In UP, 3,700 PhD holders apply for messenger’s job

ਲਖਨਊ, ਚਪੜਾਸੀਆਂ ਦੇ 62 ਅਹੁਦਿਆਂ ਲਈ ਪੁਲਿਸ ਵਿਭਾਗ ਨੇ ਹਾਲ ਹੀ ਵਿਚ ਅਰਜ਼ੀਆਂ ਮੰਗਵਾਈਆਂ ਸਨ ਜਿਸ ਦੇ ਲਈ ਘੱਟ ਤੋਂ ਘੱਟ ਯੋਗਤਾ ਪੰਜਵੀਂ ਪਾਸ ਰੱਖੀ ਗਈ ਸੀ। ਪਰ ਜਿਨ੍ਹਾਂ ਲੋਕਾਂ ਨੇ ਅਪਲਾਈ ਕੀਤਾ, ਉਸ ਨੂੰ ਦੇਖਕੇ ਸਿਲੈਕਸ਼ਨ ਬੋਰਡ ਦੇ ਅਧਿਕਾਰੀ ਵੀ ਹੈਰਾਨ ਹਨ। 62 ਅਹੁਦਿਆਂ ਲਈ ਕਰੀਬ 50 ਹਜ਼ਾਰ ਗਰੈਜੁਏਟ, 28 ਹਜ਼ਾਰ ਪੋਸਟ ਗਰੈਜੁਏਟ ਨੇ ਅਪਲਾਈ ਕੀਤਾ ਹੈ। ਇੰਨਾ ਹੀ ਨਹੀਂ ਚਪੜਾਸੀ ਬਣਨ ਦੀ ਲਾਈਨ ਵਿਚ 3700 ਪੀਐਚਡੀ (ਡਾਕਟਰੇਟ) ਡਿਗਰੀ ਧਾਰਕ ਵੀ ਸ਼ਾਮਿਲ ਹਨ।  

ਗਰੈਜੁਏਟ ਅਤੇ ਪੋਸਟ ਗਰੈਜੁਏਟ ਵਿਚ ਵੀ ਬੀ.ਟੈਕ ਅਤੇ ਐਮਬੀਏ ਲੋਕ ਸ਼ਾਮਿਲ ਹਨ। 93,000 ਅਪਲਾਈ ਕਰਨ ਵਾਲਿਆਂ ਵਿਚੋਂ ਸਿਰਫ 7400 ਹੀ ਅਜਿਹੇ ਹਨ ਜਿਨ੍ਹਾਂ ਨੇ ਪੰਜਵੀਂ ਤੋਂ 12ਵੀ ਦੀ ਪੜਾਈ ਕੀਤੀ ਹੈ। ਪੁਲਿਸ ਵਿਭਾਗ ਦੇ ਸੂਤਰਾਂ ਨੇ ਦੱਸਿਆ ਕਿ ਇਹ 62 ਅਹੁਦੇ ਪਿਛਲੇ ਕਰੀਬ 12 ਸਾਲਾਂ ਤੋਂ ਖਾਲੀ ਹਨ। ਉਨ੍ਹਾਂ ਨੇ ਦੱਸਿਆ, ਇਹ ਨੌਕਰੀ ਮੁੱਖ ਤੌਰ ਉੱਤੇ ਡਾਕੀਏ ਵਰਗੀ ਹੈ। ਨਿਯੁਕਤੀ ਅਧਿਕਾਰੀ ਦਾ ਕੰਮ ਪੁਲਿਸ ਦੇ ਟੈਲੀਕਾਮ ਡਿਪਾਰਟਮੇਂਟ ਤੋਂ ਪੱਤਰ ਅਤੇ ਦਸਤਾਵੇਜ਼ ਇਕ ਦਫਤਰ ਤੋਂ ਦੂੱਜੇ ਦਫਤਰ ਪਹੁੰਚਾਉਣ ਦਾ ਹੋਵੇਗਾ। 

