Online food order zomato swiggy ubereats hike food delivery charges

ਨਵੀਂ ਦਿੱਲੀ: ਜੇ ਤੁਸੀਂ ਵੀ ਆਨਲਾਈਨ ਖਾਣਾ ਮੰਗਵਾ ਕੇ ਖਾਣ ਦੇ ਸ਼ੌਕੀਨ ਹੋ ਤਾਂ ਇਹ ਖ਼ਬਰ ਤੁਹਾਡੇ ਲਈ ਬੇਹੱਦ ਮਹੱਤਵਪੂਰਨ ਹੈ ਕਿਉਂ ਕਿ ਫੂਡ ਡਿਲਵਰੀ ਐਪ ਜ਼ੋਮੈਟੋ ਅਤੇ ਸਵਿਗੀ ਨੇ ਪਿਛਲੇ ਮਹੀਨੇ ਵਿਚ ਡਿਲਵਰੀ ਫੀਸ ਵਧਾ ਦਿੱਤੀ ਹੈ। ਇਕ ਮੀਡੀਆ ਰਿਪੋਰਟ ਮੁਤਾਬਕ ਇਹਨਾਂ ਕੰਪਨੀਆਂ ਨੇ ਡਾਇਨੇਮਿਕ ਡਿਸਕਾਉਂਟਿੰਗ ਵੀ ਸ਼ੁਰੂ ਕੀਤੀ ਹੈ।

ਇਸ ਤੋਂ ਇਲਾਵਾ ਉਹਨਾਂ ਨੇ ਆਰਡਰ ਕੈਂਸਿਲ ਕਰਨ ਨਾਲ ਜੁੜੇ ਨਿਯਮ ਵੀ ਸਖ਼ਤਤ ਕਰ ਦਿੱਤੇ ਹਨ। ਨਾਲ ਹੀ ਅਪਣੇ ਲਾਇਲਿਟੀ ਪ੍ਰੋਗਰਾਮ ਦੀ ਕੀਮਤ ਵੀ ਵਧਾ ਦਿੱਤੀ ਹੈ। ਤੁਹਾਨੂੰ ਦਸ ਦਈਏ ਕਿ ਬੀਤੇ ਹਫ਼ਤੇ ਜ਼ੋਮੈਟੋ ਨੇ ਫੂਡ ਡਿਲਵਰੀ ਕੰਪਨੀ ਉਬਰ ਈਟਸ ਨੇ ਭਾਰਤੀ ਕਾਰੋਬਾਰ ਨੂੰ ਖਰੀਦ ਲਿਆ ਹੈ। ਇਸ ਡੀਲ ਤਹਿਤ ਉਬਰ ਨੂੰ ਜ਼ੋਮੈਟੋ ਦੇ 9.99 ਫ਼ੀਸਦੀ ਸ਼ੇਅਰ ਮਿਲੇ ਹਨ। ਜ਼ੋਮੈਟੋ ਦੇ ਵੈਲਿਊਏਸ਼ਨ ਦੇ ਹਿਸਾਬ ਨਾਲ ਇੰਨੇ ਸ਼ੇਅਰ ਦੀ ਕੀਮਤ ਕਰੀਬ 2500 ਕਰੋੜ ਰੁਪਏ ਹੋਣ ਦਾ ਅਨੁਮਾਨ ਹੈ।

ਉਬਰ ਨੇ ਘਾਟੇ ਦੀ ਵਜ੍ਹਾ ਕਰ ਕੇ ਫੂਡ ਜ਼ੋਮੈਟੋ ਦਾ ਮਾਰਕਿਟ ਸ਼ੇਅਰ 50 ਫ਼ੀਸਦੀ ਤੋਂ ਜ਼ਿਆਦਾ ਹੋ ਜਾਵੇਗਾ। ਮੌਜੂਦਾ ਸਮੇਂ ਵਿਚ ਸਵਿਗੀ 48 ਫ਼ੀਸਦੀ ਸ਼ੇਅਰ ਦੇ ਨਾਲ ਪਹਿਲੇ ਨੰਬਰ ਤੇ ਹੈ। ਜ਼ੋਮੈਟੋ ਨੇ ਆਨ ਟਾਈਮ ਆਰ ਫ੍ਰੀ ਡਿਲਵਰੀ ਸ਼ੁਰੂ ਕੀਤੀ ਹੈ। ਇਸ ਦਾ ਮਤਲਬ ਇਹ ਹੈ ਕਿ ਜੇ ਕੋਈ ਗਾਹਕ ਰੈਸਟੋਰੈਂਟ ਨੂੰ 10 ਰੁਪਏ ਵਧ ਦਿੰਦਾ ਹੈ ਤਾਂ ਤੈਅ ਸਮੇਂ ਵਿਚ ਡਿਲਵਰੀ ਨਾ ਹੋਣ ਤੇ ਫ੍ਰੀ ਆਰਡਰ ਦਿੱਤਾ ਜਾਵੇਗਾ।

ਇਕ ਮੀਡੀਆ ਰਿਪੋਰਟ ਮੁਤਾਬਕ ਜਿਵੇਂ ਹੀ ਇਹਨਾਂ ਕੰਪਨੀਆਂ ਨੇ ਛੋਟ ਘਟਾਈ ਹੈ ਨਾਲ ਦੇ ਨਾਲ ਆਰਡਰਸ ਦੀ ਗਿਣਤੀ ਵੀ ਡਿੱਗ ਪਈ ਹੈ। ਜ਼ੋਮੈਟੋ ਦੇ ਮਾਮਲੇ ਵਿਚ ਅਕਤੂਬਰ ਤੋਂ ਹਰ ਮਹੀਨੇ ਆਰਡਰ ਵੈਲਿਊਮ ਵਿਚ 5-6 ਫ਼ੀਸਦੀ ਕਮੀ ਆਉਣ ਦਾ ਅਨੁਮਾਨ ਹੈ। ਸਵਿਗੀ ਦੇ ਮਾਮਲੇ ਵਿਚ ਦਸੰਬਰ ਵਿਚ ਇੰਨੀ ਹੀ ਕਮੀ ਦਾ ਅਨੁਮਾਨ ਹੈ।

ਅਜਿਹਾ ਇਹਨਾਂ ਪਲੇਟਫਾਰਮਾਂ ਦੀ ਸਖ਼ਤ ਕੀਤੀਆਂ ਗਈਆਂ ਨੀਤੀਆਂ ਕਾਰਨ ਹੋਇਆ ਹੈ। ਉਸ ਨੇ ਅਪਣੇ ਗੋਲਡ ਮੈਂਬਰਸ਼ਿਪ ਲਈ ਕੀਮਤਾਂ ਵੀ ਵਧਾਈਆਂ ਹਨ। ਨਾਲ ਹੀ ਚੈਕਅਪ ਤੇ ਕ੍ਰਾਸ-ਸੈਲਿੰਗ ਸ਼ੁਰੂ ਕੀਤੀ ਹੈ ਤਾਂ ਕਿ ਸਾਈਡ ਆਫਰਿੰਗਸ ਦੁਆਰਾ ਐਵਰੇਜ ਆਰਡਰ ਵੈਲਿਊ ਵਧਾਈ ਜਾਵੇ।  

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook ਤੇ ਲਾਈਕ Twitter  ਤੇ follow  ਕਰੋ।