ITBP ਦੇ ਜਵਾਨ ਨੇ ਕਰੋਨਾ ਤੇ ਗਾਇਆ ਗੀਤ, ਲੋਕਾਂ ਕਰ ਰਹੇ ਨੇ ਖੂਬ ਪਸੰਦ
। ਇਸ ਗੀਤ ਨੂੰ ਗੀਤ ਦੇ ਨਿਰਮਾਤਾ ਮਨੋਜ਼ ਮੁੰਤਾਸ਼ਿਰ ਨੇ ਲਿਖਿਆ ਹੈ ਅਤੇ ਜਿਸ ਤੋਂ ਬਾਅਦ ਆਈ.ਟੀ.ਬੀ.ਪੀ ਦੇ ਵੱਲੋਂ ਇਸ ਨੂੰ ਕੰਪੋਜ਼ ਕੀਤਾ ਗਿਆ ਹੈ।
ਭਾਰਤ-ਤਿਬਤ ਸੀਮਾ ਪੁਲਿਸ (ITBP) ਦੇ ਇਕ ਜਵਾਨ ਹੱਡ ਕਾਂਸਟੇਬਲ ਅਰਜੁਨ ਖਰਿਆਲ ਨੇ ਅਕਸ਼ੈ ਕੁਮਾਰ ਦੀ ਫਿਲਮ ਕੇਸਰੀ ਦੇ ਗੀਤ ‘ਤੇਰੀ ਮਿੱਟੀ’ ਦਾ ਇਕ ਵੱਖਰਾ ਰੂਪ ਪੇਸ਼ ਕਰਦਿਆਂ ਇਸ ਨੂੰ ਦੇਸ਼ ਦੇ ਜਵਾਨਾਂ ਨੂੰ ਸਮਰਪਿਤ ਕੀਤਾ ਹੈ। ਇਸ ਗੀਤ ਵਿਚ ਅਰਜੁਨ ਨੇ ITBP ਦੀ ਕਰੋਨਾ ਨਾਲ ਚਲ ਰਹੀ ਲੜਾਈ ਨੂੰ ਸ਼ਬਦਾਂ ਵਿਚ ਬਿਆਨ ਕੀਤਾ ਹੈ। ਇਹ ਗੀਤ ਉਨ੍ਹਾਂ ਸਾਰੇ ਪੁਲਿਸ ਕਰਮੀਆਂ, ਸਿਹਤ ਕਰਮੀਆਂ ਅਤੇ ਸੁਰੱਖਿਆ ਬਲਾਂ ਨੂੰ ਸਮਰਪਿਤ ਕੀਤਾ ਹੈ ਜਿਹੜੇ ਕਿ ਦਿਨ ਰਾਤ ਕਰੋਨਾ ਨਾਲ ਚੱਲ ਰਹੀ ਲੜਾਈ ਵਿਚ ਲੱਗੇ ਹੋਏ ਹਨ।
ਦੱਸ ਦੱਈਏ ਕਿ ITBP ਨੇ ਕਰੋਨਾ ਦੇ ਦੇਸ਼ ਵਿਚ ਪੈਰ ਪਸਾਰਨ ਤੋਂ ਪਹਿਲਾਂ ਹੀ ਨਵੀਂ ਦਿੱਲੀ ਛਾਉਂਣੀ ਵਿਚ ਹਜ਼ਾਰ ਬੈਂਡ ਵਾਲਾ ਕੁਆਰੰਟੀਨ ਸੈਂਟਰ ਤਿਆਰ ਕਰ ਦਿੱਤਾ ਸੀ। ਇਸ ਵਿਚ 1200 ਲੋਕਾਂ ਨੂੰ ਅਲੱਗ-ਅਲੱਗ ਦਲਾਂ ਵਿਚੋਂ ਇਥੇ ਕੁਆਰੰਟੀਨ ਕਰਕੇ ਰੱਖਿਆ ਗਿਆ ਸੀ । ਕੁਆਰੰਟੀਨ ਕੀਤੇ ਗਏ ਲੋਕਾਂ ਵਿਚ ਵਿਚ 7 ਮਿਤਰ ਦੇਸ਼ਾਂ ਦੇ 42 ਨਾਗਰਿਕ ਵੀ ਸ਼ਾਮਿਲ ਸਨ। ਇਨ੍ਹਾਂ ਵਿੱਚੋਂ ਬਹੁਤੇ ਲੋਕ ਵੁਹਾਨ, ਚੀਨ ਅਤੇ ਮਿਲਾਨ ਅਤੇ ਰੋਮ, ਇਟਲੀ ਤੋਂ ਲਿਆਂਦੇ ਗਏ ਸਨ।
