Four karantaka minister kept him in home quarantine after roprter tested positive

ਕਰਨਾਟਕ: ਕਰਨਾਟਕ ਦੇ ਇਕ ਮੀਡੀਆ ਚੈਨਲ ਦੇ ਇਕ ਕੈਮਰਾਮੈਨ ਵਿਚ ਕੋਰੋਨਾ ਵਾਇਰਸ ਪਾਇਆ ਗਿਆ ਸੀ। ਪੱਤਰਕਾਰ ਦੇ ਸੰਪਰਕ ਵਿਚ ਆਏ ਪੰਜ ਮੰਤਰੀਆਂ ਦੇ ਸੈਂਪਲ ਜਾਂਚ ਲਈ ਭੇਜੇ ਗਏ ਸਨ। ਬੁੱਧਵਾਰ ਨੂੰ ਚਾਰ ਮੰਤਰੀਆਂ ਦੀ ਰਿਪੋਰਟ ਨੈਗੇਟਿਵ ਆਈ ਹੈ। ਚਾਰ ਮੰਤਰੀ ਹੁਣ ਸੈਲਫ ਕੁਆਰੰਟੀਨ ਵਿਚ ਹਨ।

ਇਸ ਮਾਮਲੇ ਵਿਚ ਇਕ ਮੀਡੀਆ ਚੈਨਲ ਵੱਲੋਂ ਖ਼ਬਰ ਛਪਾਈ ਗਈ ਸੀ ਕਿ ਪੰਜ ਮੰਤਰੀ ਪੱਤਰਕਾਰ ਦੇ ਸਿੱਧੇ ਸੰਪਰਕ ਵਿਚ ਆਏ ਸਨ ਪਰ ਉਹ ਉਹਨਾਂ ਨੂੰ ਹੋਮ ਕੁਆਰੰਟੀਨ ਪ੍ਰੋਟੋਕਾਲ ਦਾ ਪਲਾਨ ਨਹੀਂ ਕਰ ਰਹੇ ਹਨ ਜਿਸ ਤੋਂ ਬਾਅਦ ਮੰਤਰੀਆਂ ਨੇ ਖੁਦ ਨੂੰ ਕੁਆਰੰਟੀਨ ਕੀਤਾ ਹੈ।

ਮੈਡੀਕਲ ਸਿੱਖਿਆ ਮੰਤਰੀ ਕੇ ਸੁਧਾਕਰ ਜਿਸ ਵਿਚ ਡਿਪਟੀ ਸੀ.ਐੱਮ.ਐੱਨ. ਅਸ਼ਵਥ ਨਾਰਾਇਣ, ਗ੍ਰਹਿ ਮੰਤਰੀ ਬਾਸਵਰਾਜ ਬੋੱਮਈ ਅਤੇ ਕੰਨੜ ਅਤੇ ਸੱਭਿਆਚਾਰ ਮੰਤਰੀ ਸੀਟੀ ਰਵੀ ਨੇ ਟਵੀਟ ਕੀਤਾ ਕਿ ਚਾਰਾਂ ਮੰਤਰੀਆਂ ਦੀ ਰਿਪੋਰਟ ਨਕਾਰਾਤਮਕ ਆਈ ਅਤੇ ਉਹ ਘਰ ਵਿਚ ਸਵੈ-ਕੁਆਰੰਟੀਨ ਵਿਚ ਹਨ। ਅਸ਼ਵਥ ਨਾਰਾਇਣ ਨੇ ਇੱਕ ਟਵੀਟ ਵਿੱਚ ਕਿਹਾ ਕੋਵਿਡ-19 ਪ੍ਰਭਾਵਿਤ ਵਿਅਕਤੀ ਨਾਲ ਸੰਪਰਕ ਕਰਨ ਦੀ ਜਾਣਕਾਰੀ ਮਿਲਣ ਤੋਂ ਬਾਅਦ ਉਹ ਘਰ ਹਨ।

ਉਹਨਾਂ ਦੀ ਰਿਪੋਰਟ ਵਿੱਚ ਕੋਈ ਵਾਇਰਸ ਨਹੀਂ ਪਾਇਆ ਗਿਆ ਪਰ ਚੌਕਸ ਰਹਿਣਾ ਪਵੇਗਾ ਅਤੇ ਸਾਰੀਆਂ ਲੋੜੀਂਦੀਆਂ ਸਾਵਧਾਨੀਆਂ ਵਰਤਣੀਆਂ ਪੈਣਗੀਆਂ। ਬੋਮਾਈ ਨੇ ਕਿਹਾ ਉਹਨਾਂ ਦੀ ਜਾਂਚ ਰਿਪੋਰਟ ਨਕਾਰਾਤਮਕ ਸਾਬਤ ਹੋਈ। ਉਹਨਾਂ ਨੇ ਕਿਹਾ ਉਹ ਸੈਲਫ ਕੁਆਰੰਟੀਨ ਹਨ ਅਤੇ ਉਹ ਸਿਹਤਮੰਦ ਵੀ ਹਨ।

