Prime minister narendra modi in uttar pradesh prayagraj chitrakoot

ਨਵੀਂ ਦਿੱਲੀ: ਪ੍ਰਧਾਨ ਮੰਤਰੀ ਨਰਿੰਦਰ ਮੋਦੀ ਸ਼ਨੀਵਾਰ ਨੂੰ ਉੱਤਰ ਪ੍ਰਦੇਸ਼ ਦੇ ਦੋ ਜ਼ਿਲ੍ਹਿਆਂ ਦੇ ਦੌਰੇ ਤੇ ਹਨ। ਪ੍ਰਯਾਗਰਾਜ ਵਿਚ ਹੋਣ ਵਾਲੇ ਦੋ ਦਿਨ ਦੇ ਮਹਾਂਕੁੱਭ ਵਿਚ ਪ੍ਰਧਾਨ ਮੰਤਰੀ ਇਕੋ ਸਮੇਂ ਵਿਚ 26,791 ਅਪਾਹਜਾਂ ਅਤੇ ਬਜ਼ੁਰਗਾਂ ਨੂੰ ਉਪਕਰਣ ਵੰਡਣਗੇ। ਸਰਕਾਰ ਦਾ ਦਾਅਵਾ ਹੈ ਕਿ ਉਪਕਰਣ ਵਿਤਰਣ ਦੌਰਾਨ 6 ਵਰਲਡ ਰਿਕਾਰਡ ਵੀ ਬਣਨਗੇ। ਇਸ ਤੋਂ ਬਾਅਦ ਪ੍ਰਧਾਨ ਮੰਤਰੀ ਚਿੱਤਰਕੁੱਟ ਜਾਣਗੇ ਜਿੱਥੇ 297 ਕਿਮੀ ਲੰਬੇ ਬੁੰਦੇਲਖੰਡ ਐਕਸਪ੍ਰੈਸ ਵੇ ਦਾ ਨੀਂਹ ਪੱਥਰ ਰੱਖਣਗੇ।

ਚਿੱਤਰਕੁੱਟ ਤੋਂ ਹੀ ਪੂਰੇ ਦੇਸ਼ ਵਿਚ 10,000 ਕਿਸਾਨ ਉਤਪਾਦਕ ਸੰਗਠਨ ਵੀ ਸ਼ੁਰੂ ਕਰਨਗੇ। ਲੋਕ ਸਭਾ ਚੋਣਾਂ ਤੋਂ ਬਾਅਦ ਦੋਵੇਂ ਜ਼ਿਲ੍ਹਿਆਂ ਵਿਚ ਮੋਦੀ ਦਾ ਇਹ ਪਹਿਲਾ ਦੌਰਾ ਹੋਵੇਗਾ। 360 ਤੋਂ ਜ਼ਿਆਦਾ ਲਾਭਪਾਤਰੀਆਂ ਨੂੰ ਇਕੱਠੇ ਵਹੀਲਚੇਅਰ ਚਲਾਉਣਗੇ। ਸਰਕਾਰ ਦਾ ਦਾਅਵਾ ਹੈ ਕਿ ਅਮਰੀਕਾ ਦਾ ਰਿਕਾਰਡ ਟੁੱਟੇਗਾ। ਵਿਸ਼ਵ ਦੀ ਸਭ ਤੋਂ ਲੰਬੀ ਟ੍ਰਾਈ ਸਾਇਕਲ ਪ੍ਰੇਡ ਹੋਵੇਗੀ ਜਿਸ ਵਿਚ 295 ਲਾਭਾਪਾਰਤੀ ਸ਼ਾਮਲ ਹਨ।

ਇਸ ਦਾ ਕੋਈ ਵਰਤਮਾਨ ਰਿਕਾਰਡ ਨਹੀਂ ਹੈ। ਵਾਰਕਸ ਦੀ ਸਭ ਤੋਂ ਲੰਬੀ ਪਰੇਡ ਹੋਵੇਗੀ। ਇਸ ਦਾ ਵੀ ਮੌਜੂਦਾ ਸਮੇਂ ਵਿਚ ਰਿਕਾਰਡ ਨਹੀਂ ਹੈ। 8 ਘੰਟਿਆਂ ਵਿਚ ਸਭ ਤੋਂ ਜ਼ਿਆਦਾ 4900 ਤੋਂ ਜ਼ਿਆਦਾ ਕੰਨਾਂ ਦੀ ਮਸ਼ੀਨ ਫਿਟ ਕਰਨ ਦਾ ਰਿਕਾਰਡ। ਇਹ ਰਿਕਾਰਡ ਵਰਤਮਾਨ ਵਿਚ ਸਟਾਰਕੀ ਫਾਉਂਡੇਸ਼ਨ ਦੇ ਨਾਮ  ਹੈ। 2000 ਲਾਭਪਾਤਰੀਆਂ ਨੂੰ ਸੰਕੇਤਕ ਭਾਸ਼ਾ ਵਿਚ ਪਾਠ ਕਰਨ ਦਾ ਉਪਕਰਨ ਵੰਡਣ ਦਾ ਰਿਕਾਰਡ ਬਣੇਗਾ।

