ਸਰੀਰ ਤੋਂ ਅਪਾਹਜ ਹੋਣ ਦੇ ਬਾਵਜੂਦ ਬਰਨਾਲਾ ਦੇ ਯਾਦਵਿੰਦਰ ਨੇ ਪੇਸ਼ ਕੀਤੀ ਮਿਸਾਲ
ਭਾਰਤੀ ਅਪਹਾਜ ਕ੍ਰਿਕੇਟ ਟੀਮ ਨੂੰ ਨੇਪਾਲ 'ਚ ਦਵਾਈ ਜਿੱਤ
ਬਰਨਾਲਾ: ਕਹਿੰਦੇ ਨੇ ਇਨਸਾਨ ਦੇ ਅੰਦਰ ਜੇ ਕੁੱਝ ਕਰਨ ਦਾ ਜਜ਼ਬਾ ਹੋਵੇ ਤਾਂ ਉਸ ਨੂੰ ਦੁਨੀਆਂ ਦੀ ਕੋਈ ਵੀ ਤਾਕਤ ਉਹ ਕੰਮ ਕਰਨ ਤੋਂ ਰੋਕ ਨਹੀਂ ਸਕਦੀ ਜਿਸ ਨੂੰ ਉਹ ਕਰਨਾ ਚਾਹੁੰਦਾ ਹੈ। ਇਹੋ ਜਿਹਾ ਹੀ ਕੁੱਝ ਕਰ ਦਿਖਾਇਆ ਬਰਨਾਲਾ ਦੇ ਯਾਦਵਿੰਦਰ ਸਿੰਘ ਲਵਲੀ ਨੇ ਜੋ ਸਰੀਰ ਤੋਂ ਅਪਾਹਜ ਹਨ।
ਦਰਅਸਲ ਅਪਹਾਜ ਕ੍ਰਿਕੇਟ ਕੰਟਰੋਲ ਬੋਰਡ ਦੁਆਰਾ ਭਾਰਤ ਦੀ ਅਪਾਹਜ ਕ੍ਰਿਕੇਟ ਟੀਮ ਨਾਲ ਨੇਪਾਲ ਦੀ ਅਪਹਾਜ਼ ਕ੍ਰਿਕੇਟ ਟੀਮ ਦੀ ਤਿੰਨ 20-20 ਮੈਚਾਂ ਦੀ ਸੀਰੀਜ ਕਰਵਾਈ ਗਈ ਜਿਸ ਚ ਭਾਰਤ ਨੇ ਨੇਪਾਲ ਨੂੰ ਹਰਾ ਕੇ ਜਿੱਤ ਦਾ ਝੰਡਾ ਲਹਿਰਾਇਆ।
ਭਾਰਤ ਨੇ ਇਹ ਜਿੱਤ ਯਾਦਵਿੰਦਰ ਸਿੰਘ ਲਵਲੀ ਦੀ ਕਪਤਾਨੀ ਹੇਠਾਂ ਪ੍ਰਾਪਤ ਕੀਤੀ ਅਤੇ ਉਸ ਨੂੰ ਬੈਸਟ ਬੱਲੇਬਾਜ ਕਰਨ ਦਾ ਖਿਤਾਬ ਵੀ ਹਾਸਿਲ ਹੋਇਆ। ਜਿੱਤਣ ਤੋਂ ਬਾਅਦ ਜਦੋਂ ਯਾਦਵਿੰਦਰ ਸਿੰਘ ਲਵਲੀ ਬਰਨਾਲਾ ਪਹੁੰਚੇ ਤਾਂ ਉਹਨਾਂ ਦਾ ਬਰਨਾਲਾ ਵਾਸੀਆ ਨੇ ਲੱਡੂਆ ਨਾਲ ਮੂੰਹ ਮੀਠਾ ਕਰ ਕੇ ਸ਼ਾਨਦਾਰ ਸਵਾਗਤ ਕੀਤਾ ਅਤੇ ਜਿੱਤ ਦੀ ਖੁਸ਼ੀ ਵਿੱਚ ਰੋਡ ਸ਼ੋਅ ਵੀ ਕੱਢਿਆ।
ਇਸ ਮੌਕੇ ਯਾਦਿਵੰਦਰ ਸਿੰਘ ਨੇ ਖੁਸ਼ੀ ਪ੍ਰਗਟ ਕੀਤੀ ਤੇ ਕਿਹਾ ਕਿ ਉਹਨਾਂ ਨੂੰ ਖੇਡਦੇ ਸਮੇਂ ਕਦੇ ਇਹੋ ਜਿਹਾ ਮਹਿਸੂਸ ਨਹੀਂ ਹੁੰਦਾ ਕਿ ਉਹ ਅਪਹਾਜ਼ ਹਨ ਕਿਉਂਕਿ ਉਹ ਆਪਣੀ ਖਾਤਰ ਨਹੀਂ ਬਲਕਿ ਦੇਸ਼ ਦੀ ਖਾਤਰ ਖੇਡਦੇ ਹਨ।
