Social Media Mintu Gurusaria Guru Nanak Modikhana Medicine

ਚੰਡੀਗੜ੍ਹ: ਹੁਣ ਜਦੋਂ ਦਵਾਈਆਂ ਦਾ ਮੁੱਦਾ ਉੱਠ ਹੀ ਚੁੱਕਾ ਹੈ ਤਾਂ ਕਈ ਡਾਕਟਰ ਤੇ ਕੈਮਿਸਟ ਵਾਲਿਆਂ ਵੱਲੋਂ ਅਪਣੀ ਰਾਏ ਰੱਖੀ ਜਾ ਰਹੀ ਹੈ। ਹਰ ਕੋਈ ਅਪਣੇ ਤਰੀਕੇ ਨਾਲ ਇਸ ਮਹੱਤਤਾ ਤੇ ਕੀਮਤ ਦੱਸਣ ਦੀ ਕੋਸ਼ਿਸ਼ ਕਰ ਰਿਹਾ ਹੈ। ਹਾਲ ਹੀ ਵਿਚ ਮਿੰਟੂ ਗੁਰੂਸਰੀਆ ਨੇ ਲਾਈਵ ਹੋ ਕੇ ਐਥੀਕਲ ਤੇ ਜੈਨੇਰਿਕ ਦਵਾਈਆਂ ਬਾਰੇ ਜਾਣੂ ਕਰਵਾਇਆ ਗਿਆ ਹੈ। ਉਹਨਾਂ ਕਿਹਾ ਕਿ ਲੋਕਾਂ ਨੂੰ ਐਥੀਕਲ ਅਤੇ ਜੈਨੇਰਿਕ ਦਵਾਈਆਂ ਬਾਰੇ ਚੰਗੀ ਤਰ੍ਹਾਂ ਜਾਣੂ ਨਹੀਂ ਕਰਵਾਇਆ ਜਾ ਰਿਹਾ।

ਉਹਨਾਂ ਨੇ ਉਦਾਹਰਨ ਦਿੰਦਿਆਂ ਦਸਿਆ ਕਿ ਜਿਵੇਂ ਕੋਰੋਨਾ ਬਿਮਾਰੀ ਹੈ, ਇਸ ਵਿਚ ਕਿਸੇ ਨੇ ਸਾਲਟ ਲੱਭਿਆ। ਇਕ ਕੰਪਨੀ ਹੈ ਦਾਕੋਨਾ, ਇਸ ਕੰਪਨੀ ਨੇ ਵਕੋਨਾ ਸਾਲਟ ਨਾਲ ਦਵਾਈ ਤਿਆਰ ਕਰ ਲਈ। ਇਸ ਖੋਜ ਵਿਚ ਉਹਨਾਂ ਨੂੰ ਕਾਫੀ ਸਮਾਂ ਲੱਗਿਆ ਹੋਵੇਗਾ ਤੇ ਖਰਚ ਵੀ ਬਹੁਤ ਆਇਆ ਹੋਵੇਗਾ। ਇਸ ਤੋਂ ਬਾਅਦ ਜਦੋਂ ਉਹਨਾਂ ਨੂਂ ਅਪਰੂਵਲ ਮਿਲੇਗੀ ਉਦੋਂ ਤਕ ਉਹਨਾਂ ਨੂੰ ਪੇਟੈਂਟ ਮਿਲੇਗਾ।

ਇਹ ਪੇਟੈਂਟ ਉਹਨਾਂ ਨੂੰ 5 ਜਾਂ 10 ਸਾਲ ਲਈ ਮਿਲੇਗਾ ਤਾਂ ਕਿ ਉਸ ਦਵਾਈ ਤੇ ਜਿੰਨਾ ਖਰਚ ਆਇਆ ਹੋਵੇਗਾ ਉਸ ਨੂੰ ਵਸੂਲਿਆ ਜਾ ਸਕੇ। ਹੋਰ ਕੰਪਨੀ ਉਸੇ ਤਰ੍ਹਾਂ ਦੇ ਸਾਲਟ ਦੀ ਕੰਪਨੀ ਉਦੋਂ ਤਕ ਨਹੀਂ ਬਣਾ ਸਕਦੀ ਜਦੋਂ ਤਕ ਤੁਹਾਡੇ ਕੋਲ ਪੇਟੈਂਟ ਹੈ ਤੇ ਇਸ ਨੂੰ ਬ੍ਰਾਂਡੈਡ ਜਾਂ ਐਥੀਕਲ ਕਿਹਾ ਜਾ ਸਕਦਾ ਹੈ। ਜਦੋਂ ਪੇਟੈਂਟ ਖਤਮ ਹੋ ਜਾਂਦਾ ਹੈ ਜਿਵੇਂ ਕਿ ਕੋਰੋਨਾ ਦੀ ਦਵਾਈ ਬਣਾਈ ਜਾਂਦੀ ਹੈ ਤਾਂ ਉਸ ਤੋਂ 5 ਸਾਲ ਬਾਅਦ ਜਦ ਉਸ ਕੰਪਨੀ ਦਾ ਪੇਟੈਂਟ ਖ਼ਤਮ ਹੋ ਜਾਂਦਾ ਹੈ ਤਾਂ ਉਹ ਦਵਾਈ ਜਨਰਲ ਹੋ ਜਾਂਦੀ ਹੈ।

