High Security Chandigarh

ਚੰਡੀਗੜ੍ਹ (ਪੀਟੀਆਈ) : ਪੰਜਾਬ ਦੀ ਸਰਹੱਦ ‘ਚ ਦਾਖਲ ਹੋ ਕੇ ਦੀਵਾਲੀ ਦੇ ਤਿਉਹਾਰ ਮੌਕੇ ਅਤਿਵਾਦੀ ਕਿਸੇ ਵੱਡੀ ਵਾਰਦਾਤ ਨੂੰ ਅੰਜਾਮ ਦੇਣ ਦੀ ਫ਼ਿਰਾਕ ‘ਚ ਹਨ। ਕੁਝ ਅਜਿਹੀ ਜਾਣਕਾਰੀ ਵੀ ਚੰਡੀਗੜ੍ਹ ਪੁਲਿਸ ਨੂੰ ਮਿਲੀ ਹੈ। ਇਸ ਜਾਣਕਾਰੀ ਤੋਂ ਬਾਅਦ ਚੰਡੀਗੜ੍ਹ ਪੁਲਿਸ ਵੀ ਹਾਈ ਅਲਰਟ ਹੋ ਗਈ ਹੈ। ਵਿਭਾਗ ਦੇ ਅਧਿਕਾਰੀਆਂ ਨੂੰ ਪੂਰੀ ਚੌਕਸੀ ਨਾਲ ਡਿਊਟੀ ਕਰਨ ਦੇ ਨਿਰਦੇਸ਼ ਦਿਤੇ ਗਏ ਹਨ। ਮੋਹਾਲੀ-ਪੰਚਕੁਲਾ ਦੀਆਂ ਸਰਹੱਦਾਂ ਉਤੇ ਵੀ ਸਖ਼ਤ ਨਜ਼ਰ ਰੱਖੀ ਜਾ ਰਹੀ ਹੈ।

ਸੀਸੀਟੀਵੀ ਕੈਮਰਿਆਂ ‘ਚ ਰਿਕਾਰਡ ਫੁਟੇਜ਼ ਮੋਨਿਟਰਿੰਗ ਕਰਨ ਦੇ ਨਾਲ ਪੁਲਿਸ ਕਰਮਚਾਰੀਆਂ ਨੂੰ ਹੋਟਲ, ਧਰਮਸ਼ਾਲਾ, ਗੈਸਟ ਹਾਉਸ ਅਤੇ ਹੋਰ ਥਾਵਾਂ ਉਤੇ ਰਿਕਰਾਡ ਦੀ ਜਾਂਚ ਦੇ ਨਿਰਦੇਸ਼ ਦਿਤੇ ਗਏ ਹਨ। ਦੱਸ ਦਈਏ ਕਿ ਫ਼ੌਜ ਮੁਖੀ ਨੇ ਵੀ ਡਰ ਵਾਲੀ ਗੱਲ ਆਖੀ ਹੈ ਕਿ ਤਿਉਹਾਰਾਂ ਵਿਚ ਅਤਿਵਾਦੀ ਪੰਜਬ ‘ਚ ਵੱਡੀ ਵਾਰਦਾਤ ਕਰਨ ਦੀ ਫ਼ਿਰਾਕ ‘ਚ ਹਨ। ਇਸ ਤੋਂ ਬਾਅਦ ਪੰਜਾਬ ਪੁਲਿਸ ਵਿਭਾਗ ਨੇ ਵੀ ਅਲਰਟ ਜ਼ਾਰੀ ਕੀਤਾ ਹੈ। ਪੰਜਾਬ ਦੇ ਸਾਰੇ ਜਿਲ੍ਹਿਆਂ ਦੇ ਐਸਐਸਪੀਜ਼, ਆਈਜੀਪੀ ਅਤੇ ਡੀਜੀਪੀ ਨੇ ਇੰਟੈਲੀਜੈਂਸ ਵਿੰਗ ਅਤੇ ਹੋਰ ਵੀ ਸਾਰੇ ਮਾਧਿਅਮਾਂ ਤੋਂ ਜਾਣਕਾਰੀ ਦੇਣ ਦੇ ਨਿਰਦੇਸ਼ ਦਿਤੇ ਹਨ।

ਇਸੇ ਕੰਮ ਤੇ ਲੱਗੀ ਪੁਲਿਸ ਵੀ ਬਾਹਰੀ ਸਰਹੱਦਾਂ ਤੋਂ ਲੈ ਕੇ ਪਰ ਉਸ ਸੰਭਵ ਯਤਨ ਵਿਚ ਲੱਗੀ ਹੈ। ਜਿਸ ਨਾਲ ਕਿਸੇ ਵੀ ਘਟਨਾ ਨੂੰ ਟਾਲਿਆ ਜਾ ਸਕੇ। ਵਿਸ਼ੇਸ਼ ਯੂਨੀਟਸ ਅਪਣੇ ਪੱਧਰ ਉਤੇ ਅਹਿਮ ਇਨਪੁਟ ਜੁਟਾਉਣ ਵਿਚ ਲੱਗੀ ਹੈ। ਥਾਣੇ ਦੇ ਪੁਲਿਸ ਕਰਚਾਰੀ ਪੁਲਿਸ ਹਫ਼ਤੇ ਦੇ ਦੌਰਾਨ ਲੋਕਾਂ ਤੋਂ ਸਹਿਯੋਗ ਦੇਣ ਅਤੇ ਅਲਰਟ ਰਹਿਣ ਦੀ ਅਪੀਲ ਕਰ ਰਹੇ ਹਨ। ਨਾਈਟ ਪਟਰੌਲਿੰਗ ਪਾਰਟੀ ਨੂੰ ਵੀ ਸਖ਼ਤ ਡਿਊਟੀ ਕਰਨ ਦੇ ਨਿਰਦੇਸ਼ ਦਿਤੇ ਗਏ ਹਨ। ਵਿਭਾਗ ਦੇ ਅਧਿਕਾਰੀਆਂ ਦੇ ਨਾਮ ਪ੍ਰਕਾਸ਼ਿਤ ਨਾ ਕਰਨ ਦੀ ਸ਼ਰਤ ਉਤੇ ਅਤਿਵਾਦੀਆਂ ਦੇ ਖਲਲ ਪਾਉਣ ਨਾਲ ਅੰਦੇਸ਼ ‘ਤੇ ਸੁਰੱਖਿਆ ਵਿਵਸਥਾ ਨੂੰ ਲੈ ਕੇ ਤਿਆਰੀ ਕਰਨ ਅਤੇ ਪੁਲਿਸ ਦੇ ਅਲਰਟ ‘ਤੇ ਹੋਣ ਦੀ ਗੱਲ ਕਹੀ ਗਈ ਹੈ।