ਚੰਡੀਗੜ੍ਹ 'ਚ ਲੁਟੇਰਿਆਂ ਤੋਂ ਬਚਦੇ ਪੰਜਾਬ ਯੂਨੀਵਰਸਿਟੀ ਦੀ ਕੰਧ ਤੋੜ ਕੇ ਅੰਦਰ ਵੜੀ ਕਾਰ

ਚੰਡੀਗੜ੍ਹ: ਚੰਡੀਗੜ੍ਹ ਵਿੱਚ ਇੱਕ ਅਨੋਖੀ ਘਟਨਾ ਸਾਹਮਣੇ ਆਈ ਹੈ। ਇੱਥੇ ਲੁਟੇਰਿਆਂ ਤੋਂ ਬਚਣ ਲਈ ਇੱਕ ਵਿਅਕਤੀ ਨੇ ਆਪਣੀ ਕਾਰ ਇੰਨੀ ਤੇਜ਼ੀ ਨਾਲ ਚਲਾਈ ਕਿ ਉਹ ਕੰਟਰੋਲ ਗੁਆ ਬੈਠੀ ਅਤੇ ਕਾਰ ਸੈਕਟਰ 25/14 ਦੇ ਟੀ-ਪੁਆਇੰਟ 'ਤੇ ਪੰਜਾਬ ਯੂਨੀਵਰਸਿਟੀ ਦੀ ਕੰਧ ਤੋੜਦੀ ਹੋਈ ਅੰਦਰ ਦਾਖਲ ਹੋ ਗਈ।
ਘਟਨਾ ਬੀਤੀ ਰਾਤ ਕਰੀਬ 2 ਵਜੇ ਵਾਪਰੀ। ਇਹ ਹਾਦਸਾ ਚੰਡੀਗੜ੍ਹ ਨੰਬਰ ਦੀ ਸਵਿਫਟ ਕਾਰ ਨਾਲ ਵਾਪਰਿਆ।
 

ਪੜ੍ਹੋ ਖਬਰ:ਹੁਣ ਕਵਲਜੀਤ ਸਿੰਘ ਬੇਦੀ ਨੇ NDTV ਤੋਂ ਦਿੱਤਾ ਅਸਤੀਫ਼ਾ, ਟਵੀਟ ਕਰਕੇ ਕਿਹਾ...

ਹਾਦਸੇ ਵਿੱਚ ਕਾਰ ਚਾਲਕ ਪੂਰੀ ਤਰ੍ਹਾਂ ਸੁਰੱਖਿਅਤ ਹੈ। ਉਸ ਨੂੰ ਮੁੱਢਲੀ ਸਹਾਇਤਾ ਲਈ ਹਸਪਤਾਲ ਲਿਜਾਇਆ ਗਿਆ ਹੈ। ਘਟਨਾ ਦੀ ਸੂਚਨਾ ਮਿਲਦੇ ਹੀ ਯੂਨੀਵਰਸਿਟੀ ਇੰਚਾਰਜ ਅਤੇ ਪੁਲਿਸ ਵੀ ਮੌਕੇ 'ਤੇ ਪਹੁੰਚ ਗਈ ਅਤੇ ਕਾਰ ਚਾਲਕ ਦੇ ਬਿਆਨ ਦਰਜ ਕੀਤੇ। ਹਾਦਸਾ ਇੰਨਾ ਭਿਆਨਕ ਸੀ ਕਿ ਟੱਕਰ ਤੋਂ ਬਾਅਦ ਕਾਰ ਪਲਟ ਗਈ। ਕਾਰ ਚਾਲਕ ਬੜੀ ਮੁਸ਼ਕਲ ਨਾਲ ਬਾਹਰ ਨਿਕਲਿਆ ਅਤੇ ਘਟਨਾ ਸਬੰਧੀ ਪੁਲਿਸ ਨੂੰ ਸੂਚਿਤ ਕੀਤਾ ਗਿਆ।
 

