Two Died by Electric Shock

ਛਾਹੜ - ਸਥਾਨਕ ਪਿੰਡ ਛਾਹੜ ਵਿਖੇ ਬਿਜਲੀ ਦਾ ਕਰੰਟ ਲੱਗਣ ਕਾਰਨ ਦੋ ਮੌਤਾਂ ਹੋ ਗਈਆਂ ਹਨ। ਪ੍ਰਾਪਤ ਜਾਣਕਾਰੀ ਅਨੁਸਾਰ ਖੇਤ ਵਿਚ ਟਿਊਬਲ ਖ਼ਰਾਬ ਹੋਣ ਕਾਰਨ ਮੋਟਰ ਨੂੰ ਬਾਹਰ ਕੱਢਿਆ ਜਾ ਰਿਹਾ ਸੀ ਕਿ ਮੋਟਰ ਨੂੰ ਕੱਢਣ ਵਾਲਾ ਘਢੂਕਾ ਤਾਰਾ ਨਾਲ ਟਕਰਾ ਗਿਆ।

ਜਿਸ ਕਾਰਨ ਘਢੂਕਾ ਵਿਚ ਕਰੰਟ ਆ ਗਿਆ। ਕਰੰਟ ਲੱਗਣ ਕਾਰਨ ਬੱਗਾ ਸਿੰਘ (45) ਪੁੱਤਰ ਬਾਵਾ ਅਤੇ ਬਿੱਕਰ ਸਿੰਘ (28) ਪੁੱਤਰ ਜਰਨੈਲ ਸਿੰਘ ਦੀ ਮੌਤ ਹੋ ਗਈ। ਜਦੋਂ ਕਿ ਲਵਪ੍ਰੀਤ ਸਿੰਘ ਤੇ ਸੁਖਪਾਲ ਸਿੰਘ ਨੂੰ ਵੀ ਬਿਜਲੀ ਕਰੰਟ ਦੇ ਝਟਕੇ ਲੱਗੇ। ਬੱਗਾ ਸਿੰਘ ਦੇ ਪਰਵਾਰ ਵਿਚ ਇਕ ਬੁੱਢੀ ਮਾਂ, ਪਤਨੀ ਤੇ ਤਿੰਨ ਛੋਟੇ ਬੱਚੇ ਅਤੇ ਬਿੱਕਰ ਸਿੰਘ ਦੇ ਪਰਵਾਰ ਵਿਚ ਮਾਤਾ-ਪਿਤਾ, ਪਤਨੀ ਤੇ ਇਕ ਬੇਟਾ ਛੱਡ ਗਿਆ ਹੈ। ਜਿਸ ਨਾਲ ਪਿੰਡ ਸੋਗ ਦੀ ਲਹਿਰ ਦੌੜ ਗਈ।