12 ਘੰਟਿਆਂ ਵਿਚ ਸਭ ਤੋਂ ਜ਼ਿਆਦਾ ਟ੍ਰਾਈ ਸਾਇਕਲ ਵੰਡਣ ਦਾ ਰਿਕਾਰਡ ਵੀ ਮੋਦੀ ਦੀ ਮੌਜੂਦਗੀ ਵਿਚ ਬਣੇਗੀ। ਸ਼ਨੀਵਾਰ ਨੂੰ ਪ੍ਰਯਾਗਰਾਜ ਨੂੰ ਇਕ ਸਾਲ ਦੇ ਅੰਦਰ-ਅੰਦਰ 11 ਵਰਲਡ ਰਿਕਾਰਡ ਬਣਾਉਣ ਦਾ ਮੌਕਾ ਮਿਲੇਗਾ। ਇਸ ਤੋਂ ਪਹਿਲਾਂ ਤਿੰਨ ਵਿਸ਼ਵ ਰਿਕਾਰਡ ਪਿਛਲੇ ਛੇ ਕੁੰਭ ਮੇਲੇ ਦੌਰਾਨ ਬਣ ਚੁੱਕੇ ਹਨ। ਕੁੰਭ ਮੇਲੇ ਦੌਰਾਨ ਬਹੁਤੀਆਂ ਸ਼ਟਲ ਬੱਸਾਂ ਚਲਾਉਣ, ਸਫ਼ਾਈ ਅਤੇ ਕੰਧ ਚਿੱਤਰਕਾਰੀ ਦਾ ਵਿਸ਼ਵ ਰਿਕਾਰਡ ਬਣਾਇਆ ਗਿਆ।

ਉਸ ਤੋਂ ਬਾਅਦ, ਪੌਦੇ ਵੰਡਣ ਅਤੇ ਡੀਪੀਐਸ ਸਕੂਲ ਵਿੱਚ ਮਿਲ ਕੇ ਵਿਹਾਰਕ ਵੰਡ ਦਾ ਰਿਕਾਰਡ ਸੀ। ਡੀਐਮ ਭਾਨੁਚੰਦਰ ਗੋਸਵਾਮੀ ਨੇ ਦਸਿਆ ਕਿ ਪ੍ਰਯਾਗਰਾਜ ਵਿਚ ਪੀਐਮ ਦਾ ਪ੍ਰੋਗਰਾਮ ਪ੍ਰੇਡ ਗ੍ਰਾਉਂਡ ਵਿਚ ਹੈ। ਵੱਖ-ਵੱਖ ਥਾਵਾਂ ਤੋਂ 1500 ਤੋਂ ਵਧ ਬੱਸਾਂ ਰਾਹੀਂ ਅਪਾਹਜਾਂ ਅਤੇ ਬਜ਼ੁਰਗਾਂ ਨੂੰ ਲਿਆਇਆ ਗਿਆ ਹੈ। ਉਪਕਰਣ ਮੁਹੱਈਆ ਕਰਵਾਉਣ ਦੀ ਜ਼ਿੰਮੇਵਾਰੀ ਐਲਿਮਕੋ ਨੂੰ ਮਿਲੀ ਹੈ। ਪਰੰਪਰਾਗਤ ਉਪਕਰਣਾਂ ਤੋਂ ਇਲਾਵਾ ਐਲਿਮਕੋ ਇਸ ਵਾਰ 19 ਪ੍ਰਕਾਰ ਦੇ ਵਧ ਉਪਕਰਣ ਵੰਡੇ ਜਾਣਗੇ।