ਯਾਦਵਿੰਦਰ ਨੇ ਕਿਹਾ ਕਿ ਜਿਵੇਂ ਬੀਸੀਸੀਆਈ ਭਾਰਤੀ ਕ੍ਰਿਕੇਟ ਟੀਮ ਦੇ ਖਿਡਾਰੀਆ ਨੂੰ ਉਹਨਾਂ ਦਾ ਬਣਦਾ ਮਾਣ ਦਿੰਦੀ ਹੈ। ਇਸ ਤਰ੍ਹਾ ਹੀ ਸਾਡੇ ਲਈ ਵੀ ਬੀਸੀਸੀਆਈ ਨੂੰ ਕੁੱਝ ਕਰਨਾ ਚਾਹੀਦਾ ਹੈ। ਇੰਨਾ ਹੀ ਨਹੀਂ ਯਾਦਵਿੰਦਰ ਅਪਾਹਜ਼ ਹੋਣ ਦੇ ਬਾਵਜ਼ੂਦ ਕ੍ਰਿਕੇਟ ਖੇਡਣ ਦੇ ਨਾਲ 12ਸਾਲ ਤੋ ਛੋਟੇ ਛੋਟੇ ਬੱਚਿਆ ਨੂੰ ਕ੍ਰਿਕੇਟ ਸਿਖਾਉਣ ਦਾ ਫ੍ਰੀ ਕੋਚਿੰਗ ਸੈਂਟਰ ਵੀ ਚਲਾ ਰਹੇ ਹਨ ਅਤੇ ਇਹੀ ਕਾਰਨ ਸੀ ਕਿ ਜਦੋਂ ਯਾਦਵਿੰਦਰ ਨੇਪਾਲ ਚ ਜਿੱਤ ਦਾ ਝੰਡਾ ਗੱਡ ਕੇ ਬਰਨਾਲਾ ਆਏ ਤਾਂ ਬੱਚਿਆ ਨੇ ਵੀ ਉਹਨਾਂ ਦਾ ਮੂੰਹ ਮਿੱਠਾ ਕੀਤਾ ਅਤੇ ਗੱਲ ਚ ਫੁੱਲਾ ਦੇ ਹਾਰ ਪਾਏ।
ਇਸ ਤੋਂ ਇਲਾਵਾ ਯਾਦਵਿੰਦਰ ਨੂੰ ਕਈ ਬਰਨਾਲਾ ਦੀਆਂ ਸੰਸਥਾਵਾਂ ਨੇ ਵੀ ਸਨਮਾਨਿਤ ਕੀਤਾ ਇਸ ਮੌਕੇ ਬਰਨਾਲਾ ਕ੍ਰਿਕੇਟ ਐਸੋਏਸ਼ਨ ਦੇ ਸੈਕਟਰੀ ਮਹਿੰਦਰ ਖੰਨਾ ਵੀ ਮੌਜ਼ੂਦ ਸਨ। ਉਹਨਾਂ ਦਾ ਕਹਿਣਾ ਸੀ ਕਿ ਇਹ ਬਰਨਾਲੇ ਵਾਸਤੇ ਮਾਣ ਵਾਲੀ ਗੱਲ ਹੈ ਅਤੇ ਅਪਹਾਜ ਹੋਣ ਦਾ ਬਾਵਜੂਦ ਜਿੱਤ ਪ੍ਰਾਪਤ ਕਰਨਾ ਯਾਦਵਿੰਦਰ ਲਈ ਵੀ ਇੱਕ ਵੱਡੀ ਪ੍ਰਾਪਤੀ ਹੈ।
ਇਸ ਨਾਲ ਬਾਕੀ ਲੋਕਾਂ ਨੂੰ ਵੀ ਪ੍ਰੇਰਨਾ ਮਿਲਦੀ ਹੈ। ਖੈਰ ਪੂਰੀ ਭਾਰਤੀ ਅਪਹਾਜ ਕ੍ਰਿਕੇਟ ਟੀਮ ਨੇ ਜਿੱਤ ਕੇ ਇਹ ਸਾਬਿਤ ਕਰ ਦਿੱਤਾ ਕਿ ਅਪਹਾਜ਼ ਹੋਣਾ ਕੋਈ ਸ਼ਰਾਪ ਨਹੀਂ ਹੈ। ਜੇ ਇਨਸਾਨ ਦੇ ਅੰਦਰ ਹਿੰਮਤ ਅਤੇ ਹੋਸਲਾ ਹੋਵੇ ਤਾਂ ਉਹ ਹਰ ਮੁਕਾਮ ਨੂੰ ਹਾਸਿਲ ਕਰ ਸਕਦਾ ਹੈ।
Punjabi News ਨਾਲ ਜੁੜੀ ਹੋਰ ਅਪਡੇਟ ਲਗਾਤਾਰ ਹਾਸਲ ਕਰਨ ਲਈ ਸਾਨੂੰ Facebook ਤੇ ਲਾਈਕ Twitter ਤੇ follow ਕਰੋ।