File

ਜੇ ਤੁਸੀਂ ਫੂਡ ਐਪ ਜ਼ੋਮੈਟੋ ਦੇ ਟਵਿੱਟਰ ਅਕਾਉਂਟ 'ਤੇ ਪ੍ਰੋਫਾਈਲ ਫੋਟੇ ਦੇਖਦੇ ਹੋ, ਤਾਂ ਤੁਸੀਂ ਇਸ ਡਿਲੀਵਰੀ ਕਰਨ ਵਾਲੇ ਸੋਨੂੰ ਦੀ ਤਸਵੀਰ ਵੇਖੋਗੇ। ਜ਼ੋਮੈਟੋ ਨੇ ਆਪਣੇ ਟਵਿੱਟਰ ਅਕਾਊਂਟ 'ਤੇ ਇਕ ਤਸਵੀਰ ਦੇ ਨਾਲ ਇਕ ਪੋਸਟ ਵੀ ਸ਼ੇਅਰ ਕੀਤੀ ਹੈ। ਜਿਸ ਵਿਚ ਲਿਖਿਆ ਹੈ ਕਿ ਇਹ ਹੁਣ ਹੈਪੀ ਰਾਈਡਰ ਫੈਨ ਅਕਾਉਂਟ ਹੋ ਗਿਆ ਹੈ। 

ਜੇ ਤੁਸੀਂ ਹੈਪੀ ਰਾਈਡਰ ਤੋਂ ਕੰਨਫਿਊਜ਼ ਹੋ ਰਹੇ ਹੋਂ ਤਾਂ ਤੁਹਾਨੂੰ ਦੱਸ ਦਈਏ ਕਿ ਇਸ ਵਿਚ ਹੈਪੀ ਰਾਈਡਰ ਸੋਨੂੰ ਹੈ। ਜੋ ਜੋਮਾਟੋ ਵਿਚ ਖਾਣੇ ਦੀ ਸਪੁਰਦਗੀ ਲਈ ਕੰਮ ਕਰਦਾ ਹੈ। ਇੰਨਾ ਹੀ ਨਹੀਂ, ਸੋਨੂੰ ਦੇ ਮਾਸੂਮ ਜੇ ਚਿਹਰੇ ਅਤੇ ਉਸ ਦੀ ਮੁਸਕਾਨ ਦੇ ਲੋਕ  ਦਿਵਾਨੇ ਹੋ ਰਹੇ ਹਨ। ਦਰਅਸਲ ਸੋਨੂੰ ਦੀ ਟਿਕਟੋਕ ਵੀਡੀਓ ਸੋਸ਼ਲ ਮੀਡੀਆ 'ਤੇ ਕਾਫੀ ਵਾਇਰਲ ਹੋ ਰਹੀ ਹੈ। 

ਸਭ ਤੋਂ ਪਹਿਲਾਂ ਸੋਨੂੰ ਦੇ ਵੀਡੀਓ ਨੂੰ ਟਿਕਟੋਕ ਯੂਜ਼ਰ @danishansari81 ਨੇ ਸ਼ੇਅਰ ਕੀਤਾ ਸੀ। ਜਿਸ ਤੋਂ ਬਾਅਦ ਇਹ ਸੋਸ਼ਲ ਮੀਡੀਆ 'ਤੇ ਤੇਜ਼ੀ ਨਾਲ ਵਾਇਰਲ ਹੋ ਗਈ। ਸੋਨੂੰ ਦੀ ਮੁਸਕਰਾਹਟ LAY'S ਦੇ ਕਵਰ 'ਤੇ ਪਾ ਦਿੱਤੀ ਗਈ ਹੈ। ਵੀਡੀਓ 'ਚ ਜ਼ਿਆਦਾਤਰ ਲੋਕ ਸੋਨੂੰ ਦੀ ਭੋਲੀ ਜੇਹੀ ਸੂਰਤ ਅਤੇ ਮੁਸਕਰਾਹਟ ਦੇ ਦਿਵਾਨੇ ਹੋ ਰਹੇ ਹਨ।

 

 

ਵੀਡੀਓ ਵਿਚ ਜਦੋਂ ਸੋਨੂੰ ਨੂੰ ਪੁੱਛਿਆ ਗਿਆ ਕਿ ਤੁਸੀਂ ਕਿੰਨੀ ਕਮਾਈ ਕਰਦੇ ਹੋ ਤਾਂ ਸੋਨੂੰ ਨੇ ਕਿਹਾ ਕਿ ਉਹ ਹਰ ਰੋਜ਼ 12 ਘੰਟੇ ਕੰਮ ਕਰਦਾ ਹੈ ਅਤੇ 350 ਰੁਪਏ ਕਮਾਉਂਦਾ ਹੈ। ਇਸ ਵਿਚ ਇੰਸਐਂਟਿਵਸ ਵੀ ਸ਼ਾਮਲ ਹੁੰਦੇ ਹਨ। ਇਸ ਤੋਂ ਇਲਾਵਾ ਸੋਨੂੰ ਨੇ ਕਿਹਾ ਕਿ ਜੋ ਆਰਡਰ ਰੱਦ ਕੀਤਾ ਜਾਂਦਾ ਹੈ, ਉਹ ਕੰਪਨੀ ਸਾਨੂੰ ਖਾਣ ਲਈ ਦਿੰਦੀ ਹੈ। 

ਟਵਿੱਟਰ 'ਤੇ ਲੋਕ ਸੋਨੂੰ ਦੀ ਮੁਸਕਾਨ ਨੂੰ ਸਭ ਤੋਂ ਪਿਆਰੀ ਮੁਸਕਾਨ ਦੱਸ ਰਹੇ ਹਨ। ਉਸੇ ਸਮੇਂ ਕੁਝ ਉਪਭੋਗਤਾ ਜ਼ੋਮੈਟੋ ਤੋਂ ਸਾਰੇ ਰਾਈਡਰਸ ਦੀ ਤਨਖਾਹ ਵਧਾਉਣ ਦੀ ਮੰਗ ਕਰ ਰਹੇ ਹਨ। ਇਸ ਤੋਂ ਇਲਾਵਾ ਸੋਨੂੰ ਦੀ ਮੁਸਕਾਨ ਨੂੰ ਦੇਖਦੇ ਹੋਏ ਪੈਪਸਿਕੋਂ ਨੇ ਵੀ ਸੋਸ਼ਲ ਮੀਡੀਆ 'ਤੇ ਆਪਣੇ ਸਮਾਇਲ ਦੇ ਕੇ ਦੇਖੋਂ ਕੈਂਪੇਨ ਵਿਚ ਸੋਨੂੰ ਦੀ ਸਮਾਇਲ ਨੂੰ ਸ਼ਾਮਲ ਕਰ ਲਿਆ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।