ਵਹੀਲਚੇਅਰ ਵਿਚ ਕਮੋਡ, ਸਟਿੱਕ ਵਿਚ ਸੀਟ, ਫੁਟਕੇਅਰ ਕਿਟ ਸ਼ਾਮਲ ਹੈ। ਪ੍ਰਧਾਨ ਮੰਤਰੀ ਦੀ ਸੁਰੱਖਿਆ ਵਿਚ 6 ਆਈਪੀਐਸ ਅਫ਼ਸਰ, 15 ਏਐਸਪੀ, 30 ਡਿਪਟੀ ਐਸਪੀ, 100 ਇੰਸਪੈਕਟਰ ਅਤੇ 200 ਤੋਂ ਜ਼ਿਆਦਾ ਸਬ ਇੰਸਪੈਕਟਰ, ਢਾਈ ਹਜ਼ਾਰ ਸਿਪਾਹੀਆਂ ਤੋਂ ਇਲਾਵਾ ਦੋ ਬੰਬ ਡਿਸਪੋਜ਼ਲ ਸਕਵਾਡ ਅਤੇ ਛੇ ਐਂਟੀ ਸਬੋਟਾਜ ਚੈਕ ਟੀਮ ਤੈਨਾਤੀ ਹੋਵੇਗੀ। 10 ਹਜ਼ਾਰ ਤੋਂ ਜ਼ਿਆਦਾ ਅਧਿਕਾਰੀਆਂ ਅਤੇ ਕਰਮਚਾਰੀਆਂ ਦੀ ਡਿਊਟੀ ਲਗਾਈ ਗਈ ਹੈ।

ਪ੍ਰੋਗਰਾਮ ਸਥਾਨ ਨੂੰ ਪਾਲੀਥੀਨ ਮੁਕਤ ਜੋਨ ਐਲਾਨ ਕੀਤਾ ਗਿਆ ਹੈ। ਮੋਦੀ ਅੱਜ ਚਿੱਤਰਕੁੱਟ ਵਿਚ ਗੋਂਡਾ ਪਿੰਡ ਵਿਚ ਬੁੰਦੇਲਖੰਡ ਐਕਸਪ੍ਰੈਸ-ਵੇ ਦਾ ਨੀਂਹ ਪੱਥਰ ਰੱਖਣਗੇ। ਇਹ ਐਕਸਪ੍ਰੈਸ ਵੇ ਚਾਰ ਲਾਈਨ ਦਾ ਹੋਵੇਗਾ, ਜਿਸ ਦਾ ਵਿਸਥਾਰ ਛੇ ਲਾਈਨਾਂ ਤਕ ਕੀਤਾ ਜਾ ਸਕਦਾ ਹੈ। ਐਕਸਪ੍ਰੈਸ ਵੇ ਚਿਤਰਕੁਟ, ਬਾਂਦਾ, ਮਹੋਬਾ, ਹਮੀਰਪੁਰ, ਜਾਲੌਨ, ਉਰਈ ਅਤੇ ਹਟਾਵਾ ਜ਼ਿਲ੍ਹੇ ਤੋਂ ਹੋ ਕੇ ਲੰਘਦੇ ਹੋਏ ਆਗਰਾ ਐਕਸਪ੍ਰੈਸ ਵੇ ਨਾਲ ਜੁੜੇਗੀ।

6 ਪੈਕੇਜ ਵਿਚ ਬਣਨ ਵਾਲੇ ਐਕਸਪ੍ਰੈਸ ਵੇ ਦੀ ਲਾਗਤ ਕਰੀਬ 15 ਹਜ਼ਾਰ ਕਰੋੜ ਰੁਪਏ ਆਵੇਗੀ। ਤਿੰਨ ਸਾਲ ਵਿਚ ਇਹ ਬਣ ਕੇ ਤਿਆਰ ਹੋਵੇਗੀ। ਇਸ ਦੇ ਕਿਨਾਰੇ ਡਿਫੈਂਸ ਲਾਂਘਾ ਵੀ ਵਿਕਸਿਤ ਹੋਵੇਗਾ। ਯੂਪੀਡਾ ਨੇ ਡਿਫੈਂਸ ਕੋਰੀਡੋਰ ਲਈ ਜ਼ਮੀਨ ਵੀ ਹਾਸਲ ਕਰ ਲਈ ਹੈ। ਇਸ ਵਿਚ ਚਾਰ ਰੇਲਵੇ ਪੁਲ, 15 ਵੱਡੇ ਬ੍ਰਿਜ, 268 ਛੋਟੇ ਬਰਿੱਜ, ਛੇ ਟੌਲ ਪਲਾਜ਼ਾ, 18 ਫਲਾਈਓਵਰ ਅਤੇ 214 ਅੰਡਰਪਾਸ ਹੋਣਗੇ।  

 Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।