ਨਯਾਗਾਂਵ ਨਿਵਾਸੀ ਕਾਰ ਚਾਲਕ ਵਿਨੈ ਠਾਕੁਰ ਨੇ ਦੱਸਿਆ ਕਿ ਉਹ ਦੇਰ ਰਾਤ ਸੈਕਟਰ 37 ਦੇ ਕਮਿਊਨਿਟੀ ਸੈਂਟਰ ਤੋਂ ਬਾਹਰ ਆਇਆ ਸੀ। ਜਿਵੇਂ ਹੀ ਉਸਨੇ ਖੱਬੇ ਮੋੜ ਮੋੜਿਆ ਤਾਂ ਲਾਲ ਰੰਗ ਦੀ ਕਾਰ ਉੱਥੇ ਆ ਗਈ ਅਤੇ ਅੱਧੀ ਦਰਜਨ ਤੋਂ ਵੱਧ ਨੌਜਵਾਨ ਉਸ ਵਿੱਚੋਂ ਨਿਕਲ ਗਏ। ਉਨ੍ਹਾਂ ਨੇ ਉਸ ਦੀ ਕਾਰ ਦੇ ਸ਼ੀਸ਼ੇ ਤੋੜਨ ਦੀ ਕੋਸ਼ਿਸ਼ ਕੀਤੀ। ਉਥੇ ਹੀ ਉਸ ਦੀ ਕਾਰ ਦਾ ਦਰਵਾਜ਼ਾ ਖੋਲ੍ਹਣ ਦੀ ਕੋਸ਼ਿਸ਼ ਕੀਤੀ ਪਰ ਕਾਰ ਆਟੋਮੈਟਿਕ ਹੋਣ ਕਾਰਨ ਉਹ ਨਹੀਂ ਖੁੱਲ੍ਹਿਆ।
ਮੁਲਜ਼ਮਾਂ ਤੋਂ ਬਚਣ ਲਈ ਸ਼ਿਕਾਇਤਕਰਤਾ ਨੇ ਘਬਰਾਹਟ ਵਿੱਚ ਕਾਰ ਨੂੰ ਤੇਜ਼ ਰਫ਼ਤਾਰ  ਨਾਲ ਚਲਾਉਣਾ ਸ਼ੁਰੂ ਕਰ ਦਿੱਤਾ।

ਪੜ੍ਹੋ ਖਬਰ: ਪੰਜਾਬੀ ਸਭਿਆਚਾਰ ਦਾ ਅਨਿਖੜਵਾਂ ਅੰਗ ਸੀ ਚਰਖ਼ਾ

ਉਸੇ ਸਮੇਂ ਮੁਲਜ਼ਮਾਂ ਨੇ ਉਸ ਦੀ ਕਾਰ ਦਾ ਪਿੱਛਾ ਕਰਨਾ ਸ਼ੁਰੂ ਕਰ ਦਿੱਤਾ। ਸ਼ਿਕਾਇਤਕਰਤਾ ਨੇ ਹਰੀ ਬੱਤੀ ਪਾਰ ਕਰਕੇ ਸਾਹਮਣੇ ਤੋਂ ਗੱਡੀ ਮੋੜਨ ਦੀ ਕੋਸ਼ਿਸ਼ ਕੀਤੀ ਪਰ ਸੰਤੁਲਨ ਗੁਆਉਣ ਕਾਰਨ ਗੱਡੀ ਨਾ ਮੋੜੀ ਅਤੇ ਕੰਧ ਨਾਲ ਜਾ ਟਕਰਾਈ। ਸ਼ਿਕਾਇਤਕਰਤਾ ਨੇ ਦੱਸਿਆ ਕਿ ਉਹ ਜੈਗੁਆਰ ਕੰਪਨੀ ਵਿੱਚ ਕੰਮ ਕਰਦਾ ਹੈ।