ਰਵੀ ਨੇ ਕਿਹਾ ਚਾਹੇ ਉਹ (ਕੈਮਰਾਮੈਨ) ਉਹਨਾਂ ਦੀਆਂ ਬੈਠਕਾਂ ਵਿਚ ਆਇਆ ਸੀ ਪਰ ਉਹਨਾਂ ਦਾ ਉਸ ਨਾਲ (ਕੈਮਰਾਮੈਨ) ਕੋਈ ਨੇੜਲਾ ਸੰਪਰਕ ਨਹੀਂ ਹੋਇਆ, ਫਿਰ ਉਹਨਾਂ ਨੇ ਅਪ੍ਰੈਲ 28 ਨੂੰ ਆਪਣੀ ਜਾਂਚ ਕਰਵਾ ਲਈ। ਉਹਨਾਂ ਇਹ ਜਾਣਕਾਰੀ ਸਾਂਝੇ ਕਰਦਿਆਂ ਖੁਸੀ ਹੋਈ ਹੈ ਕਿ ਉਹਨਾਂ ਦੀ ਕੋਰੋਨਾ ਵਾਇਰਸ ਟੈਸਟ ਦੀ ਰਿਪੋਰਟ ਨਕਾਰਾਤਮਕ ਹੈ। ਸੁਧਾਕਰ ਨੇ ਇਹ ਵੀ ਕਿਹਾ ਕਿ ਉਹ ਘਰ ਵਿੱਚ ਹਨ ਅਤੇ ਸਾਵਧਾਨੀ ਵਰਤ ਰਹੇ ਹਨ।

ਤੁਹਾਨੂੰ ਦੱਸ ਦੇਈਏ ਕਿ 34 ਸਾਲਾ ਪੱਤਰਕਾਰ 21 ਅਪ੍ਰੈਲ ਤੋਂ 24 ਅਪ੍ਰੈਲ ਦੇ ਵਿਚਕਾਰ ਪੰਜ ਮੰਤਰੀਆਂ ਨੂੰ ਮਿਲਿਆ ਸੀ। ਪੱਤਰਕਾਰ ਦੇ ਕੋਰੋਨਾ ਦੇ ਲੱਛਣਾਂ ਤੋਂ ਬਾਅਦ, ਉਹਨਾਂ ਦਾ ਸੈਂਪਲ 23 ਅਪ੍ਰੈਲ ਨੂੰ ਜਾਂਚ ਲਈ ਭੇਜਿਆ ਗਿਆ ਸੀ ਅਤੇ 24 ਅਪ੍ਰੈਲ ਨੂੰ ਉਸ ਦੀ ਟੈਸਟ ਰਿਪੋਰਟ ਸਕਾਰਾਤਮਕ ਆਈ।

ਕੈਮਰਾਮੈਨ, ਉਸ ਦੀ ਪਤਨੀ, ਢਾਈ ਸਾਲ ਦੀ ਬੇਟੀ ਅਤੇ ਵੱਖ-ਵੱਖ ਮੀਡੀਆ ਸਮੂਹਾਂ ਦੇ ਪੱਤਰਕਾਰ ਜੋ ਪੱਤਰਕਾਰ ਦੇ ਸੰਪਰਕ ਵਿੱਚ ਆਏ ਸਨ ਉਹਨਾਂ ਨੂੰ ਬੰਗਲੁਰੂ ਦੇ ਇੱਕ ਹੋਟਲ ਵਿੱਚ ਕੁਆਰੰਟੀਨ ਕਰ ਦਿੱਤਾ ਗਿਆ ਹੈ। ਪੱਤਰਕਾਰ ਦੀ ਧੀ ਅਤੇ ਪਤਨੀ ਦੀ ਜਾਂਚ ਰਿਪੋਰਟ ਨਕਾਰਾਤਮਕ ਆਈ ਹੈ।

Punjabi News  ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ  Facebook  ਤੇ ਲਾਈਕ Twitter  ਤੇ follow  ਕਰੋ।