Photo studio fire

ਟਾਂਡਾ : ਟਾਂਡਾ ਵਿਖੇ ਬੀਤੀ ਰਾਤ ਫੋਟੋ ਸਟੂਡੀਓ ਵਿੱਚ ਅਚਾਨਕ ਭਿਆਨਕ ਅੱਗ ਲੱਗਣ ਕਾਰਨ ਲੱਖਾਂ ਰੁਪਏ ਦਾ ਸਮਾਨ ਸੜਕੇ ਸੁਆਹ ਹੋ ਗਿਆ। ਜਾਣਕਾਰੀ ਦਿੰਦੇ ਹੋਏ ਅਵਤਾਰ ਸਿੰਘ ਦੁਕਾਨ ਮਾਲਕ ਨੇ ਦੱਸਿਆ ਕਿ ਉਹ ਦਸੂਹਾ ਵਿਖੇ ਕੋਈ ਵਿਆਹ ਸਮਾਰੋਹ ਲਈ ਪ੍ਰੀਵੈਡਿੰਗ ਕਰਨ ਲਈ ਗਿਆ ਸੀ।

ਜਿਸ ਦੇ ਮਗਰੋਂ ਕਿਸੇ ਕਾਰਨ ਕਰਕੇ ਅੱਗ ਲੱਗ ਗਈ। ਨੁਕਸਾਨੇ ਗਏ ਸਮਾਨ ਵਿਚ ਕੈਮਰੇ, ਵੀਡੀਉ ਬਣਾਉਣ ਵਾਲੀ ਡਰੋਨ, ਲੈਪਟਾਪ, ਵਿਆਹਾਂ ਦੀਆਂ ਖ਼ਾਸ ਮੂਵੀਆਂ, ਫੋਟੋਆਂ ਆਦਿ ਸੜ ਕੇ ਸੁਆਹ ਹੋ ਗਈਆਂ। 

ਦੱਸ ਦਈਏ ਕਿ ਪਹਿਲਾਂ ਆਸ ਪਾਸ ਦੇ ਲੋਕਾਂ ਵਲੋਂ ਖੁਦ ਅੱਗ ਤੇ ਕਾਬੂ ਪਾਉਣ ਦੀ ਕੋਸ਼ਿਸ਼ ਕੀਤੀ ਗਈ ਪਰ ਫਿਰ ਫਾਇਰ ਬ੍ਰਿਗੇਡ ਦੀਆਂ ਗੱਡੀਆਂ ਨੇ ਆਕੇ ਇਸ ਅੱਗ ਤੇ ਕਾਬੂ ਪਾਇਆ। ਫਿਲਹਾਲ ਅੱਗ ਤੇ ਕਾਬੂ ਪਾ ਲਿਆ ਗਿਆ ਹੈ ਪਰ ਦੁਕਾਨ ਦਾ ਕਾਫੀ ਨੁਕਸਾਨ ਹੋ ਚੁੱਕਿਆ ਅਤੇ ਦੁਕਾਨ ਮਾਲਕਾਂ ਵਲੋਂ ਇਸ ਗੱਲ ਦਾ ਕਾਫੀ ਦੁੱਖ ਜ਼ਾਹਿਰ ਕੀਤਾ ਗਿਆ ਹੈ।