ਸਰਕਾਰ ਲਈ ਸ਼ਿਵਸੈਨਾ ਨੇ ਮੰਨੀ ਪਵਾਰ ਦੀ ਸ਼ਰਤ, 30 ਸਾਲ ਪੁਰਾਣੇ ਗਠਜੋੜ ਨੂੰ Bye-Bye!
ਮਹਾਰਾਸ਼ਟਰ ਵਿਚ ਭਾਰਤੀ ਜਨਤਾ ਪਾਰਟੀ ਅਤੇ ਸ਼ਿਵਸੈਨਾ ਦੀ ਸਿਆਸੀ ਲੜਾਈ ਨੇ ਦੋਵੇਂ ਧਿਰਾਂ ਦੇ 30 ਸਾਲ ਪੁਰਾਣੇ ਗਠਜੋੜ ਨੂੰ ਖਤਮ ਹੋਣ ਦੇ ਕੰਢੇ ਪਹੁੰਚਾ ਦਿੱਤਾ ਹੈ।
ਮੁੰਬਈ: ਮਹਾਰਾਸ਼ਟਰ ਵਿਚ ਭਾਰਤੀ ਜਨਤਾ ਪਾਰਟੀ ਅਤੇ ਸ਼ਿਵਸੈਨਾ ਦੀ ਸਿਆਸੀ ਲੜਾਈ ਨੇ ਦੋਵੇਂ ਧਿਰਾਂ ਦੇ 30 ਸਾਲ ਪੁਰਾਣੇ ਗਠਜੋੜ ਨੂੰ ਖਤਮ ਹੋਣ ਦੇ ਕੰਢੇ ਪਹੁੰਚਾ ਦਿੱਤਾ ਹੈ। ਇਕੱਠੇ ਵਿਧਾਨ ਸਭਾ ਚੋਣਾਂ ਲੜਨ ਦੇ ਬਾਵਜੂਦ ਭਾਜਪਾ ਅਤੇ ਸ਼ਿਵਸੈਨਾ ਅਪਣੀਆਂ-ਅਪਣੀਆਂ ਸ਼ਰਤਾਂ ਦੇ ਚਲਦੇ ਗਠਜੋੜ ਵਿਚ ਸਰਕਾਰ ਨਹੀਂ ਬਣਾ ਪਾ ਰਹੇ ਹਨ ਅਤੇ ਹਾਲਾਤ ਇਹ ਹੋ ਗਏ ਹਨ ਕਿ ਸਰਕਾਰ ਬਣਾਉਣ ਲਈ ਸ਼ਿਵਸੈਨਾ ਵਿਰੋਧੀ ਐਨਸੀਪੀ ਦੀਆਂ ਸ਼ਰਤਾਂ ਮੰਨਣ ਨੂੰ ਰਾਜ਼ੀ ਹੋ ਗਈ ਹੈ, ਜਿਸ ਨੇ ਹਿੰਦੂਤਵ ਦੇ ਵਿਚਾਰ ਤੇ ਚੱਲ ਰਹੇ ਦਹਾਕਿਆਂ ਪੁਰਾਣੇ ਭਾਜਪਾ-ਸ਼ਿਵਸੈਨਾ ਗਠਜੋੜ ਨੂੰ ਅਲੱਗ ਕਰ ਦਿੱਤਾ ਹੈ।
ਭਾਜਪਾ ਸ਼ਿਵਸੈਨਾ ਦਾ ਗਠਜੋੜ 1989 ਵਿਚ ਹੋਇਆ ਸੀ। ਇਹ ਉਹ ਸਮਾਂ ਸੀ ਜਦੋਂ ਸ਼ਿਵਸੈਨਾ ਦੀ ਕਮਾਨ ਉਸ ਦੇ ਸੰਸਥਾਪਕ ਬਾਲਾ ਸਾਹਿਬ ਠਾਕਰੇ ਦੇ ਹੱਥਾਂ ਵਿਚ ਸੀ, ਜੋ ਹਿੰਦੂਤਵ ਦਾ ਵੱਡਾ ਚਿਹਰਾ ਸੀ। ਭਾਜਪਾ ਅਤੇ ਸ਼ਿਵਸੈਨਾ ਦਾ ਗਠਜੋੜ ਵੀ ਹਿੰਦੂਤਵ ਦੇ ਵਿਚਾਰ ਤੇ ਹੀ ਅੱਗੇ ਵਧਿਆ। 2012 ਵਿਚ ਉਹਨਾਂ ਦੇ ਦੇਹਾਂਤ ਤੋਂ ਬਾਅਦ ਜਦੋਂ 2014 ਵਿਚ ਵਿਧਾਨ ਸਭਾ ਚੋਣਾਂ ਹੋਈਆਂ ਤਾਂ ਸ਼ਿਵਸੈਨਾ ਅਤੇ ਭਾਜਪਾ ਅਲੱਗ ਹੋ ਗਏ। ਦਿਲਚਸਪ ਗੱਲ ਇਹ ਹੈ ਕਿ ਦੇਵੇਂਦਰ ਫਡਣਵੀਸ ਦੀ ਅਗਵਾਈ ਵਿਚ ਸ਼ਿਵਸੈਨਾ ਪੰਜ ਸਾਲ ਤੱਕ ਮਹਾਰਾਸ਼ਟਰ ਦੀ ਸਰਕਾਰ ਵਿਚ ਹੀ ਰਹੀ ਪਰ ਉਸ ਦੇ ਆਗੂਆਂ ਨੇ ਕੋਈ ਅਜਿਹਾ ਮੌਕਾ ਨਹੀਂ ਛੱਡਿਆ ਜਦੋਂ ਭਾਜਪਾ ਅਤੇ ਸਰਕਾਰ ਦੀ ਅਲੋਚਨਾ ਨਾ ਕੀਤੀ ਹੋਵੇ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।