ਝਾਰਖੰਡ : ਧਨਬਾਦ ਵਿਚ ਖੰਭੇ ਲਗਾਉਣ ਦੌਰਾਨ ਹਾਦਸਾ, 5 ਠੇਕਾ ਮਜ਼ਦੂਰਾਂ ਦੀ ਕਰੰਟ ਲੱਗਣ ਕਾਰਨ ਮੌਤ

ਧਨਬਾਦ: ਜ਼ਿਲ੍ਹੇ ਵਿਚ ਇੱਕ ਵੱਡਾ ਹਾਦਸਾ ਵਾਪਰਿਆ ਹੈ। ਹਾਦਸੇ ਵਿਚ 5 ਠੇਕਾ ਮਜ਼ਦੂਰਾਂ ਦੀ ਮੌਤ ਹੋ ਗਈ ਹੈ। ਇਹ ਹਾਦਸਾ ਕਟਰਸ ਸਟੇਸ਼ਨ ਤੋਂ ਕਰੀਬ ਇੱਕ ਕਿਲੋਮੀਟਰ ਦੂਰ ਸਥਿਤ ਝਾਰਖੋਰ ਵਿਚ ਹੋਇਆ। ਹਾਈ ਟੈਂਸ਼ਨ ਤਾਰ ਖੰਭੇ ਦੀ ਲਪੇਟ 'ਚ ਆਉਣ ਕਾਰਨ ਇਹ ਹਾਦਸਾ ਵਾਪਰਿਆ।

ਧਨਬਾਦ 'ਚ ਹੋਏ ਹਾਦਸੇ 'ਚ 5 ਮਜ਼ਦੂਰਾਂ ਦੀ ਮੌਤ ਹੋ ਗਈ ਹੈ। ਇਹ ਹਾਦਸਾ ਕਟਰਸ ਸਟੇਸ਼ਨ ਨੇੜੇ ਵਾਪਰਿਆ। ਸੂਚਨਾ ਮਿਲਦੇ ਹੀ ਬਚਾਅ ਟੀਮ ਮੌਕੇ 'ਤੇ ਪਹੁੰਚ ਗਈ ਹੈ। ਸੀਨੀਅਰ ਅਧਿਕਾਰੀ ਵੀ ਮੌਕੇ 'ਤੇ ਪਹੁੰਚ ਗਏ ਹਨ।

ਦਸਿਆ ਜਾ ਰਿਹਾ ਹੈ ਕਿ ਮਜ਼ਦੂਰਾਂ ਵਲੋਂ ਖੰਭਾ ਲਗਾਇਆ ਜਾ ਰਿਹਾ ਸੀ। ਹਾਈ ਟੈਂਸ਼ਨ ਤਾਰਾਂ ਦੀ ਲਪੇਟ 'ਚ ਆਉਣ ਕਾਰਨ ਪੰਜ ਮਜ਼ਦੂਰਾਂ ਦੀ ਮੌਤ ਹੋ ਗਈ ਹੈ। ਘਟਨਾ ਤੋਂ ਬਾਅਦ ਮੌਕੇ 'ਤੇ ਹਫੜਾ-ਦਫੜੀ ਮਚ ਗਈ। ਘਟਨਾ ਦੀ ਸੂਚਨਾ ਮਿਲਣ ਤੋਂ ਬਾਅਦ ਬਚਾਅ ਟੀਮ ਮੌਕੇ 'ਤੇ ਪਹੁੰਚ ਗਈ। ਰੇਲਵੇ ਅਧਿਕਾਰੀ ਵੀ ਮੌਕੇ 'ਤੇ ਪਹੁੰਚ ਗਏ ਹਨ। ਡੀਆਰਐਮ ਕਮਲ ਕਿਸ਼ੋਰ ਸਿਨਹਾ ਵੀ ਮੌਕੇ ’ਤੇ ਪੁੱਜੇ।

ਘਟਨਾ ਕਾਰਨ ਰੇਲਵੇ ਦਾ ਸੰਚਾਲਨ ਰੋਕ ਦਿੱਤਾ ਗਿਆ ਹੈ। ਕਾਲਕਾ ਤੋਂ ਹਾਵੜਾ ਜਾ ਰਹੀ ਡਾਊਨ ਨੇਤਾਜੀ ਐਕਸਪ੍ਰੈਸ ਨੂੰ ਤੇਤੁਲਮਾਰੀ ਸਟੇਸ਼ਨ 'ਤੇ ਰੋਕ ਦਿਤਾ ਗਿਆ ਹੈ। ਹਾਵੜਾ ਤੋਂ ਬੀਕਾਨੇਰ ਜਾ ਰਹੀ ਪ੍ਰਤਾਪ ਐਕਸਪ੍ਰੈਸ ਨੂੰ ਧਨਬਾਦ ਸਟੇਸ਼ਨ 'ਤੇ ਰੋਕ ਦਿਤਾ ਗਿਆ ਹੈ। ਰੇਲਵੇ ਅਧਿਕਾਰੀ ਅਤੇ ਰੇਲਵੇ ਡਾਕਟਰ ਸੜਕ ਰਾਹੀਂ ਮੌਕੇ 'ਤੇ ਪਹੁੰਚ ਗਏ ਹਨ।

ਠੇਕੇਦਾਰ ਬਿਨਾਂ ਮਨਜ਼ੂਰੀ ਤੋਂ ਠੇਕਾ ਮਜ਼ਦੂਰਾਂ ਤੋਂ ਕੰਮ ਕਰਵਾ ਰਿਹਾ ਸੀ। ਮਜ਼ਦੂਰ ਖੰਭੇ ਲਗਾ ਰਹੇ ਸਨ ਜਦੋਂ ਖੰਭਾ 25 ਹਜ਼ਾਰ ਵੋਲਟ ਹਾਈ ਟੈਂਸ਼ਨ ਓਵਰਹੈੱਡ ਤਾਰ ਵੱਲ ਝੁਕ ਗਿਆ। ਇਸ ਨੂੰ ਸੰਭਾਲਣ ਦੀ ਕੋਸ਼ਿਸ਼ ਦੌਰਾਨ ਹੀ ਖੰਭੇ ਹਾਈ ਟੈਂਸ਼ਨ ਵਾਲੀ ਤਾਰ ਨੂੰ ਛੂਹ ਗਿਆ, ਜਿਸ ਕਾਰਨ ਕਰੰਟ ਲਗ ਗਿਆ ਅਤੇ ਪੰਜਾਂ ਦੀ ਮੌਕੇ 'ਤੇ ਹੀ ਝੁਲਸਣ ਨਾਲ ਮੌਤ ਹੋ ਗਈ। ਘਟਨਾ ਤੋਂ ਬਾਅਦ ਭਗਦੜ ਮਚ ਗਈ। ਠੇਕੇਦਾਰ ਵੀ ਭੱਜ ਗਿਆ।