Punjabi Singer KS Makhan

ਚੰਡੀਗੜ੍ਹ : ਬੀਤੇ ਦਿਨੀਂ ਪੰਜਾਬੀ ਗਾਇਕ ਕੇ ਐੱਸ ਮੱਖਣ ਵੱਲੋਂ ਲਾਈਵ ਹੋਕੇ ਕਕਾਰਾਂ ਦਾ ਤਿਆਗ ਕਰਨਾ ਸਿੱਖ ਭਾਈਚਾਰੇ ਅੰਦਰ ਗੁੱਸੇ ਦੀ ਇੱਕ ਵੱਡੀ ਲਹਿਰ ਫੈਲਾ ਗਿਆ। ਜਿਥੇ ਉਸਦੀ ਇਸ ਹਰਕਤ ਤੇ ਵਿਦੇਸ਼ਾਂ 'ਚ ਬੈਠੇ ਸਿੱਖ ਵੀ ਉਸਦੀ ਇਸ ਵੀਡੀਓ ਦੀ ਨਿੰਦਾ ਕਰਦੇ ਹੋਏ ਲਾਹਨਤਾਂ ਪਾਉਂਦੇ ਨਹੀਂ ਥੱਕ ਰਹੇ। ਅਜਿਹੀ ਇੱਕ ਵੀਡੀਓ ਜਰਮਨੀ 'ਚ ਬੈਠੇ ਇੱਕ ਸਿੱਖ ਵਿਅਕਤੀ ਨੇ ਸੋਸ਼ਲ ਮੀਡੀਆ ਤੇ ਸਾਂਝੀ ਕੀਤੀ ਹੈ।

ਜਿਸਨੇ ਵੀਡੀਓ ਰਾਹੀਂ ਕੇ ਐੱਸ ਮੱਖਣ ਨੂੰ ਕਿਹਾ ਕਿ ਤੈਨੂੰ ਕਿਸੇ ਨੇ ਨਹੀਂ ਪੁੱਛਣਾ ਨਾ ਤੇਰਾ ਕੋਈ ਵਜੂਦ ਰਹਿਣਾ ਹੋਰ ਤਾਂ ਹੋਰ ਉਸਨੇ ਗੁਰਦਾਸ ਮਾਨ ਨੂੰ ਨਚਾਰ ਸੰਬੋਧਨ ਕਰਦੇ ਹੋਏ, ਕੇ ਐੱਸ ਮੱਖਣ ਨੂੰ ਉਸਦਾ ਸਾਥ ਦੇਣ ਪਿਛੇ ਕਕਾਰਾਂ ਦਾ ਤਿਆਗ ਕਰਨ ਤੇ ਲਾਹਨਤਾਂ ਪਾਈਆਂ।

ਬੀਤੇ ਦਿਨੀ ਪੰਜਾਬੀ ਗਾਇਕ ਕੇ ਐੱਸ ਮੱਖਣ ਵਲੋਂ ਲਾਈਵ ਹੋਕੇ ਜੋ ਕਕਾਰਾਂ ਨੂੰ ਤਿਆਗਿਆ ਗਿਆ। ਸਿੱਖ ਭਾਈਚਾਰੇ ਵਿੱਚ ਕੇ ਐੱਸ ਮੱਖਣ ਦੀ ਇਸ ਹਰਕਤ ਨੂੰ ਲੈਕੇ ਕਾਫੀ ਗੁੱਸਾ ਪਾਇਆ ਜਾ ਰਿਹਾ ਹੈ। ਇਹ ਹਰਕਤ ਕਰਕੇ ਸਿੱਖਾਂ ਦੇ ਸਹੇੜੇ ਗੁੱਸੇ ਦਾ ਸਾਹਮਣਾ ਕਿਵੇਂ ਕਰਨਗੇ ਕੇ ਐੱਸ ਮੱਖਣ ਇਹ ਤਾਂ ਹੁਣ ਆਉਣ ਵਾਲਾ ਸਮਾਂ ਹੀ ਦੱਸੇਗਾ।