ਉਸ ਸਮੇਂ ਹਰ ਕੋਈ ਇਹ ਦਵਾਈ ਉਸ ਸਾਲਟ ਵਿਚ ਬਣਾ ਸਕਦਾ ਹੈ। ਅਮਰੀਕਾ ਦੇ ਲੋਕਾਂ ਨੂੰ ਪਤਾ ਹੁੰਦਾ ਹੈ ਕਿ ਕਿਹੜੀ ਦਵਾਈ ਐਥੀਕਲ ਹੈ ਤੇ ਕਿਹੜੀ ਜੈਨੇਰਿਕ ਹੈ। ਉਹਨਾਂ ਨੂੰ ਇਹ ਵੀ ਪਤਾ ਹੁੰਦਾ ਹੈ ਕਿ ਜੈਨੇਰਿਕ ਦਵਾਈ 70 ਤੋਂ 80 ਪ੍ਰਤੀਸ਼ਤ ਸਸਤੀ ਹੈ। ਇਹੀ ਤਾਂ ਭਾਰਤ ਦੇ ਲੋਕਾਂ ਨੂੰ ਦਸਿਆ ਨਹੀਂ ਜਾ ਰਿਹਾ। ਜਿਹੜੀ ਦਵਾਈ ਅਮਰੀਕਾ ਵਿਚ ਜੈਨੇਰਿਕ ਹੈ ਉਹ ਭਾਰਤ ਵਿਚ ਬ੍ਰਾਂਡੇਡ ਬਣ ਜਾਂਦੀ ਹੈ।

ਫਿਰ ਇਸ ਤੋਂ ਬਾਅਦ ਜੋ ਕੋਈ ਵੀ ਇਹ ਦਵਾਈ ਬਣਾਉਂਦਾ ਹੈ ਉਹ ਅਪਣਾ ਨਾਮ ਬਦਲ ਦਿੰਦਾ ਹੈ ਤਾਂ ਜੋ ਬ੍ਰਾਂਡੇਡ ਲੱਗ ਸਕੇ ਤੇ ਇਸ ਨੂੰ 70 ਤੋਂ 80 ਪ੍ਰਤੀਸ਼ਤ ਵਧਾ ਕੇ ਵੇਚਿਆ ਜਾਂਦਾ ਹੈ। ਭਾਰਤ ਵਿਚ 99 ਪ੍ਰਤੀਸ਼ਤ ਜੈਨੇਰਿਕ ਦਵਾਈਆਂ ਦੀ ਟੈਸਟਿੰਗ ਨਹੀਂ ਹੁੰਦੀ।

ਇਸ ਪ੍ਰਤੀ ਜਾਗਰੂਕ ਹੋਣ ਦੀ ਲੋੜ ਹੈ ਤੇ ਡਾਕਟਰਾਂ ਵੱਲੋਂ ਐਕਟ ਦੇ ਆਧਾਰ ਤੇ ਜੈਨੇਰਿਕ ਦਵਾਈਆਂ ਦੀ ਕੀਮਤ ਲਿਖੀ ਜਾਵੇ। ਇਸ ਨਾਲ ਕੋਈ ਵੀ ਅਪਣੀ ਮਰਜ਼ੀ ਨਾਲ ਕਿਸੇ ਦਵਾਈ ਦੀ ਕੀਮਤ ਤੈਅ ਨਹੀਂ ਕਰੇਗਾ ਤੇ ਹਰ ਪਾਸੇ ਇਕੋ ਰੇਟ ਤੇ ਦਵਾਈ ਮਿਲ ਜਾਵੇਗੀ।