂ ਦੇ ਝੰਡੇ ਨੂੰ ਦੇਖੋ ਤਾਂ ਤੇਜੀ ਨਾਲ ਹਵਾ ਚੱਲ ਰਹੀ ਹੈ। ਇਹ ਜੋ ਹਵਾ ਕਾਂਗਰਸ ਪਾਰਟੀ ਦੀ ਅਤੇ ਸਾਡੇ ਗੰਢ-ਜੋੜ ਦੀ ਹਵਾ ਹੈ ਉਹ ਕੇ.ਸੀ.ਆਰ ਨੂੰ ਹਟਾਉਣ ਦੀ ਹਵਾ ਹੈ। ਇਸ ਦੌਰਾਨ ਰਾਹੁਲ ਗਾਂਧੀ ਦੇ ਭਾਸ਼ਣ ਨੂੰ ਰੈਲੀ ਵਿਚ ਮੌਜੂਦ ਲੋਕ ਸਮਝ ਸਕੇ ਇਸ ਦੇ ਲਈ ਇਸ ਦਾ ਤੇਲਗੂ ਵਿਚ ਅਨੁਵਾਦਨ ਵੀ ਕੀਤਾ ਜਾ ਰਿਹਾ ਸੀ ਅਤੇ ਕਾਂਗਰਸ ਪ੍ਰਧਾਨ ਦੇ ਭਾਸ਼ਣ ਦਾ ਜੋ ਅਨੁਵਾਦ ਕਰ ਰਿਹਾ ਸੀ ਉਹ ਅਪਣੇ ਆਪ ਮਹਬੂਬਨਗਰ ਤੋਂ ਕਾਂਗਰਸ ਪ੍ਰਤਿਆਸ਼ੀ ਹੈ।
ਰਾਹੁਲ ਗਾਂਧੀ ਨੇ ਕਿਹਾ ਕਿ ਅੱਜ ਹਰ ਜਵਾਨ ਨੂੰ ਪਤਾ ਹੈ ਕਿ ਕੇ.ਸੀ.ਆਰ ਨੇ ਤੇਲੰਗਾਨਾ ਦੇ ਲੋਕਾਂ ਨੂੰ ਧੋਖਾ ਦਿਤਾ। ਜਨਤਾ ਜਾਣਦੀ ਹੈ ਕਿ ਜੋ ਸੁਪਨਾ ਦੇਖਿਆ ਸੀ ਉਹ ਪੂਰਾ ਨਹੀਂ ਹੋ ਸਕਿਆ। ਜਦੋਂ ਸਰਕਾਰ ਬਣੀ ਸੀ ਤੁਹਾਡੇ ਉਤੇ ਕਰਜ ਨਹੀਂ ਸੀ। 17 ਹਜਾਰ ਕਰੋੜ ਦਾ ਸਰਪਲਸ ਸੀ ਅਤੇ ਅੱਜ ਤੇਲੰਗਾਨਾ ਉਤੇ 2 ਲੱਖ ਕਰੋੜ ਦਾ ਕਰਜ ਹੈ। ਹਰ ਪਰਵਾਰ ਉਤੇ 2 ਲੱਖ ਰੁਪਏ ਤੋਂ ਜ਼ਿਆਦਾ ਦਾ ਕਰਜ ਹੈ। ਤੇਲੰਗਾਨਾ ਦੇ ਹਰ ਨਾਗਰਿਕ ਉਤੇ 60 ਹਜਾਰ ਦਾ ਕਰਜ ਹੈ। ਇਥੋਂ ਦੇ ਹਰ ਸ਼ਖਸ ਉਤੇ ਕਰਜ ਹੈ ਪਰ ਸੀ.ਐਮ ਦੇ ਬੇਟੇ ਦੀ ਜਾਇਦਾਦ ਵਿਚ ਵਾਧਾ ਹੋ ਰਿਹਾ ਹੈ।