ਮੁੰਬਈ: ਮਹਾਰਾਸ਼ਟਰ ਦੇ ਸਾਬਕਾ ਮੁੱਖ ਮੰਤਰੀ ਅਤੇ ਕਾਂਗਰਸ ਦੇ ਦਿੱਗਜ ਨੇਤਾ ਰਹੇ ਨਰਾਇਣ ਰਾਣੇ 1 ਸਤੰਬਰ ਨੂੰ ਬੀਜੇਪੀ ਵਿੱਚ ਸ਼ਾਮਿਲ ਹੋ ਜਾਣਗੇ। ਰਾਣੇ ਨੇ ਵੀਰਵਾਰ ਨੂੰ ਆਪਣੇ ਆਪ ਇਸ ਗੱਲ ਦਾ ਐਲਾਨ ਕੀਤਾ ਹੈ।  ਦੱਸ ਦਈਏ ਕਿ ਕਾਂਗਰਸ ਛੱਡਣ ਤੋਂ ਬਾਅਦ ਰਾਣੇ ਨੂੰ ਬੀਜੇਪੀ ਦੇ ਸਮਰਥਨ ਨਾਲ ਰਾਜ ਸਭਾ ਵਿੱਚ ਚੁਣਿਆ ਗਿਆ। ਬਾਅਦ ਵਿੱਚ ਉਨ੍ਹਾਂ ਨੇ ਮਹਾਰਾਸ਼ਟਰ ਸਵਾਭਿਮਾਨ ਪੱਖ ਪਾਰਟੀ ਬਣਾਈ ਜੋ ਫਿਲਹਾਲ ਐਨਡੀਏ ਦਾ ਹਿੱਸਾ ਹੈ।

ਰਾਣੇ ਨੇ ਪੱਤਰਕਾਰਾਂ ਨੂੰ ਕਿਹਾ, ਮੈਂ ਸੋਲਾਪੁਰ ਵਿੱਚ ਇੱਕ ਸਤੰਬਰ ਨੂੰ ਬੀਜੇਪੀ ਵਿੱਚ ਸ਼ਾਮਲ ਹੋ ਜਾਵਾਂਗਾ, ਜਿੱਥੇ ਪਾਰਟੀ ਦੇ ਰਾਸ਼ਟਰੀ ਪ੍ਰਧਾਨ ਅਮਿਤ ਸ਼ਾਹ ਇੱਕ ਰੈਲੀ ਨੂੰ ਸੰਬੋਧਿਤ ਕਰਨਗੇ। ਬੀਜੇਪੀ ਸੂਤਰਾਂ ਅਨੁਸਾਰ, ਐਨਸੀਪੀ ਵਿਧਾਇਕ ਰਾਣਾ ਜਗਜੀਤ ਸਿੰਘ ਪਾਟਿਲ ਅਤੇ ਸੰਸਦ ਉਦਾਇਨ ਰਾਜੇ ਭੋਸਲੇ ਵੀ ਛੇਤੀ ਹੀ ਪਾਰਟੀ ਵਿੱਚ ਸ਼ਾਮਲ ਹੋਣਗੇ। 

ਇੱਥੇ ਵੀ ਐਨਸੀਪੀ-ਕਾਂਗਰਸ ਨੂੰ ਝਟਕਾ

ਦੱਸ ਦਈਏ ਕਿ ਮਹਾਰਾਸ਼ਟਰ ਵਿਧਾਨ ਸਭਾ ਚੋਣ ਨੇੜੇ ਆਉਣ ਨਾਲ ਹੀ ਐਨਸੀਪੀ ਅਤੇ ਕਾਂਗਰਸ ਨੂੰ ਲਗਾਤਾਰ ਵੱਡੇ ਝਟਕੇ ਲੱਗ ਰਹੇ ਹਨ। ਇਸ ਤੋਂ ਪਹਿਲਾਂ ਐਨਸੀਪੀ ਛੱਡਣ ਦੀਆਂ ਮੁਸ਼ਕਿਲਾਂ ਦੇ ਵਿੱਚ ਪਾਰਟੀ ਵਿਧਾਇਕ ਅਵਧੂਤ ਤਟਕਰੇ ਨੇ ਵੀ ਵੀਰਵਾਰ ਨੂੰ ਸ਼ਿਵਸੈਨਾ ਪ੍ਰਧਾਨ ਉੱਧਵ ਠਾਕਰੇ ਨਾਲ ਮੁਲਾਕਾਤ ਕੀਤੀ।  ਇਸ ਤੋਂ ਬਾਅਦ ਉਨ੍ਹਾਂ ਨੇ ਕਿਹਾ ਕਿ ਉਹ ਮੁੱਖਧਾਰਾ ਦੀ ਰਾਜਨੀਤੀ ਵਿੱਚ ਬਣੇ ਰਹਿਨਾ ਚਾਹੁੰਦੇ ਹਨ। ਅਜਿਹੇ ਅੰਦਾਜੇ ਹਨ ਕਿ ਮਹਾਰਾਸ਼ਟਰ ਦੇ ਰਾਇਗੜ ਜ਼ਿਲ੍ਹੇ ਦੀ ਸ਼੍ਰੀ ਵਰਧਨ ਸੀਟ ਦੀ ਪ੍ਰਧਾਨਗੀ ਕਰਨ ਵਾਲੇ ਵਿਧਾਇਕ ਅਵਧੂਤ ਤਟਕਰੇ ਅਤੇ ਉਨ੍ਹਾਂ ਦੇ ਚਾਚਾ ਅਤੇ ਐਨਸੀਪੀ ਸੰਸਦ ਸੁਨੀਲ ਤਟਕਰੇ ਸ਼ਿਵਸੈਨਾ ਵਿੱਚ ਸ਼ਾਮਲ ਹੋ ਸਕਦੇ ਹਨ। 

ਐਨਸੀਪੀ ਅਤੇ ਕਾਂਗਰਸ ਦੇ ਵਿਧਾਇਕ ਹੁਣ ਸ਼ਿਵਸੇਨਾ ‘ਚ

ਉੱਧਰ, ਐਨਸੀਪੀ ਵਿਧਾਇਕ ਦੇ ਰੂਪ ‘ਚ ਅਸਤੀਫਾ ਦੇਣ ਤੋਂ ਬਾਅਦ ਦਲੀਪ ਸ਼ਿਵਸੈਨਾ ਵਿੱਚ ਸ਼ਾਮਲ ਹੋ ਚੁੱਕੇ ਹਨ। ਸੋਪਾਲ ਤੋਂ ਇਲਾਵਾ ਕਾਂਗਰਸ ਦੇ ਸਾਬਕਾ ਵਿਧਾਇਕ ਦਲੀਪ ਮੰਨੇ ਨੇ ਵੀ ਸ਼ਿਵਸੈਨਾ ਦਾ ਹੱਥ ਫ਼ੜ੍ਹ ਲਿਆ ਹੈ।