ਇੱਕ ਅਧਿਕਾਰੀ ਨੇ ਦੱਸਿਆ, ਹੁਣ ਤੱਕ ਅਸੀ ਬਿਨੈਕਾਰਾਂ ਤੋਂ ਇੱਕ ਸਵੈ-ਘੋਸ਼ਣਾ ਕਰਵਾਉਂਦੇ ਸੀ ਕਿ ਉਨ੍ਹਾਂ ਨੂੰ ਸਾਇਕਲ ਚਲਾਉਣਾ ਆਉਂਦਾ ਹੈ। ਹਾਲਾਂਕਿ ਇੰਨੀ ਵੱਡੀ ਗਿਣਤੀ ਵਿਚ ਵੱਧ ਪੜ੍ਹੇ ਹੋਏ ਲੋਕਾਂ ਦੀਆਂ ਅਰਜ਼ੀਆਂ ਦਰਜ ਤੋਂ ਬਾਅਦ ਸਾਨੂੰ ਮਜਬੂਰਨ ਚੋਣ ਪ੍ਰੀਖਿਆ ਕਰਵਾਉਣੀ ਪਵੇਗੀ। ਸੀਨੀਅਰ ਅਧਿਕਾਰੀਆਂ ਨੇ ਦੱਸਿਆ ਕਿ ਇੰਨੀ ਵੱਡੀ ਮਾਤਰਾ ਵਿਚ ਅਰਜ਼ੀਆਂ ਦਾ ਵੱਡਾ ਕਾਰਨ ਹੈ ਬੇਰੁਜ਼ਗਾਰੀ। ਇਹ ਅਹੁਦਾ ਫੁਲ ਟਾਇਮ ਸਰਕਾਰੀ ਨੌਕਰੀ ਦਾ ਹੈ ਅਤੇ ਸ਼ੁਰੂਆਤੀ ਤਨਖਾਹ ਵੀ 20 ਹਜ਼ਾਰ ਦੇ ਕਰੀਬ ਹੈ, ਸ਼ਾਇਦ ਇਹੀ ਵਜ੍ਹਾ ਹੈ ਕਿ ਇੰਨੀ ਵੱਡੀ ਗਿਣਤੀ ਵਿਚ ਲੋਕਾਂ ਨੇ ਅਪਲਾਈ ਕੀਤਾ ਹੈ।  

ਹਾਲਾਂਕਿ ਏਡੀਜੀ (ਟੈਲੀਕਾਮ) ਪੀ ਕੇ ਤੀਵਾਰੀ ਨੇ ਜਾਣਕਾਰੀ ਦਿੰਦੇ ਹੋਏ ਦੱਸਿਆ ਕਿ ਇਹ ਵਧੀਆ ਹੈ ਕਿ ਇੰਨੀ ਵੱਡੀ ਗਿਣਤੀ ਵਿਚ ਵੱਡੀ ਡਿਗਰੀ ਧਾਰਕਾਂ ਨੇ ਅਰਜ਼ੀਆਂ ਦਿੱਤੀਆਂ ਹਨ। ਉਨ੍ਹਾਂ ਕਿਹਾ ਕਿ ਉਹ ਅਜਿਹੇ ਬਿਨੈਕਾਰਾਂ ਤੋਂ ਹੋਰ ਵੱਡੇ ਕੰਮਾਂ ਵੀ ਲੈ ਸਕਦੇ ਹਨ। ਉਨ੍ਹਾਂ ਕਿਹਾ ਕਿ ਟੈਲੀਕਾਮ ਕੈਂਡਿਡੇਟ ਨੂੰ ਜਲਦੀ ਪ੍ਰਮੋਸ਼ਨ ਵੀ ਮਿਲੇਗੀ ਅਤੇ ਉਹ ਸਾਡੇ ਵਿਭਾਗ ਲਈ ਬੇਹੱਦ ਲਾਭਦਾਇਕ ਸਾਬਤ ਹੋਣਗੇ।