ਦੱਸ ਦੱਈਏ ਕਿ ਆਈ.ਟੀ.ਬੀ.ਪੀ ਨੇ ਆਪਣੇ ਸਰੋਤਾਂ ਤੋਂ ਨਾ ਸਿਰਫ ਪੀਪੀਈ ਕਿੱਟਾਂ ਅਤੇ ਮਾਸਕ ਤਿਆਰ ਕੀਤੇ ਹਨ, ਬਲਕਿ ਬਹੁਤ ਸਾਰੀਆਂ ਸੰਸਥਾਵਾਂ ਨੂੰ ਮੁਫਤ ਵੰਡੀਆਂ ਹਨ। ਆਈ.ਟੀ.ਬੀ.ਪੀ ਨੇ ਦੇਸ਼ ਦੇ ਦੂਰ ਦੁਰਾਡੇ ਇਲਾਕਿਆਂ ਵਿੱਚ ਲੌਕਡਾਊਨ ਦੀਆਂ ਸਥਿਤੀਆਂ ਵਿੱਚ ਲੋਜਿਸਟਿਕਸ ਨੂੰ ਜਾਰੀ ਰੱਖਣ ਅਤੇ ਜ਼ਰੂਰੀ ਵਸਤਾਂ ਦੀ ਸਪਲਾਈ ਵਿੱਚ ਸਹਾਇਤਾ ਕੀਤੀ ਹੈ। ਨਾਲ ਹੀ, ਭੋਜਨ ਅਤੇ ਹੋਰ ਸਮਾਨ ਵੀ ਹਜ਼ਾਰਾਂ ਲੋਕਾਂ ਨੂੰ ਉਪਲਬਧ ਕਰਾਇਆ ਗਿਆ ਹੈ।
ਜ਼ਿਕਰਯੋਗ ਹੈ ਕਿ ਇਹ ਗਾਣਾ ਭਾਵਨਾਤਮਕ, ਰਾਸ਼ਟਰੀ ਪਿਆਰ ਅਤੇ ਆਤਮ ਵਿਸ਼ਵਸ਼ ਦੀ ਝਲਕ ਦਿੰਦਾ ਹੈ। ਜੋ ਕਿ ਆਈ.ਟੀ.ਬੀ.ਪੀ ਦੇ ਸਮੇਤ ਕੇਂਦਰੀ ਬਲਾਂ ਦੀ ਭਾਵਨਾ ਅਤੇ ਰਾਸ਼ਟਰੀ ਸੰਕਟ ਸਮੇਂ ਉਨ੍ਹਾਂ ਦੀ ਹਿੰਮਤ ਅਤੇ ਕੁਰਬਾਨੀ ਨੂੰ ਯਾਦ ਕਰਵਾਉਂਦਾ ਹੈ। ਇਸ ਗੀਤ ਨੂੰ ਗੀਤ ਦੇ ਨਿਰਮਾਤਾ ਮਨੋਜ਼ ਮੁੰਤਾਸ਼ਿਰ ਨੇ ਲਿਖਿਆ ਹੈ ਅਤੇ ਜਿਸ ਤੋਂ ਬਾਅਦ ਆਈ.ਟੀ.ਬੀ.ਪੀ ਦੇ ਵੱਲੋਂ ਇਸ ਨੂੰ ਕੰਪੋਜ਼ ਕੀਤਾ ਗਿਆ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।